Nau Ntơm 49:6 - Nau Brah Ndu Ngơi 2023

⁶ Mbơh sơm ma huêng gâp mâu ôh ndrel du trong ma khân păng, Huêng gâp mâu tâm rnglăp ôh đah phung khân păng; Yorlah tâm nau khân păng ji nuih hŏ nkhĭt jêh bunuyh, Nôk geh nau tâm ji nuih khân păng koh jêh jâng jon ndrôk nkuăng.

Bunong Bible Latin Script Cambodian dialect

⁶ Gâp mâu ôh ŭch gŭ ndrel khân păng Nôk khân păng tâm nchră nau jan djơh. Yorlah nôk khân păng ji nuih, khân păng nkhât bu nơh Jêh ri khân păng koh lơi jŏng jon ndrôk nkuŏng dah khân păng nơm ŭch dơm.

Bunong

⁶ គ៝ប់​មោ​អោស​អុច​គុ​នទ្រែល​ខាន់​ពាង់ នោក​ខាន់​ពាង់​តឹម​ញច្រាៈ​នាវ​ជាន​អ្យើស។ យ៝រ​លាស​នោក​ខាន់​ពាង់​ជី​នូយ្ស ខាន់​ពាង់​ងខឹត​ឞូ​នើស ជេសរី​ខាន់​ពាង់​ក៝ស​លើយ​ជ៝ង់​ជ៝ន​នទ្រោក​ងក្វ៝ង់​ទាស​ខាន់​ពាង់​នើម​អុច​ទើម។

Nau Ntơm 49:6 ပူးပေါင်းရင်းမြစ်များ

Nau Ntơm 34:30

Y-Yakôb lah ma Y-Simêôn jêh ri Y-Lêvi: “Khân may ƀư nau uh ah tât ma gâp, ƀư ma phung bunuyh ƀon lan n'gor aơ, phung Kanaan jêh ri phung Pêrisit, mưch rmot ma gâp. Gâp knŏng geh djê̆ bunuyh, tơlah khân păng tâm rnglăp ndrel gay tâm rdâng jêh ri tâm lơh đah gâp, gâp jêh ri lĕ ngih gâp ro mra rai.”

II Samuel 8:4

Y-Đavit nhŭp du rbăn pơh rhiăng phung tahan ncho seh jêh ri bar rmưn tahan hăn jâng bơh hađăch Sôba jêh ri sreh jâng jon lĕ rngôch seh uih ndeh, knŏng om tŏng du rhiăng bôk ndeh dơm.

I Nau Rêh Jêng 18:4

Y-Đavit sŏk gro bơh hađăch Sôba du rbăn bôk ndeh, pơh rbăn tahan ncho seh, jêh ri bar rmưn tahan hăn jâng. Y-Đavit sreh jâng jon lĕ rngôch seh uih ndeh, knŏng om tŏng du rhiăng seh.

Nau Mprơ Ơm 1:1

Ueh maak yơh ma mbu nơm Mâu hăn tĭng ôh tâm nau nchră phung mhĭk, Mâu lĕ dâk tâm trong nau phung tih, Mâu lĕ gŭ ngau ndrel ma phung mưch.

Nau Mprơ Ơm 103:1

Ơ huêng gâp, tâm rnê hom ma Brah Yêhôva! Lĕ ntil ndơ gŭ tâm gâp, Mprơ tâm rnê hom ma amoh kloh ueh Păng!

Nau Mprơ Ơm 139:19

Ơ Brah Ndu! Nanê̆ May mra ƀư rai phung ƀai. Ơ phung bunuyh ji hir mham, du hom khân may ƀah đah gâp!

Nau Mprơ Ơm 16:9

Yor nây, nuih n'hâm gâp maak, huêng gâp răm rhơn; Nglay săk gâp ăt mra rlu.

Nau Mprơ Ơm 26:9

Lơi ta sŏk huêng gâp hăn ndrel ma phung tih, Mâu lĕ may chalơi nau rêh gâp ndrel ma phung ƀư rung mham.

Nau Mprơ Ơm 28:3

Lơi ta têk gâp hăn ndrel ma phung janh ktang Mâu lah phung ƀư djơh, Jêng phung ngơi đăp mpăn ma phung chiau meng khân păng, Ƀiălah tâm trôm nuih n'hâm bêng ma nau djơh mhĭk.

Nau Mprơ Ơm 30:12

Yor nây, huêng gâp mprơ tâm rnê ma Kôranh Brah jêh ri mâu gŭ rklăk ôh. Ơ Brah Yêhôva Brah Ndu gâp, gâp mra tâm rnê lah ueh ma May ƀaƀơ n'ho ro.

Nau Mprơ Ơm 42:11

Ơ Huêng gâp, mâm ƀư may rdja nuih n'hâm Jêh ri uh ah tâm săk jăn gâp? Kâp gân hom tâm Brah Ndu; yorlah Gâp mra mprơ tâm rnê Păng, Jêng Nơm kơl gâp jêh ri Brah Ndu gâp.

Nau Mprơ Ơm 42:5

Ơ huêng gâp, mâm ƀư may rdja nuih n'hâm Jêh ri uh ah tâm săk jăn gâp? Kâp gân hom tâm Brah Ndu; Gâp mra mprơ tâm rnê ma Păng đŏng, Yorlah mâp măt Păng gâp dơi geh nau tâm rklaih.

Nau Mprơ Ơm 43:5

Ơ huêng gâp, mâm ƀư may rdja nuih n'hâm jêh ri uh ah tâm săk jăn gâp? Kâp gân hom tâm Brah Ndu; Gâp mra mprơ tâm rnê Păng đŏng: Yorlah Păng jêng Brah Ndu gâp jêh ri yor mâp măt Păng gâp dơi tâm rklaih.

Nau Mprơ Ơm 5:10

Ơ Brah Ndu, dăn rmal lơi khân păng! Ƀư rai lơi khân păng tâm nau khân păng tâm nchră; Dăn mprơh lơi khân păng yorlah bêng ma nau tih mhĭk, Yorlah khân păng hŏ ƀư jêh nau tâm rdâng đah May.

Nau Mprơ Ơm 57:8

Ơ huêng gâp, kah rngăl hom! Ơ gong rêng loih, gong rêng, ăn dâk hom! Gâp nơm mra kah rngăl ơm ôi.

Nau Mprơ Ơm 64:2

May pôn gâp bơh nau tâm nchră phung ƀai, Bơh ma phung ƀư mhĭk.

Nau Hôr 1:11

Tơlah khân păng lah: “Văch hom ndrel ma hên, gay kâp dâp ƀư nkhŭt mham păng, Rmoch gay ƀư rai bunuyh mâu geh nau tih;

Nau Hôr 12:5

Nau mĭn phung sŏng srăng jêng di ngăn, Nau nchră bơh phung ƀai jêng nau ndơm da dê.

Yêrêmi 15:17

Gâp mâu gŭ nsum mâu lah pâl rlưn Ndrel ma bunuyh pâl ngơi pâl; Gâp gŭ êng du huê yor ti May tŭn jâk ta gâp, Yorlah May hŏ ƀư nau ji nuih bêng ta klơ gâp.

Yêrêmi 4:19

Ơ! Nau ji gâp, nau ji gâp, Nau rngot klâng tâm nuih n'hâm! Huêng gâp rŭng răng ngăn; Gâp mâu dơi gŭ ât rklăk ôh. Ơ huêng, gâp hŏ tăng bâr nŭng Jêh ri bâr troh rduh tâm lơh!

Luka 12:19

Gâp mra lah ma huêng gâp pô aơ: Hơi huêng gâp, may geh âk drăp ndơ prăp jêh âk năm jêh. Gŭ rlu hom, sông sa nhêt, jêh ri răm maak hom.’

II Kôrintô 6:14

Lơi ta anh mâng mbăk ndrel đah phung mâu chroh ôh. Yorlah nau sŏng srăng đah nau djơh mhĭk geh nau tâm rnglăp lĕ? Nau ang jêh ri nau ngo geh tâm rnglăp lĕ?

Nau Vay Nkah Tay 27:24

‘Di ma rak rtăp ma nơm nkhĭt nuyh chiau meng păng ma nau ndâp!’ Ăn lĕ rngôch phung ƀon lan mra plơ̆ lah: ‘Amen!’

Yôsuê 11:9

Y-Yôsuê ƀư ma khân păng tĭng nâm nau Brah Yêhôva ntăm jêh: koh jâng jon seh khân păng, jêh ri su lơi ndeh seh khân păng ma ŭnh.

Phung Kôranh Phat Dôih 5:21

Dak n'hor Kisôn bŭk rdu phung rlăng, Jêng dak n'hor Kisôn nar kăl e. Hơi huêng gâp! hăn hom ma nau ktang!