Nau Ntơm 49:27 - Nau Brah Ndu Ngơi 2023

²⁷ Y-Benjamin jêng du mlâm so bri vay ŭch sa hêk; Kêng ôi păng sa mpa păng kăp, Kêng mhaơ păng tâm pă ndơ păng pit in.”

Bunong Bible Latin Script Cambodian dialect

²⁷ Ƀenjamin jêng tâm ban ma so bri dŭt janh A ôi păng hăn kăp sa hêk mpômpa (siŭm) Tât kêng măng păng tâm pă mpa păng gleng i nây”.

Bunong

²⁷ បែនយាមឹន​ជេង​តឹម​ឞាន​មា​ឆ៝​ឞ្រី​ទុត​ជាញ អា​អោយ​ពាង់​ហាន់​កាប់​ឆា​ហេក​មពោមពា​(ឆ្យុម) ត៝ត់​កេង​មាង់​ពាង់​តឹម​ពាៈ​មពា​ពាង់​គ្លែង​អី​នៃ”។

Nau Ntơm 49:27 ပူးပေါင်းရင်းမြစ်များ

Nau Ntơm 35:18

Tâm nôk ntơm roh n'hâm, bơi khĭt, păng ntơ amoh kon bu klâu nây jêng Y-Ben-Ôni. Ƀiălah mbơ̆ păng ntơ amoh păng Y-Benjamin.

Nau Ntơm 46:21

Phung kon bu klâu Y-Benjamin jêng: Y-Bêla, Y-Bêker, Y-Asbel, Y-Gêra, Y-Naaman, Y-Êhi, Y-Rôs, Y-Nupim, Y-Hupim, jêh ri Y-Ardơ.

Nau Ntơm 49:26

Nau ueh lăng bơh mbơ̆ ăn ma may Toyh lơn lĕ nau ueh lăng bơh chô yau ăn ma gâp, Rlau klơ lĕ n'gơn yôk bơh rbăn năm kăl e. Ăn lĕ nau ueh lăng aơ gŭ ta klơ bôk Y-Yôsep, Ta ndăr kleng kon hađăch nklang phung oh nâu păng.

Nau Ntơm 49:28

Nây jêng jât ma bar ndŭl mpôl phung Israel jêh ri dĭng lĕ nau mbơ̆ khân păng hŏ ngơi jêh ma khân păng nôk păng ăn nau ueh uĭn ma khân păng, ăp nơm geh du nau ueh uĭn êng êng.

Yêrêmi 5:6

Yor nây, yau mŭr tâm bri mra nkhĭt khân păng, So bri bơh bri rdah ƀư rai khân păng. Yau brăch mra rmiăt kêng padih ƀon khân păng, Mbu nơm luh bơh ƀon mra hêk sa! Yorlah nau tih toyh khân păng âk ngăn, Nau tâm rdâng khân păng mâu dơi kơp.

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Sôphôni 3:3

Phung kôranh tâm ƀon toyh Nâm bu yau mŭr ngrông huy; Phung kôranh phat dôih păng nâm bu so bri dôl măng, Khân păng mâu têm om ôh tât kêng ôi.

Nau Kơp Bunuyh 1:36

Kon sau Benjamin, tĭng nâm noi deh khân păng, dơi nchih amoh săk tĭng ăp ndŭl mpôl jêh ri rnăk vâl, jêng lĕ rngôch bu klâu ntơm bơh bar jât năm leo klơ tâm noi deh Benjamin mra dơi hăn nau tâm lơh,

Nau Kơp Bunuyh 23:24

Aơ du phung ƀon lan dâk nâm bu du mlâm yau mŭr me, Jêh ri khân păng du dâk nâm bu du mlâm yau mŭr nkuăng; Păng knŏng kuen nôk păng hêk sa mpa Jêh ri nhêt mham lĕ mpa păng hŏ nkhĭt.”

Nau Kơp Bunuyh 34:21

Ndŭl mpôl Benjamin geh Y-Êlidat, kon bu klâu Y-Kislon.

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Mathay 7:15

“Njrăng hom ma phung nơm mbơh lor nklă, khân păng mra văch ma khân may njêng nâm bu biăp, ƀiălah tâm trôm khân păng jêng so bri vay kăp hêk.

Kôranh Oh Mon 20:29

Gâp gĭt, jêh gâp dâk hăn, mra geh phung so bri janh ktang lăp tâm phung khân may, khân păng mâu geh nau yô̆ ma phung biăp ôh.

Kôranh Oh Mon 8:3

Ƀiălah Y-Sôl ƀư rai ma Phung Ngih Brah Ndu, rduh lăp ăp ngih vâl nhŭp phung bu ur bu klâu têk leo krŭng khân păng.

Kôranh Oh Mon 9:1

Rnôk nây, Y-Sôl hôm thăm jêh ri nkhĭt phung oh mon Kôranh Brah. Păng hăn ta kôranh ƀư brah toyh lơn,

Nau Vay Nkah Tay 33:12

Ma phung Benjamin, Y-Môis lah: “Nơm Brah Yêhôva rŏng ngăn ngên, Mra dơi rêh đăp mpăn dăch Păng. Kôranh Brah n'gang khân păng du njăr rêh, Jêh ri gŭ ta nklang dor yôk khân păng.”

Philip 3:5

Gâp dơn nau koh ntâu nar rơh pham, jêng noi deh Israel, ndŭl mpôl Benjamin, jêng phung Hêbrơ, kon bunuyh Hêbrơ; ma nau vay, gâp jêng du huê bunuyh Pharisi;

Phung Kôranh Phat Dôih 20:21

Phung Benjamin du luh bơh Gibêa, jêh ri tâm nar nây khân păng nkhĭt bar rmưn bar rbăn phung Israel.

Phung Kôranh Phat Dôih 20:25

Phung Benjamin tâm ban đŏng du luh bơh Gibêa jêh ri tâm nar nây, khân păng tâm lơh nkhĭt du rmưn pham rbăn nuyh phung Israel, jêh ri lĕ rngôch phung nây geh blau djôt đao da dê.