Nau Ntơm 49:11 - Nau Brah Ndu Ngơi 2023

¹¹ Păng kât kon seh bri păng ta tơm krăk ƀâu, Jêh ri kât kon seh bri păng ta n'gĭng tơm krăk ƀâu nse ueh ngăn. Păng mra pih kho ao păng tâm ndrănh krăk ƀâu, Jêh ri pih ao păng tâm mham play krăk ƀâu.

Bunong Bible Latin Script Cambodian dialect

¹¹ Păng ndrŏng ngăn, ndri dâng păng kât seh lia păng nơm ta tơm play yŭng yar ƀon, bol lah tơm play nây dŭt khlay Păng mâu ôh rvê seh lia sa i play i n'ha nây Păng pih ao păng nơm ma dak ndrănh play yŭng yar ƀon Pih bok păng nơm ma dak play yŭng yar ƀon i chăng tâm ban ma mham.

Bunong

¹¹ ពាង់​នទ្រ៝ង់​ងាន់ នទ្រី​ទឹង​ពាង់​ក៝ត់​ឆែស​លៀ​ពាង់​នើម​តា​តើម​ព្លៃ​យុងយារ​ប៝ន ឞ៝ល​លាស​តើម​ព្លៃ​នៃ​ទុត​ខ្លៃ ពាង់​មោ​អោស​រាវៃ​ឆែស​លៀ​ឆា​អី​ព្លៃ​អី​នហា​នៃ ពាង់​ពីស​អាវ​ពាង់​នើម​មា​ទាក​នទ្រាញ់​ព្លៃ​យុងយារ​ប៝ន ពីស​ឞ៝ក​ពាង់​នើម​មា​ទាក​ព្លៃ​យុងយារ​ប៝ន​អី​ចាង់​តឹម​ឞាន​មា​មហាម។

Nau Ntơm 49:11 ပူးပေါင်းရင်းမြစ်များ

Nau Ntơm 49:12

Măt păng chăng lơn ma ndrănh krăk ƀâu, Sêk păng nglang lơn ma dak toh.

I Phung Hađăch 4:20

Phung Yuđa jêh ri phung Israel âk nâm bu choih ta kơh dak mƀŭt; khân păng sông sa nhêt hâk răm ngăn.

I Phung Hađăch 4:25

Du njăr rêh hađăch Salômôn chiă uănh, lĕ phung Yuđa jêh ri phung Israel ntơm bơh Dan tât ma Bêr-Sêba, phung ƀon lan rêh da dê tâm nau đăp mpăn, ăp nơm tâm dâng tơm krăk ƀâu jêh ri tơm rvi păng nơm.

II Phung Hađăch 18:32

kŏ tât tơlah gâp văch njŭn leo khân may lăp tâm du n'gor nâm bu n'gor khân may nơm, jêng n'gor geh prăp ba jêh ri ndrănh, piăng let jêh ri đang krăk ƀâu, du n'gor geh dak ngi ôlive jêh ri dak sŭt. Pônây, khân may mra dơi gŭ rêh jêh ri mâu khĭt ôh. Pônây khân may lơi iăt ôh nau Y-Hêsêkia, yorlah păng ndơm mƀruh khân may nôk pô aơ Brah Yêhôva mra tâm rklaih he.

Yôel 3:18

Tâm nar nây, lĕ yôk luh ndrănh njŭng; Lĕ dor mra luh hoch dak toh, Lĕ rngôch ăp n'hor dak Yuđa mra geh dak hoch ktang. Du n'hor dak mra luh tă bơh ngih Brah Yêhôva Jêh ri tŏ rlŭng Sitim.

Amôt 9:13

Brah Yêhôva lah: “Aơ lĕ nar mra tât, tơlah nơm kai mra tĭng ban nơm rek, Nơm jot play krăk ƀâu tĭng ban nơm srih ntil. Phung yôk ăn truh ndrănh njŭng, Jêh ri ăp yôk mra hoch.

Mika 4:4

Ăp nơm mra gŭ tâm dâng tơm krăk ƀâu khân păng Jêh ri tâm dâng tơm rvi khân păng nơm; Mâu geh ôh nơm ƀư ăn ma khân păng klach Yorlah trôm mbung Brah Yêhôva ma phung tahan hŏ lah jêh.

Nau Vay Nkah Tay 32:14

Sa dak toh ndrôk kŏt, dak toh ndrêh bơh biăp, Ndrel ma ngi biăp kon jêh ri biăp nkuăng Bơh phung ndrôk jêh ri be bơh n'gor Basan, Ndrel ma ba ƀlê ueh lơn. Khân may mra nhêt ndrănh krăk ƀâu mâu geh rlŭk chăng tâm ban ma mham.

Nau Vay Nkah Tay 8:7

Yorlah Yêhôva Brah Ndu mra njŭn leo khân may lăp tâm du nkual neh ueh, geh âk dak krong, dak n'hor jêh ri dak tu hoch tâm ăp rlŭng jêh ri klơ dor yôk;

Nau Vay Nkah Tay 8:8

n'gor geh ba ƀlê, ba ôrgơ, tơm krăk ƀâu, tơm rvi, jêh ri tơm pom gra nat, tơm ôlive jêh ri dak sŭt.

Nau Tâm Mpơl 14:20

Bu jot plên khân păng tâm thŭng mpet nây padih ƀon, jêh nây geh mham tă bơh thŭng mpet hoch luh; hao tât ta mbung seh, jêh ri lêng tât geh pe rhiăng kilômet.

Nau Tâm Mpơl 19:18

gay sa săk phung hađăch, săk phung kôranh tahan, săk phung bunuyh geh nau ktang, săk seh jêh ri phung ncho seh, săk lĕ rngôch bunuyh, nđâp ma kon me mâu lah dĭk bu, nđâp ma jê̆ jêh ri toyh.”

Nau Tâm Mpơl 7:14

Gâp lah ma păng: “Hơi kôranh, may gĭt.” Kôranh bu ranh nây lah ma gâp: “Aơ jêng phung bunuyh luh tă bơh nau rêh ni toyh, hŏ pih jêh ao jêh ri pih tho ăn nglang ao khân păng nơm tâm mham Kon Biăp.

Nau Tâm Mpơl 7:7

Tâm ndŭl mpôl Simêôn: Jât ma bar rbăn nuyh; Tâm ndŭl mpôl Lêvi: Jât ma bar rbăn nuyh; Tâm ndŭl mpôl Isakar: Jât ma bar rbăn nuyh;