Nau Ntơm 49:10 - Nau Brah Ndu Ngơi 2023

¹⁰ Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Bunong Bible Latin Script Cambodian dialect

¹⁰ Mŏng tăk jra kađăch geh ta may nâng Rnoi deh may tay mra jêng kađăch mro mrăng N'ho ma tât truyh păng i geh nau dơi kuŏng nây Nđâp ma dâng lĕ phung bunuyh lam ntŭk iăt nau păng dadê.

Bunong

¹⁰ ម៝ង់​តាក់​ជ្រា​កាដាច់​គែស​តា​មៃ​នឹង រាន៝យ​ទែស​មៃ​តៃ​មរា​ជេង​កាដាច់​មរ៝​មរាង់ នហ៝​មា​ត៝ត់​ត្រុយ្ស​ពាង់​អី​គែស​នាវ​ទើយ​ក្វ៝ង់​នៃ នអ៝ប់​មា​ទឹង​លែៈ​ផូង​ឞូនុយ្ស​លាម​នតុក​អ្យាត់​នាវ​ពាង់​ទាទេ។

Nau Ntơm 49:10 ပူးပေါင်းရင်းမြစ်များ

II Samuel 7:13

Păng mra ndâk du mlâm ngih brah ma amoh Gâp, jêh ri Gâp mra ƀư sưng hađăch păng nâp n'ho ro.

II Samuel 7:16

Pônây, nau chiă uănh jêh ri ƀon bri hađăch may mra jêng nâp n'ho ro tanăp măt may; sưng hađăch may mra dơi nâp mro mrăng.’”

I Nau Rêh Jêng 12:24

Ma phung kon sau Yuđa, geh prao rbăn pham rhiăng nuyh djôt khêl jêh ri tak, ndrăp jêh tâm lơh.

I Nau Rêh Jêng 12:39

Khân păng gŭ ta nây ndrel ma Y-Đavit tâm pe nar jêh ri sông sa nhêt, yorlah phung oh nâu khân păng hŏ ăn jêh ndơ sông sa ma khân păng.

Nau Mprơ Ơm 108:8

Gilêat jêng ndơ Gâp, Manasê tâm ban lĕ; Êphraim jêng pôih nâp ma bôk Gâp; Yuđa jêng mâng jra hađăch Gâp.

Nau Mprơ Ơm 60:7

Gilêat jêng ndơ Gâp, Manasê tâm ban lĕ; Êphraim jêng pôih nâp ma bôk Gâp; Yuđa jêng mâng jra hađăch Gâp.

Nau Mprơ Ơm 60:9

Mbu nơm mra njŭn gâp lăp tâm ƀon ktang? Mbu nơm mra njŭn gâp tât ta bri Êđôm?

Nau Mprơ Ơm 78:68

Ƀiălah Păng săch mpôl băl Yuđa, Jêng yôk Siôn jêng yôk Păng rŏng.

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 60:1

Dâk hom jêh ri sol ang hom! Yorlah nau ang may tât jêh, Jêh ri nau chrêk rmah Brah Yêhôva sol ang jêh ta klơ may.

Êsai 62:11

Aơ, Brah Yêhôva mbơh jêh Tât dŭt rplay neh: “Lah hom ma kon bu ur Siôn pô aơ: ‘Aơ, nau tâm rklaih may văch dăch! Păng djôt leo nau nkhôm, Jêh ri ndơ nkhôm hăn lor Păng.’”

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 30:21

Kôranh khân păng tât bơh khân păng, Bunuyh chiă uănh ăt luh bơh khân păng. Gâp mra njŭn nơm nây văch dăch Gâp, jêh ri păng mra văch dăch Gâp, Yorlah mbu nơm janh văch dăch Gâp? Brah Yêhôva lah pônây.

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Êsêkiêl 19:11

Lĕ n'gĭng păng nâp ngăn, Tât jêng mâng jra ma kôranh chiă uănh. Tơm păng prêh ngăn Ta nklang tơm si pŭm. Ăp nơm saơ păng da dê, Yorlah tơm prêh, n'gĭng n'ha âk.

Êsêkiêl 19:14

Ŭnh luh tă bơh tơm păng, Sa lĕ n'gĭng jêh ri play păng Kŏ tât mâu hôm geh n'gĭng nâp ktang đŏng, Gay ƀư mâng jra ăn ma ngih kôranh chiă uănh. Nây jêng nau mprơ rngot gay dŏng nhĭm vơl.”

Êsêkiêl 21:27

Tâm ti ma hađăch geh ndơ pol ma ƀon Yêrusalem đă sŏk ndơ ƀư rai ƀon, sreh nkhĭt, nter huy rduh tâm lơh, dŏng ndơ ƀư rai ƀon gay ma rduh lơh lăp ta mpông ƀon, n'hao bun neh jêh ri ndâk pôih nchueng jŭm ƀon.

Êsêkiêl 21:32

Rai yot, rai yot, rai yot! Gâp mra ƀư nau nây. Nau nây mâu mra geh kŏ tât ndah jŏ Nơm khư dơi phat dôih tât pôri Gâp mra ăn ma păng.’

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.

Mika 5:1

Hơi Ƀêtlêhem Êphrata, May gŭ tâm nklang rbăn Yuđa jêng jê̆ ngăn, Ƀiălah tă bơh may, Mra deh du huê Nơm chiă uănh ta Israel; Păng geh tơm bơh rnôk kăl e, Bơh ntơm saơm n'ho ro.

Ndrom Samƀŭt bơh Agê 2:7

Gâp n'gơ n'găr lĕ rngôch bri dak tâm ban lĕ, jêh ri drăp ndơ lĕ rngôch bri dak mra văch tât ta aơ; jêh nây Gâp mra ƀư ăn ma ngih brah aơ bêng ma nau chrêk ma lơp.’ Brah Yêhôva ma phung tahan lah pônây.

Sakari 10:11

Khân păng mra rgăn dak mƀŭt ma nau jêr, Ƀư rngân rbuh dak mƀŭt; Lĕ rngôch ntŭk klŏng jru dak krong Nil mra suăt. Bu mra n'glưh lơi nau sưr bri Asiri, Jêh ri mâng jra hađăch n'gor bri Êjipt mra roh.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Nau Kơp Bunuyh 21:18

Ntu dak phung hađăch hŏ kuyh jêh, Phung kôranh toyh tâm phung ƀon lan hŏ kuyh jêh, Ma mâng jra hađăch jêh ri mâng jra khân păng!” Jêh nây, phung ƀon lan Israel hăn tă bơh bri rdah tât ta Matana,

Nau Kơp Bunuyh 24:17

Gâp saơ Păng, ƀiălah mâu di aƀaơ ôh; Gâp uănh Păng, ƀiălah mâu di gŭ dăch ôh; Du mănh mbing mra luh bơh phung Yakôb, Du mlâm mâng jra hađăch mra luh bơh phung Israel; Păng mra ƀư rlâm lơi rho ndăr kleng n'gor Môap Jêh ri đon hađăch tă bơh noi deh Set.

Nau Kơp Bunuyh 24:19

Nơm luh tă bơh Yakôb mra chiă uănh; Păng mra ƀư rai lĕ bunuyh hôm rêh klen bơh ƀon.”

Mathay 1:21

Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Mathay 21:9

Phung bunuyh, nơm hăn panăp, bunuyh hăn tĭng pakơi troh huy ktang da dê: “Hôsana ma Kon Y-Đavit! Tâm rnê ma Nơm văch tâm amoh Kôranh Brah! Hôsana ta ntŭk dŭt prêh!”

Mathay 25:32

Lĕ rngôch ntil mpôl bunuyh mra rgum tanăp Păng; jêh ri Păng mra tâm nkhah khân păng nâm bu bunuyh rmăk biăp tâm nkhah biăp đah be:

Yôhan 12:32

Bi ma Gâp, lah bu yông Gâp klơ neh aơ, Gâp mra leo lĕ rngôch bunuyh văch ta Gâp da dê.”

Yôhan 18:31

Pilat lah ma khân păng: “Khân may djôt jêh ri phat dôih Păng tĭng nau vay khân may nơm.” Phung Yuđa ơh: “Hên mâu dơi vay nkhĭt bu ôh.”

Yôhan 19:12

Ntơm bơh nây, Pilat joi nau gay mƀơk Brah Yêsu, ƀiălah phung Yuđa nter huy: “Lah may mƀơk bunuyh aơ, may mâu jêng bunuyh răp jăp đah Sêsar ôh, yor mbu nơm mbơh êng păng nơm jêng hađăch jêng nơm tâm rdâng đah Sêsar.”

Yôhan 19:15

Khân păng lŭng nter: “Ngroh lơi Păng, ngroh lơi Păng! Pâng păng ma kđĭn ta si tâm rkăng!” Pilat lah: “Gâp mra pâng hađăch khân may ta si tâm rkăng lah?” Phung kôranh ƀư brah toyh plơ̆ lah: “Hên mâu hôm geh hađăch êng ôh, knŏng Sêsar.”

Yôhan 9:7

jêh nây lah ma păng: “Hăn hom jêh ri rao ta dak nglao Silôê” (rplay ngơi aơ nâm bu ntĭt “dơi njuăl hăn”). Pôri, păng hăn jêh ri rao, jêh nây plơ̆ tay ri mơ saơ ang.

Samƀŭt Pôl Njuăl Ăn Ma Phung Nsing Ta Ƀon Rôm 15:12

Y-Êsai lah đŏng: “Ntơm bơh Y-Yêsê mra luh du mlâm reh, Jêng Nơm chiă uănh phung bu năch; Phung bu năch mra kâp gân tâm Păng.”

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

Nau Vay Nkah Tay 28:57

jêh nây sa ntŭng êng ma lĕ ro rsok kon luh tă ndŭl păng nơm nđâp ma kon bê păng nơm deh, yorlah păng pưt kƀah ir.

ហេឞ្រើ 7:14

Yorlah nanê̆ Kôranh Brah he luh tă bơh ndŭl mpôl Yuđa, du ndŭl mpôl Y-Môis mâu mâp ngơi ma nau pah kan kôranh ƀư brah ôh.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”