Nau Ntơm 48:7 - Nau Brah Ndu Ngơi 2023

⁷ Yorlah nôk tă bơh Padan plơ̆ sĭt tâm n'gor Kanaan gâp geh nau rngot dôl saơ H'Rachel khĭt rŏ trong. Gâp tâp mê̆ may rŏ trong hăn tât ta Êphrata (jêng Ƀêtlêhem).”

Bunong Bible Latin Script Cambodian dialect

⁷ Dôl gâp plơ̆ sât tă bơh bri Pađan-Aram, Rachel mê̆ may khât ta ti gâp nơm, dăch kêng ƀon Êprata bri Kanan, gâp tŏp mê̆ may rŏ trong hăn jât ƀon Êprata”. Êprata jêng ƀon Ƀêtlêhem.

Bunong

⁷ ទោល​គ៝ប់​ព្លឹ​ឆឹត​តាៈ​ឞើស​ឞ្រី​ពាដាន-អារាម រាចែល​មេៈ​មៃ​ខឹត​តា​តី​គ៝ប់​នើម ទាច់​កេង​ប៝ន​អេប្រាតា​ឞ្រី​កានាន គ៝ប់​ត៝ប់​មេៈ​មៃ​រ៝ៈ​ត្រ៝ង​ហាន់​ជឹត​ប៝ន​អេប្រាតា”។ អេប្រាតា​ជេង​ប៝ន​បេតលេហឹម។

Nau Ntơm 48:7 ပူးပေါင်းရင်းမြစ်များ

Nau Ntơm 25:20

Nôk păng geh puăn jât năm, Y-Isăk nđăp H'Rêbêka, kon bu ur Y-Bêthuel jêh ri jêng oh bu ur Y-Laban, jêng phung Aram da dê, tâm n'gor Padan Aram.

Nau Ntơm 33:18

Jêh plơ̆ sĭt tă bơh n'gor Padan Aram, Y-Yakôb tât ta ƀon toyh Sichem, tâm n'gor Kanaan, ma nau đăp mpăn. Păng ndâk ntŭk rmlak tâm tham đah ƀon toyh,

Nau Ntơm 35:20

Y-Yakôb ndâk du plơp lŭ môch; nây jêng du plơp lŭ môch H'Rachel hôm tât nar aơ.

Nau Ntơm 35:9

Tơlah Y-Yakôb sĭt bơh Padan-aram, Brah Ndu tâm mpơl tay ma Y-Yakôb jêh ri ăn nau ueh uĭn ma păng.

Nau Ntơm 48:6

Bi phung kon may deh pakơi mra jêng kon may. Khân păng mra dơn drăp ndơn tâm amoh bar hê nâu khân păng.

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Mathay 2:18

“Bu tăng bâr nter tâm ƀon Rama Bâr nhĭm vơl, nhhiăng nhĭm; Nây jêng H'Rachel nhĭm ma phung kon păng, Ƀiălah păng mâu ŭch bonh leng, Yorlah khân păng hŏ khĭt jêh.”

Bu ur Rut 1:2

Bunuyh aơ amoh Y-Êlimêlek, ur păng amoh H'Naômi, bar hê kon bu klâu amoh Y-Mahlôn jêh ri Y-Kiliôn; lĕ rngôch khân păng jêng phung Êphrata bơh Ƀêtlêhem tâm bri Yuđa. Khân păng hăn tât ta bri Môap jêh ri gŭ rêh ta nây.

I Samuel 1:1

Geh du huê bunuyh ƀon tơm ta Ramathaim Sôphim, tâm bri klơ dor Êphraim, amoh Y-Êlkana, kon bu klâu Y-Jêrôham, sau Y-Êlihu, se Y-Tôhu, săn Y-Sup, mpôl Êphraim.

I Samuel 10:2

Nar aơ, tơlah may hŏ tâm nkhah đah gâp, may mra tâm mâp đah bar hê dăch kêng môch H'Rachel, tâm n'gor Benjamin, ta Sêlsa. Khân păng mra lah ma may: ‘Lĕ seh bri me may joi lĕ bu saơ jêh. Aƀaơ, mbơ̆ may mâu hôm rvê ôh ma seh bri me, ƀiălah păng rvê yor khân may, jêh ri lah tâm nuih n'hâm: “Mâm gâp mra ƀư yor kon bu klâu gâp?”’

I Samuel 16:4

Y-Samuel ƀư tĭng nâm nau Brah Yêhôva ntăm jêh ma păng, jêh ri hăn tât ta Ƀêtlêhem. Phung kôranh bu ranh ƀon nây luh hăn tâm mâp ma păng, klach sâr jêh ri ôp: “May văch ma nau đăp mpăn lĕ?”

I Samuel 17:12

Y-Đavit jêng kon bu klâu Y-Yêsê, bơh Êphrata ƀon Ƀêtlêhem tâm n'gor Yuđa. Y-Yêsê geh pham nuyh kon bu klâu. Tâm rnôk hađăch Sôl, Y-Yêsê hŏ âk năm jêh.