Nau Ntơm 48:4 - Nau Brah Ndu Ngơi 2023

⁴ Păng lah: ‘Aơ, Gâp mra ăn may bĭk rơ̆ dŭt âk. Gâp mra ăn may jêng du phung mpôl băl glom âk phung ƀon lan jêh ri ăn ma noi deh may n'gor aơ jêng drăp ndơn n'ho ro.’

Bunong Bible Latin Script Cambodian dialect

⁴ Kôranh Brah lah ma gâp: «Tay Gâp jan ăn may geh oh geh kon bâk rơ̆ ŏk ngăn, n'ho ma geh ŏk phung bunuyh tă bơh may. Tay Gâp ăn bri dja ma kon sau may, jêng ntŭk ma khân păng nơm n'ho ro».

Bunong

⁴ កោរាញ​ឞ្រាស​លាស​មា​គ៝ប់៖ «តៃ​គ៝ប់​ជាន​អ៝ន់​មៃ​គែស​អ៝ស​គែស​ក៝ន​ឞឹក​រឹ​អ៝ក់​ងាន់ នហ៝​មា​គែស​អ៝ក់​ផូង​ឞូនុយ្ស​តាៈ​ឞើស​មៃ។ តៃ​គ៝ប់​អ៝ន់​ឞ្រី​អ្យា​មា​ក៝ន​ឆៅ​មៃ ជេង​នតុក​មា​ខាន់​ពាង់​នើម​នហ៝​រ៝»។

Nau Ntơm 48:4 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 17:13

Lĕ bunuyh deh tâm ngih nđâp ma bunuyh bu rvăt ma prăk mra dơn koh ntâu da dê. Yor nây, nau Gâp tâm rnglăp ta săk jăn khân may jêng nau tâm rnglăp n'ho ro.

Nau Ntơm 17:6

Gâp mra ăn may geh bĭk rơ̆ dŭt âk, tă bơh may mra luh âk phung ƀon lan, jêh ri phung hađăch mra luh tă bơh may đŏng.

Nau Ntơm 17:8

Gâp mra ăn ma may jêh ri phung kon sau may neh may gŭ aƀaơ aơ, jêng lĕ n'gor Kanaan, jêng drăp ndơn n'ho ro. Gâp mra jêng Brah Ndu khân păng.”

Nau Ntơm 22:17

Gâp mra ăn nau ueh uĭn ma may âk ngăn, ƀư ma noi deh may âk tâm ban nâm mănh tâm trôk, âk tâm ban nâm choih kơh dak mƀŭt, jêh ri noi deh may mra dơi pit mpông ƀon phung rlăng.

Nau Ntơm 26:4

Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may;

Nau Ntơm 28:3

Dăn Brah Ndu Geh Lĕ Nau Brah ăn nau ueh uĭn ma may, ƀư ăn noi deh kon bĭk rơ̆ dŭt âk jêh ri dơi jêng du phung ƀon lan âk.

Nau Ntơm 32:12

Ƀiălah May nơm hŏ ton jêh ma gâp: ‘Nanê̆ May mra ƀư ueh ma gâp jêh ri ƀư ma noi deh gâp âk tâm ban ma choih dak mƀŭt, bu mâu dơi kơp ôh yor dŭt âk.’”

Nau Ntơm 35:11

Brah Ndu lah tay ma păng: “Gâp jêng Brah Ndu Geh Lĕ Nau Brah; ăn deh hom kon jêh ri bĭk rơ̆ âk râk. Du phung ƀon lan jêh ri du phung ƀon lan toyh mra luh tă bơh may, jêh ri tă bơh noi deh may mra luh phung hađăch.

Nau Ntơm 46:3

Brah Ndu lah: “Gâp jêng Brah Ndu, Brah Ndu mbơ̆ may. Lơi klach ôh dôl hăn trŭnh ta Êjipt, yorlah ta nây Gâp mra ƀư ma may jêng du mpôl băl toyh.

Nau Ntơm 47:27

Pôri Y-Israel gŭ tâm nkual Gôsen, ta n'gor Êjipt. Phung kon sau păng hŏ ndâk njêng drăp ndơn ta nây jêh ri ăn bĭk rơ̆ âk ngăn.

Nau Mprơ Ơm 127:3

Aơ, phung kon jêng drăp ndơn bơh Brah Yêhôva; Kao play bơh ndŭl proch jêng nau nkhôm.

Nau Ngluh Êjipt 1:11

Yor ri, phung Êjipt dơm phung kôranh uănh kan gay ƀư rêh ni phung Israel ma nau kan jâk jêr, nchâp đă khân păng ƀư ƀon toyh Pithôm jêh ri ƀon Ramsê gay ma ƀư ntŭk prăp drăp khlay ăn ma Pharaôn.

Nau Ngluh Êjipt 1:7

Kon sau Y-Israel deh kon âk râk ngăch ngăn; rnoh bunuyh hao âk bĭk rơ̆, bêng ăp n'gor jêh ri mra jêng dŭt dăng ngăn ngên.

Êsêkiêl 37:25

Khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb, jêh ri jêng bri chô yau khân may hŏ gŭ. Khân păng, kon sau khân păng jêh ri lĕ rngôch rô̆ khân păng mra gŭ ta nây kŏ tât ƀaƀơ n'ho ro. Oh mon Gâp jêng Y-Đavit mra ƀư hađăch khân păng mro mrăng.

Kan Lêvi 26:9

Gâp mra mât mray khân may, ƀư ăn khân may jêng bĭk rơ̆ dŭt âk, jêh ri ƀư nâp nau tâm rnglăp đah khân may.

Nau Vay Nkah Tay 32:8

Lah Nơm Dŭt Prêh tâm pă drăp ndơn ma lĕ phung ƀon lan, Jêh ri tâm nkhah phung kon bunuyh, Pôri Păng tâm nal n'har neh ma lĕ rngôch ntil mpôl băl bunuyh Tĭng nâm rnoh phung ƀon lan Israel.