Nau Ntơm 48:15 - Nau Brah Ndu Ngơi 2023

¹⁵ Jêh nây păng ăn nau ueh uĭn ma Y-Yôsep: “Ơ Brah Ndu Chô yau gâp jêng Y-Abraham jêh ri Y-Isăk hŏ yơk mbah, Jêng Brah Ndu nơm mât mơh gâp Bơh nôk gâp mhe pơ deh kŏ tât nar aơ,

Bunong Bible Latin Script Cambodian dialect

¹⁵ Jêh ri Israel dăn Kôranh Brah ăn geh jêng ma Yôsep, păng lah: “Dăn Kôranh Brah i brah Abrahăm, ndrel ma i brah Isăk vay yơk mbah Dăn Kôranh Brah i mât njrăng gâp ntơm bơh jê̆ tât aƀaơ dja, i tâm ban ma bunuyh chiăp mât njrăng mpômpa (siŭm) phung păng nơm

Bunong

¹⁵ ជេសរី​អីឆ្រាអែល​ទាន់​កោរាញ​ឞ្រាស​អ៝ន់​គែស​ជេង​មា​យោឆែប ពាង់​លាស៖ “ទាន់​កោរាញ​ឞ្រាស​អី​ឞ្រាស​អាឞ្រាហាម់  នទ្រែល​មា​អី​ឞ្រាស​អីឆាក់​វៃ​យើក​មឞាស ទាន់​កោរាញ​ឞ្រាស​អី​ម៝ត់​ញជ្រាង់​គ៝ប់​នតើម​ឞើស​ជេៈ​ត៝ត់​អាបៃ​អ្យា អី​តឹម​ឞាន​មា​ឞូនុយ្ស​ច្យាប់​ម៝ត់​ញជ្រាង់​មពោមពា​(ឆ្យុម)​ផូង​ពាង់​នើម

Nau Ntơm 48:15 ပူးပေါင်းရင်းမြစ်များ

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 24:20

Bu ur nây ndil ndal nkhŭt ro dak tă bơh yăng păng ta bong dơ dak jêh ri nchuăt trŭnh ta ntu dak gay bâk tay dak ăn ma lĕ rngôch seh samô nhêt.

Nau Ntơm 24:40

Ƀiălah kôranh lah: ‘Brah Yêhôva jêng Nơm gâp pah kan mra njuăl tông mpăr tĭng may jêh ri kơl nau may hăn aơ dơi jêng. May mra nđăp ma kon bu klâu gâp du huê ur tâm ndŭl mpôl gâp, tă bơh ngih mbơ̆ gâp.

Nau Ntơm 27:27

Y-Yakôb hăn êp jêh ri chŭm mbơ̆ păng. Y-Isăk n'hơp ƀâu kah tă bơh ao kon păng, jêh ri ăn nau ueh uĭn ro. Păng lah: “Aơ, ƀâu nglâm kon bu klâu gâp, Nâm bu ƀâu nglâm bơh mir Brah Yêhôva ăn jêh nau ueh uĭn.

Nau Ntơm 27:4

Jêh nây may ƀư du ntil ndơ sa dŭt kah tĭng nâm gâp ŭch, jêh ri ndơ̆ ăn gâp sa gay ma gâp ăn nau ueh uĭn ma may êlor ma gâp khĭt.”

Nau Ntơm 28:20

Y-Yakôb ƀư nau ton pô aơ: “Tơlah Brah Ndu gŭ ndrel ma gâp, mât mray gâp tâm nôk gâp hăn nsong jêh ri ăn piăng let, kho ao ma gâp nsoh,

Nau Ntơm 28:22

Lŭ gâp hŏ ndâk jêng meh gâng mra jêng ngih Brah Ndu, jêh ri gâp mra nhhơr ma May du kô̆ tâm jât bơh lĕ ntil ndơ May ăn ma gâp.”

Nau Ntơm 28:3

Dăn Brah Ndu Geh Lĕ Nau Brah ăn nau ueh uĭn ma may, ƀư ăn noi deh kon bĭk rơ̆ dŭt âk jêh ri dơi jêng du phung ƀon lan âk.

Nau Ntơm 35:3

He ndrăp hom hăn hao ta Bêthel. Gâp mra ndâk du nơng ƀư brah ma Brah Ndu, jêng Nơm hŏ dơn jêh nau gâp tâm nar gâp uh ah, jêh ri kâp kơl gâp tâm ăp trong gâp sak nsong.”

Nau Ntơm 48:16

Jêng Tông Mpăr hŏ rklaih jêh gâp bơh lĕ nau mhĭk, Dăn Kôranh Brah ăn nau ueh uĭn ma bar hê kon se aơ, Ăn khân păng sŏk amoh gâp Jêh ri chô yau gâp jêng Y-Abraham jêh ri Y-Isăk. Ăn ma khân păng jêng bĭk rơ̆ âk râk klơ neh ntu!”

Nau Ntơm 49:22

Y-Yôsep jêng du n'gĭng tơm si play âk ngăn, N'gĭng tơm si geh play âk ta kơh dak n'hor; N'gĭng păng nkŭm ta klơ pêr.

Nau Ntơm 49:24

Ƀiălah rnơm bơh ti Nơm Geh Nau Brah bơh Y-Yakôb, Ƀiălah na păng hôm e dăng; Rnơm tă bơh Nơm Rmăk Biăp, jêng Lŭ Toyh ma phung Israel Bar đah ti păng hôm ngăch ngăn.

Nau Ntơm 49:28

Nây jêng jât ma bar ndŭl mpôl phung Israel jêh ri dĭng lĕ nau mbơ̆ khân păng hŏ ngơi jêh ma khân păng nôk păng ăn nau ueh uĭn ma khân păng, ăp nơm geh du nau ueh uĭn êng êng.

Nau Ntơm 6:9

Aơ jêng noi deh Y-Nôê. Tâm nôk rô̆ păng, Y-Nôê jêng du huê bunuyh sŏng srăng jêh ri mâu geh nau nduyh; păng hăn ndrel ma Brah Ndu.

I Phung Hađăch 3:6

Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

I Nau Rêh Jêng 5:1

Yorlah Y-Ruben, kon bu klâu bôk rah ma Y-Israel, ƀư ƀơ̆ sưng bê̆ch mbơ̆ păng, yor ri nau dơi kon bôk rah bu jao jêh ma phung kon Y-Yôsep, jêng kon Y-Israel. Yor ri, bu mâu nchih păng tâm noi deh tâm ban kon bu klâu bôk rah.

Nau Mprơ Ơm 16:8

Gâp ăn Brah Yêhôva dâk tanăp gâp; Gâp mâu mra mpât n'gơ ôh yorlah păng gŭ mpeh pa ma gâp.

Nau Mprơ Ơm 23:1

Brah Yêhôva jêng Nơm rmăk gâp, Gâp mâu hôm pưt mpa ôh.

Nau Mprơ Ơm 37:3

Rnơm nsing hom ma Brah Yêhôva jêh ri ƀư nau ueh, Gŭ hom tâm n'gor jêh ri siăm păng nơm ma nau răp jăp Păng.

Nau Ngluh Êjipt 3:16

Hăn kuăl rgum hom phung kôranh bu ranh Israel jêh ri lah ma khân păng: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma gâp jêh ri lah: Gâp hŏ mât mơh ngăn khân may jêh ri saơ jêh lĕ nau bu ƀư ma khân may tâm n'gor Êjipt.

Nau Ngluh Êjipt 4:5

Brah Yêhôva lah: “Nau nây gay ma khân păng rnơm ma Brah Yêhôva, Brah Ndu chô yau khân păng, jêng Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma may.”

Nơm Nti 5:12

Nơm pah kan hŏt r'ah bê̆ch hôm ueh ngăn, Nđâp tơlah sa âk mâu lah jê̆. Ƀiălah âk prăk âk drăp ndơ Ƀư bunuyh ndrŏng bê̆ch mâu dơi hăk.

Nơm Nti 5:18

Ri, gâp saơ ngăn jêng nau ueh jêh ri jêng di ăn kon bunuyh sa, nhêt, jêh ri dơn nau maak lĕ rngôch kan hŏt păng ƀư tâm dâng nar du bông gŭ rêh Brah Ndu ăn jêh; yorlah nau nây jêng kô̆ ăn ma kon bunuyh dơi dơn.

Nơm Nti 6:7

Lĕ rngôch nau hŏt rgănh kon bunuyh jêng yor mbung păng nơm, ƀiălah nuih n'hâm kơnh ji hir mâu mra dơi mpay ôh.

Êsai 30:21

Tơlah may teng pa ma mâu lah pa chiau, tôr may mra tăng pakơi may geh bâr lah: “Nây jêng trong, hăn tĭng hom!”

Êsai 33:16

Bunuyh kơt nĕ mra dơi gŭ tâm ntŭk prêh, Geh pôih ma mpir lŭ mra jêng ntŭk păng du krap; Bu mra ăn ndơ sông sa ma păng Jêh ri păng mâu rvê pưt dak nhêt ôh.

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

I Kôrintô 10:31

Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

Nau Vay Nkah Tay 33:1

Aơ jêng nau ueh uĭn Y-Môis, bunuyh Brah Ndu, ăn jêh nau ueh ma phung ƀon lan Israel êlor ma păng khĭt.

Kôlôh 2:6

Pôri, mâm nau khân may sŏk dơn Yêsu Krist jêng Kôranh Brah hăn hom tâm Păng kơt nây lĕ;

I Têsalônik 2:12

tâm n'hao nuih n'hâm, tâm bonh leng jêh ri vơl dăn khân may gŭ rêh tâm di đah Brah Ndu, jêng Nơm kuăl khân may lăp ƀon bri hađăch jêh ri nau chrêk rmah Păng.

ហេឞ្រើ 11:21

Yor ma nau chroh, Y-Yakôp nôk dăch khĭt ăn nau ueh uĭn jêh ma bar hê kon Y-Yôsep, jêh ri yơk mbah Brah Ndu dôl păng kuăn rdâng mâng jra păng nơm.