Nau Ntơm 48:12 - Nau Brah Ndu Ngơi 2023

¹² Y-Yôsep sŏk pư bar hê kon bu klâu păng luh bơh kômâk mbơ̆ păng, jêh nây păn muh măt ta neh.

Bunong Bible Latin Script Cambodian dialect

¹² Jêh ri Yôsep têk kon păng bar hê i nây ƀah đah kô mŏk bơ̆ păng, jêh ri chon mon kô mŏk păn a neh.

Bunong

¹² ជេសរី​យោឆែប​តេក​ក៝ន​ពាង់​ឞារ​ហៃ​អី​នៃ​បាស​ដាស​កោម៝ក់​ឞឹ​ពាង់ ជេសរី​ច៝ន​ម៝ន​កោម៝ក់​ពាន់​អា​នែស។

Nau Ntơm 48:12 ပူးပေါင်းရင်းမြစ်များ

Nau Ntơm 18:2

Y-Abraham n'gơr măt uănh, saơ pe nuyh dâk tanăp măt păng. Mhe saơ khân păng, păng nchuăt ran vơt khân păng bơh mpông ngih bok jêh ri chon mon ta neh.

Nau Ntơm 19:1

Kêng măng, bar hê tông mpăr tât ta Sôdôm; nôk nây Y-Lot dôl gŭ ta mpông ƀon. Lah Y-Lot saơ bar hê tông mpăr tât, Y-Lot dâk hăn vơt jêh ri chon mon chŭn muh măt ta neh.

Nau Ntơm 23:7

Y-Abraham dâk, chon mon tanăp măt phung ƀon tơm, jêng kon sau ndŭl mpôl Y-Het,

Nau Ntơm 33:3

Bi păng nơm hăn lor rlet phung nây, păn ta neh pơh tơ̆, kŏ tât dăch ma nâu păng.

Nau Ntơm 42:6

Aƀaơ Y-Yôsep jêng kôranh chiă uănh Êjipt; păng jêng nơm tăch ba ma lĕ rngôch bunuyh ƀon lan tâm n'gor. Phung nâu Y-Yôsep hăn tât chon mon tanăp măt păng.

Nau Ntơm 48:11

Y-Israel lah ma Y-Yôsep: “Gâp mĭn mâu hôm dơi saơ ôh muh măt may, ƀiălah aƀaơ Brah Ndu ăn gâp dơi saơ lĕ noi deh may đŏng.”

Nau Ntơm 48:13

Y-Yôsep leo bar hê kon se hăn dăch mbơ̆ păng. Ti ma păng têk Y-Êphraim mpeh pa chiau mbơ̆ păng, kay ti chiau păng têk Y-Manasê mpeh pa ma mbơ̆ păng.

I Phung Hađăch 2:19

Pônây H'Batsêba hăn mâp hađăch Salômôn gay mbơh ma hađăch lĕ nau Y-Adônija ŭch. Hađăch dâk chuă vơt jêh ri kŭnh mbah panăp păng, jêh nây păng gŭ ta sưng hađăch păng nơm. Hađăch ntăm đă bu dơm du rnơl gŭ đŏng ma mê̆ hađăch gay păng gŭ mpeh pa ma hađăch.

II Phung Hađăch 4:37

Bu ur nây văch dăch, chon mon ta jâng păng jêh ri mbah; jêh nây bu ur nây chông leo kon păng jêh ri hăn luh.

Nau Ngluh Êjipt 20:12

Yơk hom ma mê̆ mbơ̆ may, gay ma may dơi gŭ rêh jŏ klơ neh Yêhôva Brah Ndu ăn ma may.

Nau Ngluh Êjipt 34:8

Y-Môis kŭnh ndal bôk ta neh jêh ri yơk mbah.

Nau Hôr 31:28

Phung kon păng dâk mbơh ăn ma păng dơi geh nau ueh lăng; Sai păng tâm ban lĕ tâm rnê ma păng pô aơ:

Kan Lêvi 19:3

Ăp nơm bunuyh ăn yơk ma mbơ̆ mê̆ jêh ri kah gĭt prăp nar saƀat Gâp. Gâp jêng Yêhôva Brah Ndu khân may.

Kan Lêvi 19:32

Ăn khân may dâk tanăp măt phung sŏk ndra, yơk ma phung bu ranh, jêh ri ăn khân may klach yơk ma Brah Ndu khân may. Gâp jêng Brah Yêhôva.

Êphêsô 6:1

Hơi phung kon, tông hom ma mê̆ mbơ̆ khân may nơm tâm Kôranh Brah, yorlah aơ jêng nau di ngăn.