Nau Ntơm 47:9 - Nau Brah Ndu Ngơi 2023

⁹ Y-Yakôb plơ̆ lah ma Pharaôn: “Dĭng lĕ năm nau rêh gâp ta neh ntu geh du rhiăng pe jât năm. Lĕ năm gâp dơi rêh jê̆ lê̆ jêh ri hŏt rgănh, jêh ri mâu ban ôh nau rêh bơh chô yau gâp ta neh ntu.”

Bunong Bible Latin Script Cambodian dialect

⁹ Yakôp mbơh nkoch ma kađăch Pharaon: “Năm gâp gŭ rêh aƀaơ dja lĕ geh 130 năm. Năm gâp đê̆ dơm, nau rêh gâp mâu geh nau ueh đŏng, gâp rêh mâu ôh jŏ jong kơt phung che gâp”.

Bunong

⁹ យាកោប​មឞើស​ងក៝ច​មា​កាដាច់​ផារ៝ន៖ “នាម់​គ៝ប់​គុ​រេស​អាបៃ​អ្យា​លែៈ​គែស ១៣០ នាម់។ នាម់​គ៝ប់​ដេៈ​ទើម នាវ​រេស​គ៝ប់​មោ​គែស​នាវ​អ្វែស​ដ៝ង់ គ៝ប់​រេស​មោ​អោស​ជ៝ៈ​ជ៝ង​កើត​ផូង​ចែ​គ៝ប់”។

Nau Ntơm 47:9 ပူးပေါင်းရင်းမြစ်များ

Nau Ntơm 11:11

Jêh deh Y-Arpaksat, Y-Sem hôm dơi rêh prăm rhiăng năm, bă tay kon bu klâu jêh ri kon bu ur.

Nau Ntơm 35:28

Y-Isăk dơi rêh geh du rhiăng pham jât năm.

Nau Ntơm 47:28

Y-Yakôb gŭ rêh ta n'gor Êjipt geh jât mpơh năm, dơi rêh du rhiăng puăn jât mpơh năm.

Nau Ntơm 47:8

Pharaôn ôp ma Y-Yakôb: “Ndah hŏ năm deh may?”

Nau Ntơm 5:27

Pônây Y-Mêtusêla dơi rêh sĭn rhiăng prao jât msĭn năm, jêh ri păng khĭt.

Nau Ntơm 50:26

Pôri Y-Yôsep khĭt, dơi rêh du rhiăng jât năm. Bu dŏng dak si ƀâu kah gay nkra săk jăn Y-Yôsep, jêh ri njor păng tâm băng ta n'gor Êjipt.

I Nau Rêh Jêng 29:15

Yorlah tanăp măt May, hên jêng phung bu năch jêh ri phung gŭ njưh nâm bu lĕ rngôch phung chô yau hên kăl e. Lĕ nar hên gŭ rêh ta neh ntu nâm bu gui rgăn gơnh, jêh ri mâu geh ôh nau kâp gân.

Ndrom Samƀŭt bơh Yôp 14:1

“Kon bunuyh deh tă bơh bu ur Rêh ƀât lât knŏng djê̆ nar, ƀiălah bêng ma nau uh ah.

Nau Mprơ Ơm 119:19

Gâp jêng bu năch ta neh ntu; Lơi dĭng pôn ma gâp tâm lĕ nau vay May ntăm.

Nau Mprơ Ơm 119:54

Nau vay dăp bơh May jêng nau gâp mprơ, Tâm nau rêh gâp jêng bu năch.

Nau Mprơ Ơm 39:12

Ơ Brah Yêhôva! iăt hom nau gâp mbơh sơm, Rkêng tôr iăt nau gâp kuăl; Lơi gŭ rklăk tanăp dak măt gâp Yorlah gâp jêng bu năch tâm ngih May, Phung bu năch hăn nsong ƀât lât nâm bu lĕ chô yau gâp.

Nau Mprơ Ơm 39:13

Ơ Kôranh Brah! Dăn yô̆ an ma gâp gay ma gâp geh tay nau ktang Êlor ma gâp hăn du jêh ri mâu hôm đŏng ôh!”

Nau Mprơ Ơm 39:5

Aơ May ăn nar khay gâp jong tâm ban ma mpang ti, Jêh ri nau rêh gâp jêng dơm dam tanăp May; Di yơh, ăp nơm bunuyh nđâp lah gŭ nâp knŏng tâm ban ma nsôr n'hâm. (Sêla)

Nau Ngluh Êjipt 6:4

Gâp hŏ ƀư jêh nau tâm rnglăp đah khân păng gay ăn n'gor Kanaan, jêng n'gor khân păng hŏ gŭ njưh nâm phung bu năch.

Nau Ngluh Êjipt 7:7

Nôk tâm mâp đah Pharaôn, Y-Môis hŏ pham jât năm jêh, bi ma Y-Arôn pham jât mpe năm.

II Kôrintô 5:6

Yor ri, ăn he nanh janh mro jêh ri gĭt dôl hôm gŭ tâm săk jăn aơ, he gŭ ngai đah Kôranh Brah,

Nau Vay Nkah Tay 34:7

Y-Môis geh du rhiăng bar jât năm nôk păng khĭt, ƀiălah măt păng mâu ngo ôh, n'hâm suan păng mâu djoh đŏng.

ហេឞ្រើ 13:14

Yorlah ta aơ, he mâu geh ƀon gŭ ƀaƀơ n'ho ro ôh, ƀiălah he dôl joi du ƀon mra tât ma nar kăndơ̆.

Yakơ 4:14

Ƀiălah khân may mâu gĭt ôh moh nau mra tât ma nar ôi taơ, moh nau rêh khân may jêng? Yorlah khân may jêng knŏng nâm bu n'hôl dak, tâm mpơl tâm ƀât lât jêh ri roh hêng.

Yôsuê 24:29

Jêh lĕ nau nây, oh mon Brah Yêhôva jêng Y-Yôsuê, kon bu klâu Y-Nun, khĭt, dơi rêh du rhiăng jât năm.

I Pêtrôs 2:11

Hơi phung gâp rŏng, khân may nâm bu phung bu năch, phung gŭ njưh ƀât lât; gâp vơl dăn ma khân may ver hom lĕ nau kơnh ŭch nglay săk, jêng nau tâm rdâng đah huêng.