Nau Ntơm 47:22 - Nau Brah Ndu Ngơi 2023

²² Ƀiălah, Y-Yôsep mâu rvăt ôh neh phung kôranh ƀư brah, yorlah phung kôranh ƀư brah geh Pharaôn kơl an du kô̆ tâm ndơ sông sa. Khân păng dơi rêh yor geh ndơ sông sa tă bơh Pharaôn de kơl an rĭ dĭng khân păng mâu tăch ôh neh khân păng.

Bunong Bible Latin Script Cambodian dialect

²² Neh phung bunuyh jan brah dơm Yôsep mâu rvăt, yorlah phung i nây geh Pharaon sơm ăn piăng ba, kơt ndri dâng neh khân păng mâu tăch.

Bunong

²² នែស​ផូង​ឞូនុយ្ស​ជាន​ឞ្រាស​ទើម​យោឆែប​មោ​រាវាត់ យ៝រ​លាស​ផូង​អី​នៃ​គែស​ផារ៝ន​ឆើម​អ៝ន់​ព្យាង់​ឞា កើត​នទ្រី​ទឹង​នែស​ខាន់​ពាង់​មោ​តាច់។

Nau Ntơm 47:22 ပူးပေါင်းရင်းမြစ်များ

Nau Ntơm 14:18

Mêlkisedek, hađăch ƀon Salem, ăt jêng kôranh ƀư brah ma Brah Ndu Dŭt Prêh, djôt leo piăng let jêh ri ndrănh hăn vơt,

Nau Ntơm 41:45

Pharaôn ntơ ma Y-Yôsep jêng Y-Sapênat Phanêah, jêh ri păng ăn H'Asênat, kon bu ur Y-Pôtipêra, kôranh ƀư brah ƀon Ôn jêng ur păng. Y-Yôsep vay hăn nsong uănh lam n'gor Êjipt.

Nau Ntơm 41:50

Êlor tât năm geh nau sa sât ji ngot, H'Asênat kon bu ur Y-Pôtipêra, kôranh ƀư brah ƀon Ôn, jêng ur Y-Yôsep deh ăn ma păng bar hê kon bu klâu.

Nau Ntơm 47:21

Bi bunuyh ƀon lan, păng njêng khân păng jêng dĭk tă bơh bôl n'har bri đah aơ tât bôl n'ha bri đah ri tâm n'gor Êjipt.

Nau Ntơm 47:23

Y-Yôsep lah ma phung ƀon lan: “Nar aơ gâp hŏ rvăt jêh khân may jêh ri neh khân may ăn ma Pharaôn. Aơ jêng găr ntil ma khân may tuch tâm neh nây.

Nau Ntơm 47:26

Pôri Y-Yôsep njêng du nau vay dăp ma neh ntu ta n'gor Êjipt, n'ho hôm tât aƀaơ, ăn ma Pharaôn du kô̆ tâm prăm ndơ khân păng geh. Knŏng neh phung kôranh ƀư brah mâu ôh jêng drăp Pharaôn.

II Samuel 8:18

Y-Bênaya, kon Y-Jêhôida, jêng kôranh chiă uănh ma phung Chêrêthit jêh ri phung Pêlêthit; hôm phung kon bu klâu Y-Đavit jêng kôranh ƀư brah.

Êsra 7:24

Tâm ban lĕ gâp mbơh đŏng ma phung khân may gĭt, mâu dơi vay sŏk pi mâu lah prăk rvăt samƀŭt rsong trong bơh phung kôranh ƀư brah, phung Lêvi, phung kâp mprơ, phung gak njrăng mpông pêr, phung pah kan tâm ngih brah mâu lah bơh phung pah kan êng tâm Brah Ndu.

Nêhêmi 13:10

Gâp lĕ gĭt tâm ban lĕ, bu mâu ăn ôh ndơ sông sa ma phung Lêvi, yor nây, phung mprơ jêh ri phung Lêvi gŭ pah kan hŏ du sĭt da dê jêh rlet ma mir khân păng nơm.

Mathay 10:10

lơi djôt dŭng hăn trong, mâu lah bar blah ao, mâu lah ntâu jot mâu lah mâng jra ôh, yorlah bunuyh pah kan păng khư geh ndơ sông sa.

I Kôrintô 9:13

Khân may mâu gĭt hĕ mbu nơm rvê pah kan tâm ngih brah mra sa ndơ nhhơr tâm ngih brah, bi mbu nơm rvê pah kan ta nơng ƀư brah geh ndơ bơh nơng ƀư brah nây lĕ ƀơh?

Galati 6:6

Mbu nơm tăng bu nti nau chroh, tâm pă hom lĕ rngôch ndơ ueh ăn ma nơm nti lah ma khân păng.

Nau Vay Nkah Tay 12:19

Njrăng hom, tâm lĕ năng nar khân may gŭ rêh tâm n'gor lơi dĭng chuêl ôh ma phung Lêvi.

II Têsalônik 3:10

Tâm dôl hên gŭ ndrel khân may, hên đă jêh khân may pô aơ: Tơlah mbu nơm mâu ŭch pah kan, lơi ăn păng sa.

I Timôthê 5:17

Phung kôranh bu ranh blau chiă uănh Phung Ngih Brah Ndu, lơ hô geh nau yơk âk lơn, lor lơn jêng phung srôih jâk jêr tâm nau mbơh nau chroh jêh ri nau ntĭm nti.