Nau Ntơm 46:2 - Nau Brah Ndu Ngơi 2023

² Tâm du măng, Brah Ndu ngơi ma Y-Israel bơh nau tâm saơ. Păng kuăl: “Y-Yakôb, Y-Yakôb!” Y-Israel ơh: “Gâp ta aơ.”

Bunong Bible Latin Script Cambodian dialect

² Kôranh Brah ngơi ma Israel ta nau tâm say nôk măng: “Ơ Yakôp! Ơ Yakôp!” Israel ơh: “Moh hă Kôranh Brah!”

Bunong

² កោរាញ​ឞ្រាស​ងើយ​មា​អីឆ្រាអែល​តា​នាវ​តឹម​ឆៃ​នោក​មាង់៖ “អើ​យាកោប! អើ​យាកោប!” អីឆ្រាអែល​អើស៖ “ម៝ស​ហាៈ​កោរាញ​ឞ្រាស!”

Nau Ntơm 46:2 ပူးပေါင်းရင်းမြစ်များ

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Nau Ntơm 15:13

Brah Yêhôva lah ma Y-Abram: “Ăn may gĭt n'hêl nanê̆ pô aơ noi deh may mra jêng bunuyh bu năch tâm n'gor bu êng, mra jêng dĭk ma phung ƀon tơm, jêh ri phung nây mra tŭn jot khân păng tâm puăn rhiăng năm.

Nau Ntơm 20:3

Ƀiălah tâm nôk măng, Brah Ndu tâm mpơl ma Y-Abimêlek tâm nau mbơi jêh ri lah ma păng: “May mra khĭt yor bu ur may hŏ nhŭp. Păng lĕ geh sai jêh.”

Nau Ntơm 22:1

Jêh lĕ nau nây, Brah Ndu rlong uănh Y-Abraham. Brah Ndu kuăl păng: “Hơi Y-Abraham!” Păng ơh: “Gâp ta aơ.”

Nau Ntơm 22:11

Ƀiălah tông mpăr Brah Yêhôva bơh trôk kuăl păng: “Y-Abraham, Y-Abraham!” Păng ơh: “Gâp ta aơ.”

Nau Ntơm 31:11

Tông mpăr Brah Ndu kuăl gâp tâm nau mbơi: ‘Hơi Y-Yakôb!’ Gâp ơh: ‘Gâp ta aơ!’

II Nau Rêh Jêng 26:5

Tâm lĕ rô̆ Y-Sakari jêng bunuyh gĭt rbăng lĕ nau tâm saơ bơh Brah Ndu, Y-Usia joi Brah Ndu ma lĕ nuih n'hâm. Păng joi Brah Ndu ndah jŏ, Brah Ndu ƀư ăn ma păng geh nau ƀŭn lap dah nây lĕ.

Ndrom Samƀŭt bơh Yôp 4:13

Bri măng, lah kon bunuyh lêt bê̆ch Dôl gŭ rvê mĭn gâp saơ nau tâm mpơl.

Daniel 2:19

Măng nây, nau ndâp dơi mpơl ăn ma Y-Daniel tâm du nau tâm saơ. Y-Daniel tâm rnê ma Brah Ndu klơ trôk.

Sakari 1:8

Dôl bri măng, Gâp saơ geh du huê ncho seh chăng, dâk ta nklang lĕ tơm si mirtơ ta du ntŭk tâm rlŭng. Mpeh pakơi păng geh phung seh chăng, seh guh, seh nglang.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Nau Kơp Bunuyh 24:4

Nau mbơh lor tă bơh nơm tăng jêh nau Brah Ndu ngơi, Jêng nơm saơ jêh nau tâm saơ bơh Nơm Geh Lĕ Nau Brah, Păng cha lôt jêh ri măt lin jêh:

Kôranh Oh Mon 10:13

Geh đŏng bâr ngơi lah ma păng pô aơ: “Hơi Y-Pêtrôs, dâk hom, sreh sa hom.”

Kôranh Oh Mon 10:3

Klăp lah mông pe kêng măng, tâm du nau tâm saơ, păng saơ rah vah du huê tông mpăr Brah Ndu lăp tâm ngih păng jêh ri lah: “Hơi Y-Kôrnei!”

Kôranh Oh Mon 16:9

Dôl măng, Y-Pôl geh nau saơ pô aơ: Geh du huê bunuyh Masêđôn dâk tanăp păng jêh ri dăn lah pô aơ: “Dăn may rgăn ta n'gor Masêđôn kơl hên!”

Kôranh Oh Mon 9:10

Rnôk nây, ta ƀon Đamas geh du huê oh mon, amoh păng Y-Ananias. Kôranh Brah lah ma păng tâm nau tâm saơ pô aơ: “Ơ Y-Ananias!” Păng mplơ̆ lah: “Ơ Kôranh Brah, gâp ta aơ.”

Kôranh Oh Mon 9:4

Păng cha lôt ta neh jêh ri tăng nau ngơi lah ma păng: “Hơi Y-Sôl, Y-Sôl, mâm ƀư may ƀư djơh ma Gâp?”

Phung Kôranh Phat Dôih 7:2

Brah Yêhôva lah ma Y-Gidêôn: “Rnoh bunuyh hăn tĭng may âk ir, gâp mâu jao phung Madian tâm ti khân păng ôh, klach lah phung Israel mra tâm rnê ma khân păng nơm, jêh ri lah: ‘Ti gâp nơm hŏ tâm rklaih gâp.’

Phung Kôranh Phat Dôih 7:9

Tâm măng nây, Brah Yêhôva lah ma Y-Gidêôn: “Dâk hom, hăn trŭnh rduh lơh rmlak tahan Madian, yorlah Gâp jao jêh khân păng tâm ti may.

I Samuel 3:10

Brah Yêhôva văch dâk ta nây, kuăl kơt saơm nây đŏng: “Hơi Y-Samuel! Hơi Y-Samuel!” Y-Samuel ơh: “Dăn Kôranh Brah ngơi, yorlah oh mon May gŭ kâp iăt!”

I Samuel 3:4

Dôl nây, Brah Yêhôva kuăl Y-Samuel jêh ri păng ơh: “Gâp ta aơ!”