Nau Ntơm 44:18 - Nau Brah Ndu Ngơi 2023

¹⁸ Y-Yuđa văch dăch ta Y-Yôsep jêh ri lah: “Hơi kôranh gâp, gâp dăn yô̆ an nau tih jêh ri ăn oh mon may dơi ngơi du tong bar tong. Dăn may lơi dĭng nuih ôh ma oh mon may, yorlah may jêng tâm ban ma Pharaôn.

Bunong Bible Latin Script Cambodian dialect

¹⁸ Yuđa hăn dăch a Yôsep ngơi ma păng: “Ơ kôranh, dăn may yô̆ nđach ma gâp, lơi ji nuih ma gâp, ăn gâp ngơi đah may du tong, may tâm ban ma kađăch Pharaon đŏng.

Bunong

¹⁸ យូដា​ហាន់​ទាច់​អា​យោឆែប​ងើយ​មា​ពាង់៖ “អើ​កោរាញ ទាន់​មៃ​យោៈ​នអាច​មា​គ៝ប់ លើយ​ជី​នូយ្ស​មា​គ៝ប់ អ៝ន់​គ៝ប់​ងើយ​ដាស​មៃ​ទូ​ត៝ង មៃ​តឹម​ឞាន​មា​កាដាច់​ផារ៝ន​ដ៝ង់។

Nau Ntơm 44:18 ပူးပေါင်းရင်းမြစ်များ

Nau Ntơm 18:30

Jêh nây Y-Abraham ngơi tay: “Dăn Kôranh Brah lơi ji nuih, ăn gâp ngơi tay: Ntĭt lah tâm ƀon nây geh knŏng pe jât nuyh mâm mêh?” Păng lah: “Tơlah Gâp dơi joi geh pe jât nuyh, Gâp mâu ôh mra ƀư rai ƀon nây.”

Nau Ntơm 18:32

Y-Abraham ngơi tay: “Dăn Kôranh Brah lơi ji nuih, ăn gâp ôp đŏng du tơ̆ aơ dơm: Tơlah geh knŏng jât nuyh dơm mâm ƀư?” Păng lah: “Yor ma jât nuyh nây Gâp mâu ôh mra ƀư rai ƀon.”

Nau Ntơm 37:6

Y-Yôsep lah: “Dăn iăt gâp nkoch nau mbơi gâp hŏ saơ jêh:

Nau Ntơm 37:7

Nôk he dôl gŭ kât nchăp ba tâm mir, nchăp ba gâp dâk, dâk sŏng, bi lĕ nchăp ba khân may rƀŭn ndrel jŭm păng da dê jêh ri chon mon tanăp nchăp ba gâp.”

Nau Ntơm 37:8

Phung nâu păng lah: “Pôri may ŭch mĭn chiă uănh hên ƀơh? May mra ŭch jêng kôranh hên ngăn lah?” Khân păng tâm rmot ma Y-Yôsep âk lơn yor nau mbơi jêh ri nau păng ngơi.

Nau Ntơm 41:40

Pôri, may mra chiă uănh ngih gâp, jêh ri lĕ rngôch bunuyh ƀon lan gâp mra iăt tông mâm nau may trŭnh. Gâp toyh lơn ma may yor gâp geh sưng hađăch dơm.”

Nau Ntơm 41:44

Pharaôn lah tay ma Y-Yôsep: “Gâp jêng Pharaôn, ƀiălah tơlah mâu geh ôh nau may ntăm, mâu geh ôh du huê bunuyh tâm lĕ n'gor Êjipt aơ dơi mpât ti jâng.”

Nau Ntơm 44:17

Ƀiălah Y-Yôsep lah: “Gâp mâu ŭch đŏng ƀư pônây! Nơm djôt kachok nây hôm tâm ti păng mra ƀư dĭk ma gâp; bi khân may plơ̆ sĭt đăp mpăn ma mbơ̆ khân may.”

II Samuel 14:12

Bu ur lah đŏng: “Dăn ăn ma oh mon bu ur hađăch ngơi ntop du nau ma hađăch, jêng kôranh gâp.” Hađăch lah: “Ngơi hom.”

Êsther 1:12

Ƀiălah hađăch bu ur H'Vasti dun hăn tĭng nâm hađăch ntĭnh ma kôranh bu char. Yor nây, hađăch hao ji nuih ngăn.

Ndrom Samƀŭt bơh Yôp 33:31

Hơi Y-Yôp iăt hom nau gâp; Gŭ klêm hom pôri gâp mra ngơi.

Nau Mprơ Ơm 79:5

Ơ Brah Yêhôva! Ndah jŏ? May mra ji nuih mro mrăng lĕ? Nau May ntôn mra hit nâm bu ŭnh sa boh?

Nau Ngluh Êjipt 32:22

Y-Arôn lah: “Dăn kôranh lơi ji nuih, kôranh gĭt phung ƀon lan aơ jêng phung ƀon lan ŭch ƀư nau mhĭk.

Nau Hôr 19:12

Nau hađăch nuih nâm bu ngrông yau mŭr, Bi nau yô̆ hađăch nâm bu dak ngom klơ gơ̆ nđĭr.

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Daniel 5:19

Yorlah Brah Ndu ăn nau dơi chiă uănh jêng toyh Kôranh Brah ăn jêh mbơ̆ may ma lĕ rngôch phung ƀon lan, bri dak, lĕ rngôch nau ngơi klach râm sâr da dê tanăp hađăch nây. Păng ŭch nkhĭt lơi mbu nơm păng ŭch jêh ri păng om gŭ rêh mbu nơm păng ŭch, păng ŭch n'hao mâu lah n'glưh mbu nơm păng ŭch.

Yôhan 5:22

Mbơ̆ mâu geh phat dôih ôh, ƀiălah jao lĕ nau dơi phat dôih ma Kon,

Kôranh Oh Mon 2:29

Hơi phung oh nâu, gâp dơi ngơi rah vah ma khân may pô aơ chô yau Y-Đavit jêng bunuyh khĭt jêh, bu tâp păng ta môch jêh ri môch păng hôm tât aƀaơ ta nklang phung he.