Nau Ntơm 44:16 - Nau Brah Ndu Ngơi 2023

¹⁶ Y-Yuđa ơh: “Moh hên hôm blau ngơi ma kôranh gâp? Moh nau hên blau mbơh aơ? Mâm nau hên dơi koh dŏng hên nơm? Brah Ndu hŏ saơ jêh nau tih phung oh mon may. Aƀaơ, lĕ phung hên nđâp ma nơm dôl djôt kachok aơ tâm ti păng jêng dĭk ma may da dê.”

Bunong Bible Latin Script Cambodian dialect

¹⁶ Yuđa ơh ma păng: “Hên mâu hôm ôh geh nau ơh ma kôranh đŏng, hên mâu hôm geh nau ngơi đŏng, yorlah lĕ Kôranh Brah nhhơ jêh nau tih hên, aƀaơ dja dâng lĕ hên dja, ndrel ma bunuyh ntŭng ngôr i nây, hên gŭ jan dâk ma kôranh”.

Bunong

¹⁶ យូដា​អើស​មា​ពាង់៖ “ហេន​មោ​ហោម​អោស​គែស​នាវ​អើស​មា​កោរាញ​ដ៝ង់ ហេន​មោ​ហោម​គែស​នាវ​ងើយ​ដ៝ង់ យ៝រ​លាស​លែៈ​កោរាញ​ឞ្រាស​ញហើ​ជេស​នាវ​តីស​ហេន អាបៃ​អ្យា​ទឹង​លែៈ​ហេន​អ្យា នទ្រែល​មា​ឞូនុយ្ស​នតុង​ងោរ​អី​នៃ ហេន​គុ​ជាន​ទឹក​មា​កោរាញ”។

Nau Ntơm 44:16 ပူးပေါင်းရင်းမြစ်များ

Nau Ntơm 37:7

Nôk he dôl gŭ kât nchăp ba tâm mir, nchăp ba gâp dâk, dâk sŏng, bi lĕ nchăp ba khân may rƀŭn ndrel jŭm păng da dê jêh ri chon mon tanăp nchăp ba gâp.”

Nau Ntơm 37:9

Du tơ̆ êng đŏng, Y-Yôsep geh tay nau mbơi jêh ri nkoch bri nau nây ma phung oh nâu păng. Păng lah: “Gâp hôm geh du nau mbơi đŏng. Gâp saơ nar, khay jêh ri jât ma nguay mănh mbing chon mon tanăp măt gâp.”

Nau Ntơm 44:17

Ƀiălah Y-Yôsep lah: “Gâp mâu ŭch đŏng ƀư pônây! Nơm djôt kachok nây hôm tâm ti păng mra ƀư dĭk ma gâp; bi khân may plơ̆ sĭt đăp mpăn ma mbơ̆ khân may.”

Nau Ntơm 44:32

Oh mon aơ ro hŏ dâk sâm ton an ma kon se nây, jêh ri lah: ‘Tơlah gâp mâu djôt leo oh plơ̆ sĭt ma may, gâp mra anh nau tih tanăp may du njăr rêh.’

Nau Ntơm 44:9

Tơlah ndơ nây dơi joi saơ ta mbu moh nơm, jêh ri nơm nây ăn khĭt, bi hên mra ƀư dĭk ma may.”

I Phung Hađăch 17:18

Bu ur nây lah ma Y-Êli: “Hơi bunuyh Brah Ndu, moh nau gâp ƀư rsuak ma may? Di lĕ may hŏ văch tât ma ngih gâp gay ŭch nkah tay lĕ nau tih gâp jêh ri ƀư ăn kon bu klâu gâp khĭt?”

Êsra 9:10

Aƀaơ ri, hơi Brah Ndu phung kon, pakơi lĕ nau aơ, mâm phung kon mra lah? Yorlah hên hŏ chalơi lĕ rngôch nau vay ntăm bơh May ntĭnh.

Êsra 9:15

Hơi Yêhôva Brah Ndu phung Israel, Kôranh Brah jêng sŏng srăng! Hên jêng phung hôm e klen djê̆, tâm ban hŏ saơ nar aơ. Aơ hên gŭ tanăp măt Kôranh Brah, bêng ma nau tih, nđâp lah mâu geh du huê nuyh ôh dơi gŭ tanăp măt May tâm nau tâm ban pônây.”

Ndrom Samƀŭt bơh Yôp 40:4

May geh lĕ nting tur dăng nâm bu Brah Ndu? Dơi lĕ may ƀư nteh nglaih nâm bu bâr Păng?

Nau Hôr 17:15

Mbu nơm kơp bunuyh mhĭk jêng sŏng srăng jêh ri nơm nduyh bunuyh sŏng srăng, Lĕ bar hê tâm rmot ma Brah Yêhôva da dê.

Nau Hôr 28:17

Phung khan rnon mham ma du huê bunuyh Mra nchuăt du ăn tât khĭt, Lơi ăn bu kơl păng!

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Êsai 5:3

“Pôri aƀaơ aơ, ơ phung gŭ tâm ƀon Yêrusalem Jêh ri phung Yuđa! Nkra hom dôih Gâp Đah đang krăk ƀâu Gâp.

Daniel 9:7

Ơ Kôranh Brah, nau sŏng srăng jêng ndơ May bi ma nau bêk jêng ma hên, nâm bu nar aơ, jêng ma phung Yuđa, phung gŭ tâm ƀon Yêrusalem, lĕ rngôch phung Israel, phung gŭ dăch tâm ban lĕ nâm bu phung gŭ ngai, tâm lĕ rngôch bri dak May nsot jêh khân păng văch yor nau djơh mhĭk khân păng hŏ ƀư jêh đah May.

Nau Kơp Bunuyh 32:23

Ƀiălah, tơlah khân may mâu mra ƀư pônây ôh, nanê̆ khân may hŏ ƀư tih đah Brah Yêhôva jêh ri ăn khân may gĭt ngăn nau tih nây mra nkhŭt tay ma khân may.

Mathay 7:2

Yorlah khân may phat dôih bu pô ri bu mra phat dôih khân may tâm ban lĕ, khân may veh ma ndah âk pô ri khân păng ăt mra veh ma khân may lĕ.

Luka 12:2

Mâu geh moh ndơ pôn mo bu mâu mpơl jêh ri mâu geh moh ndơ ndâp bu mâu ăn bu gĭt.

Kôranh Oh Mon 2:37

Jêh tăng nau ngơi nây, nuih n'hâm khân păng rngot, khân păng ôp Y-Pêtrôs ro jêh ri phung kôranh oh mon êng pô aơ: “Hơi phung oh nâu, moh nau hên mra ƀư?”

Nau Vay Nkah Tay 25:1

“Lah lĕ bar đah geh nau tâm rlăch jêh ri khân păng hăn ma nau phat dôih pôri phung kôranh phat dôih mra ngơi an dôih ma khân păng: Mbơh nau sŏng srăng ma bunuyh geh nau sŏng srăng jêh ri mbơh nau tih ma bunuyh geh nau tih.

Yôsuê 7:1

Ƀiălah phung ƀon lan Israel hŏ ƀư tih, yor mâu răp jăp ma lĕ ndơ prăp ma nau ƀư rai, yorlah Y-Akan, kon bu klâu Y-Karmi, sau Y-Sapdi, se Y-Sêra, bơh ndŭl mpôl Yuđa, hŏ geh sŏk ndơ prăp ma nau ƀư rai, jêh ri Brah Yêhôva ji nuih ngăn đah phung ƀon lan Israel.

Yôsuê 7:18

Păng ăn ma rnăk vâl Y-Sapdi văch dăch tĭng du huê nuyh, Brah Yêhôva nchŏng ma Y-Akan, kon bu klâu Y-Karmi, sau Y-Sapdi, se Y-Sêra bơh ndŭl mpôl Yuđa.

Phung Kôranh Phat Dôih 1:7

Y-Adôni-Bêsek lah: “Geh pơh jât hađăch gâp koh jêh nglau ti me jêh ri nglau jâng me, dônh ndơ sông sa rmeh tŭp tâm dâng sưng gâp sông. Gâp hŏ ƀư nau nây yor ri Brah Ndu har plơng tay gâp.” Bu leo păng tât ta ƀon toyh Yêrusalem jêh ri păng khĭt ta nây.