Nau Ntơm 43:29 - Nau Brah Ndu Ngơi 2023

²⁹ Y-Yôsep n'gơr măt uănh saơ Y-Benjamin, oh păng, kon du mê̆ bă ndrel ma păng, jêh ri lah: “Di lĕ aơ jêng oh mpŏt khân may hŏ nkoch jêh ma gâp?” Jêh nây păng lah tay: “Hơi oh mpŏt! Dăn ma Brah Ndu rŏng ma may!”

Bunong Bible Latin Script Cambodian dialect

²⁹ Jêh ri Yôsep uănh say Ƀenjamin, oh du ndŭl deh đah păng nơm, păng ôp khân păng: “Dja oh dŭt khân may mbơh nkoch ma gâp nơh ƀah? Dăn Kôranh Brah ăn nau geh jêng ma may oh”.

Bunong

²⁹ ជេសរី​យោឆែប​អ្វាញ់​ឆៃ​បែនយាមឹន អ៝ស​ទូ​នទុល​ទែស​ដាស​ពាង់​នើម ពាង់​អោប​ខាន់​ពាង់៖ “អ្យា​អ៝ស​ទុត​ខាន់​មៃ​មឞើស​ងក៝ច​មា​គ៝ប់​នើស​បាស? ទាន់​កោរាញ​ឞ្រាស​អ៝ន់​នាវ​គែស​ជេង​មា​មៃ​អ៝ស”។

Nau Ntơm 43:29 ပူးပေါင်းရင်းမြစ်များ

Nau Ntơm 35:24

Phung kon H'Rachel jêng Y-Yôsep jêh ri Y-Benjamin.

Nau Ntơm 42:11

Hên jêng phung kon du mbơ̆, jêng phung bunuyh sŏng, mâu jêng ôh phung n'hut.”

Nau Ntơm 42:13

Khân păng lah: “Hên jêng phung oh mon may, jêng phung jât ma bar nuyh oh nâu, phung kon du mbơ̆, tâm n'gor Kanaan. Oh mpŏt aƀaơ gŭ ndrel ma mbơ̆ hên, bi du huê bunuyh roh hêng.”

Nau Ntơm 44:21

May lah jêh ma phung oh mon may: ‘Njŭn leo păng trŭnh mâp gâp gay ma gâp dơi saơ păng ngăn.’

Nau Ntơm 45:8

Pôri mâu geh ôh khân may ƀiălah Brah Ndu nơm njuăl gâp văch ta aơ. Păng ăn gâp jêng mbơ̆ Pharaôn, jêng kôranh ma lĕ ngih hađăch, jêh ri chiă uănh lĕ n'gor Êjipt.

II Nau Rêh Jêng 29:11

Ơ phung kon bu klâu gâp ơi, lơi ta brơl rlach ôh! Yorlah Brah Yêhôva hŏ săch jêh khân may jêng oh mon Păng gay gŭ dâk panăp Păng, pah kan jêh ri su ndơ ƀâu kah ma Păng.”

Nau Mprơ Ơm 111:4

Păng ăn bu kah gĭt tay ma kan khlay Păng ƀư jêh. Brah Yêhôva vay ƀư ueh jêh ri bêng nuih n'hâm yô̆ nđach.

Nau Mprơ Ơm 112:4

Nau ang sol tâm nau ngo ma nơm sŏng, Jêng nơm hô ƀư nau ueh, geh nuih n'hâm yô̆ nđach jêh ri sŏng srăng.

Nau Mprơ Ơm 67:1

Ăn Brah Ndu yô̆ nđach ma hên jêh ri ăn nau ueh lăng ma hên, Nau nchrat ang muh măt Păng sol tâm hên. (Sêla)

Êsai 30:19

Ơ phung ƀon lan Siôn, jêng phung gŭ ta ƀon Yêrusalem! May mâu mra hôm nhĭm ôh. Nôk may kuăl dăn Păng, nanê̆ Păng mra ăn nau ueh uĭn; lah mhe tăng bâr may kuăl dăn, Păng dơn nau ro ma may.

Êsai 33:2

Ơ Brah Yêhôva, dăn yô̆ nđach an ma hên! Hên kâp gân May. Dăn ăn nau ktang ma hên ăp kêng ôi, Tâm rklaih hên nôk tâm nau rêh ni.

Malachi 1:9

Aƀaơ, dăn hom nau yô̆ bơh Brah Yêhôva, gay ma Păng ăn nau yô̆ ma phung he. Ƀiălah yor ti khân may hŏ ƀư pô nĕ, gĭt lah tâm khân may mbu nơm Păng mra dơn?

Nau Kơp Bunuyh 6:25

Dăn ma Brah Yêhôva nchrat ang muh măt Păng ma may Jêh ri ƀư nau yô̆ ma may!

Mathay 9:2

Bu tung njŭn ma Păng du huê bunuyh rvĕn gŭ ta sưng bê̆ch. Brah Yêsu saơ nau rnơm phung nây jêh ri lah ma bunuyh rvĕn: “Hơi kon, nâp hom nuih n'hâm, nau tih may yô̆ an jêh.”

Mathay 9:22

Brah Yêsu n'gĭl uănh, saơ păng jêh ri lah: “Hơi kon, maak hom! Nau chroh ay yơh hŏ rklaih ay jêh.” Mông nây, bu ur nây dơi bah nau ji.

Markôs 10:24

Phung oh mon hih rhâl ma nau aơ. Ƀiălah Brah Yêsu lah đŏng: “Hơi phung kon, phung bunuyh rnơm nsing ma nau ndrŏng gay lăp tâm ƀon bri hađăch Brah Ndu dŭt jêr ngăn.

I Timôthê 1:2

nchih njuăl ma Y-Timôthê, kon gâp ngăn tâm nau chroh: Dăn Brah Ndu, Mbơ̆ he, jêh ri Brah Yêsu Krist, Kôranh Brah he, ăn nau yô̆, nau yô̆ nđach jêh ri nau đăp mpăn ma may!

ហេឞ្រើ 13:1

Ăn djôt prăp mro nau rŏng ndrăng oh nâu.

Yôsuê 7:19

Y-Yôsuê lah ma Y-Akan “Aơ kon, tâm rnê hom ma Yêhôva Brah Ndu Israel jêh ri tâm rnê ma Păng. Mbơh ngăn hom ma gâp nau may ƀư jêh, lơi mo du ntil ndơ ôh.”