Nau Ntơm 43:18 - Nau Brah Ndu Ngơi 2023

¹⁸ Phung nây klach yorlah bu njŭn leo khân păng ta ngih Y-Yôsep. Khân păng tâm lah ndrăng khân păng: “Yor prăk bu hŏ mplơ̆ jêh tâm ƀau ba he nôk alor rĭ dĭng khân păng njŭn he ta aơ gay joi nau ƀư mhĭk lơh he, nhŭp he ƀư dĭk jêh ri pit lơi seh bri he.”

Bunong Bible Latin Script Cambodian dialect

¹⁸ Khân păng klach hô ngăn, say bu leo lăp ta jay Yôsep, khân păng tâm lah ndrăng khân păng nơm: “Dâng bu njŭn bân hăn ta dja a, yor ma prăk ta trôm ƀao nơh ro. Bu leo bân hăn ta dja a, yorlah bu gay ma tê̆ dôih bân, gay ma sŏ lơi seh lia bân, n'ho ma sŏ bân gŭ jan dâk jât”.

Bunong

¹⁸ ខាន់​ពាង់​ក្លាច​ហោ​ងាន់ ឆៃ​ឞូ​លែវ​លាប់​តា​ជៃ​យោឆែប ខាន់​ពាង់​តឹម​លាស​នទ្រាង់​ខាន់​ពាង់​នើម៖ “ទឹង​ឞូ​ញជុន​ឞ៝ន់​ហាន់​តា​អ្យា​អា យ៝រ​មា​ព្រាក់​តា​ត្រោម​បៅ​នើស​រ៝។ ឞូ​លែវ​ឞ៝ន់​ហាន់​តា​អ្យា​អា យ៝រ​លាស​ឞូ​គៃ​មា​តេៈ​ទោយ្ស​ឞ៝ន់ គៃ​មា​ឆ៝ៈ​លើយ​ឆែស​លៀ​ឞ៝ន់ នហ៝​មា​ឆ៝ៈ​ឞ៝ន់​គុ​ជាន​ទឹក​ជឹត”។

Nau Ntơm 43:18 ပူးပေါင်းရင်းမြစ်များ

Nau Ntơm 42:21

Khân păng tâm ngơi ndrăng khân păng nơm: “Nanê̆ ngăn he hŏ tih jêh đah oh he. He hŏ saơ jêh nau rngot tâm nuih n'hâm păng nôk păng vơl dăn ma he, ƀiălah he mâu ŭch iăt ôh. Yor nây nar aơ he anh nau rngot aơ.”

Nau Ntơm 42:27

Tât ntŭk khân păng veh bê̆ch, du huê tâm phung khân păng pơk ƀau gay sŏk ba ăn ma seh bri păng sa, păng saơ prăk tâm bâr ƀau păng.

Nau Ntơm 42:28

Păng lah ma phung oh nâu păng: “Uănh aơ, prăk gâp bu hŏ mplơ̆ tay ma gâp. Prăk gŭ ta bâr ƀau gâp!” nâm bu bunuyh roh nuih n'hâm, râm sâr ngơi ndrăng khân păng: “Moh nau Brah Ndu hŏ ƀư ma he aơ?”

Nau Ntơm 42:35

Nôk khân păng nkhŭt ba bơh ƀau, khân păng saơ nklâm prăk ăp nơm gŭ tâm ƀau păng, Saơ nklâm prăk nây, khân păng jêh ri nđâp ma mbơ̆ khân păng klach da dê ngăn.

Nau Ntơm 43:17

Bunuyh mât ngih nây ƀư tĭng nâm nau Y-Yôsep ntĭnh, njŭn phung nây lăp ta ngih Y-Yôsep.

Nau Ntơm 43:19

Jêh nây khân păng văch dăch bunuyh mât ngih Y-Yôsep, jêh ri ngơi ma păng tă bơh padih mpông:

Nau Ntơm 44:8

May uănh, tă bơh Kanaan, prăk hên saơ jêh ta bâr ƀau hên djôt mplơ̆ tay ma may, pôri rlong ôp mâm ƀư hên dơi ntŭng prăk mâu lah mah tâm ngih kôranh may?

Ndrom Samƀŭt bơh Yôp 15:21

Tăng nau klach krit nter nteh mro kêng tôr; Dôl ueh mpăn phung ntŭng văch tât.

Ndrom Samƀŭt bơh Yôp 30:14

Khân păng luh tă bơh du trôm ntu toyh, Hăn rlet ntŭk rlâm rai jêh.

Nau Mprơ Ơm 53:5

Ntŭk mâu geh nau klach krit, Ƀiălah khân păng klach krit hâu ngăn. Yorlah Brah Ndu srih nting phung hăn tâm lơh đah phung ƀon lan Păng; Jêh ri khân păng mra geh nau bêk prêng, yorlah Brah Ndu chalơi khân păng.

Nau Mprơ Ơm 73:16

Tơlah gâp mĭn rvê gay ma gĭt rbăng nau nây Ri mơ gâp saơ nuih n'hâm jâk jêr.

Êsai 7:2

Tơlah bu mbơh ma ngih Y-Đavit pô aơ: “Phung Aram tâm rnglăp jêh đah phung Êphraim,” nuih n'hâm hađăch Ahas nđâp ma phung ƀon lan râm nsâr tâm ban ma tơm si tâm krŏng n'goh n'gơ tanăp sial.

Daniel 6:4

Pôri, phung kôranh toyh jêh ri phung kôranh nkual joi nau ngơi tih Y-Daniel tâm kan bri dak. Ƀiălah khân păng mâu dơi saơ du ntil nau tih ôh tâm păng mâu lah du ntil nau gay dơi nduyh, yorlah păng jêng răp jăp, mâu geh du ntil nau kue mâu lah geh tih ôh.

Markôs 6:16

Ƀiălah dôl Hêrôt tăng kơt nây, păng lah: “Aơ ngăn jêng Y-Yôhan, bunuyh gâp hŏ koh jêh trô ko, aƀaơ dâk rêh tay.”

Samƀŭt Pôl Njuăl Ăn Ma Phung Nsing Ta Ƀon Rôm 7:8

Ƀiălah nau tih hŏ kuăn nau mông ueh tâm nau vay ntăm, nkah tâm gâp ăp ntil nau kơnh mhĭk, yorlah mâu geh nau vay, nau tih jêng nau khĭt.

Nau Vay Nkah Tay 22:14

ntôn nchroh jêh ri ƀư lư mhĭk ma nau amoh păng pô aơ: ‘Gâp hŏ nđăp jêh bu ur aơ, ƀiălah tơlah gâp gŭ êp dăch đah păng, gâp mâu saơ ôh nau mbên mpơl păng jêng bu ur druh hôm tang kră.’

Nau Vay Nkah Tay 22:17

Aƀaơ păng ntôn nchroh ma kon bu ur gâp jêh ri lah pô aơ, păng mâu saơ ôh nau mbên mpơl kon bu ur gâp jêng bu ur druh hôm tang kră. Ƀiălah aơ jêng nau mbơh ăn gĭt păng jêng bu ur druh hôm e tang nkra.’ Jêh nây mê̆ mbơ̆ păng mra ling ao rjai păng tanăp măt phung kôranh bu ranh tâm ƀon nây.

Phung Kôranh Phat Dôih 13:22

Y-Manôa lah ma ur păng: “N'hêl nanê̆ he mra khĭt, yorlah he lĕ saơ jêh Brah Ndu!”

Phung Kôranh Phat Dôih 14:4

Mê̆ mbơ̆ păng mâu dơi gĭt rah vah ôh nau nây luh bơh Brah Yêhôva ăn tât, yorlah Păng joi nau găl gay tâm rdâng đah phung Philistin. Rnôk nây phung Philistin chiă uănh phung Israel.