Nau Ntơm 42:6 - Nau Brah Ndu Ngơi 2023

⁶ Aƀaơ Y-Yôsep jêng kôranh chiă uănh Êjipt; păng jêng nơm tăch ba ma lĕ rngôch bunuyh ƀon lan tâm n'gor. Phung nâu Y-Yôsep hăn tât chon mon tanăp măt păng.

Bunong Bible Latin Script Cambodian dialect

⁶ Dôl nây Yôsep jan kôranh kuŏng mât uănh ta bri Êsip, păng i nây đŏng tơm tăch ba ăn dâng lĕ phung ƀon lan lam bri. I nô nô păng hăn tât ta ri păn mbah păng.

Bunong

⁶ ទោល​នៃ​យោឆែប​ជាន​កោរាញ​ក្វ៝ង់​ម៝ត់​អ្វាញ់​តា​ឞ្រី​អេឆីប  ពាង់​អី​នៃ​ដ៝ង់​តើម​តាច់​ឞា​អ៝ន់​ទឹង​លែៈ​ផូង​ប៝ន​លាន​លាម​ឞ្រី។ អី​នោៗ​ពាង់​ហាន់​ត៝ត់​តា​រី​ពាន់​មឞាស​ពាង់។

Nau Ntơm 42:6 ပူးပေါင်းရင်းမြစ်များ

Nau Ntơm 18:2

Y-Abraham n'gơr măt uănh, saơ pe nuyh dâk tanăp măt păng. Mhe saơ khân păng, păng nchuăt ran vơt khân păng bơh mpông ngih bok jêh ri chon mon ta neh.

Nau Ntơm 19:1

Kêng măng, bar hê tông mpăr tât ta Sôdôm; nôk nây Y-Lot dôl gŭ ta mpông ƀon. Lah Y-Lot saơ bar hê tông mpăr tât, Y-Lot dâk hăn vơt jêh ri chon mon chŭn muh măt ta neh.

Nau Ntơm 33:3

Bi păng nơm hăn lor rlet phung nây, păn ta neh pơh tơ̆, kŏ tât dăch ma nâu păng.

Nau Ntơm 41:43

Hađăch ăn Y-Yôsep gŭ ta klơ ndeh seh ta ntŭk prăp ma bunuyh mrô bar pakơi hađăch păng jêh ri geh bunuyh hăn lor troh panăp: “Chon hom kômâk!” Kơt nây, hađăch njêng jêh Y-Yôsep chiă uănh lĕ n'gor Êjipt.

Nau Ntơm 41:54

pơh năm nau sa sât ji ngot ntơm yơh, di ngăn nâm nau Y-Yôsep hŏ lah jêh. Lĕ rngôch n'gor êng geh nau ji ngot da dê, ƀiălah tâm lam n'gor Êjipt geh ndơ sông sa.

Nau Ntơm 41:57

Lĕ rngôch bri êng hăn đŏng ta n'gor Êjipt mâp Y-Yôsep gay rvăt ba ƀlê, yorlah nau ji ngot toyh jêng rêh ni lam ntŭk tâm neh ntu.

Nau Ntơm 44:14

Nôk Y-Yuđa jêh ri phung oh nâu păng tât ta ngih Y-Yôsep, Y-Yôsep hôm e gŭ ta nây. Khân păng chon mon ta neh tanăp măt păng.

Nau Ntơm 45:26

Khân păng mbơh ma mbơ̆: “Y-Yôsep hôm e rêh jêh ri păng chiă uănh lĕ n'gor Êjipt!” Ƀiălah nuih n'hâm Y-Yakôb mâu mĭng ro, yorlah păng mâu iăt ôh nau khân păng lah.

Nau Ntơm 45:8

Pôri mâu geh ôh khân may ƀiălah Brah Ndu nơm njuăl gâp văch ta aơ. Păng ăn gâp jêng mbơ̆ Pharaôn, jêng kôranh ma lĕ ngih hađăch, jêh ri chiă uănh lĕ n'gor Êjipt.

Nau Ntơm 48:12

Y-Yôsep sŏk pư bar hê kon bu klâu păng luh bơh kômâk mbơ̆ păng, jêh nây păn muh măt ta neh.

Nau Hôr 11:26

Ƀon lan rak rtăp ma nơm prăp kuăn ba phe ma păng nơm, Ƀiălah ăn nau ueh uĭn ma bunuyh tăch lơi păng.

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Kôranh Oh Mon 7:10

Brah Ndu rklaih păng bơh lĕ rngôch nau mhĭk, ăn nau yô̆, jêh ri nau blau mĭn ma păng tanăp Pharaôn, hađăch n'gor Êjipt; hađăch sâm dơm păng jêng kôranh chiă uănh n'gor Êjipt jêh ri lĕ phung ta ngih hađăch.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.

I Samuel 20:41

Tơlah nơm oh mon nây hăn jêh, Y-Đavit dâk ta bơh mpeh rđŭng, chŭn muh măt ta neh pe tơ̆, jêh nây bar hê khân păng tâm ut chŭm ndrăng khân păng jêh ri nhĭm, Y-Đavit nhĭm hâu lơn.