Nau Ntơm 42:22 - Nau Brah Ndu Ngơi 2023

²² Y-Ruben nduyh khân păng: “Mâu di hĕ gâp hŏ lah jêh ma khân may lơi ƀư nau mhĭk ôh đah ndăm jê̆ nây? Ƀiălah khân may mâu iăt ôh. Aƀaơ aơ ăn he ntrok rnon mham păng dơm.”

Bunong Bible Latin Script Cambodian dialect

²² Rupên lah ma khân păng: “Lĕ gâp lah ma khân may nơh, lơi nkhât păng, khân may mâu iăt nau gâp. Aƀaơ dja dâng bân geh nau jêr, yor ma bân lĕ nchai mham oh bân nơh”.

Bunong

²² រូបេន​លាស​មា​ខាន់​ពាង់៖ “លែៈ​គ៝ប់​លាស​មា​ខាន់​មៃ​នើស លើយ​ងខឹត​ពាង់ ខាន់​មៃ​មោ​អ្យាត់​នាវ​គ៝ប់។ អាបៃ​អ្យា​ទឹង​ឞ៝ន់​គែស​នាវ​ជេរ យ៝រ​មា​ឞ៝ន់​លែៈ​ញចាយ​មហាម​អ៝ស​ឞ៝ន់​នើស”។

Nau Ntơm 42:22 ပူးပေါင်းရင်းမြစ်များ

Nau Ntơm 4:10

Brah Yêhôva ôp: “Moh nau may ƀư pônây? Nteh mham oh may tă bơh neh hŏ nter tât ma Gâp.

Nau Ntơm 42:23

Khân păng mâu gĭt ôh Y-Yôsep gĭt vât nau khân păng ngơi, yorlah păng geh du huê bunuyh rblang.

Nau Ntơm 45:3

Y-Yôsep lah ma phung oh nâu păng: “Gâp jêng Y-Yôsep! Mbơ̆ gâp hôm e rêh lĕ?” Ƀiălah tanăp măt Y-Yôsep, phung oh nâu păng klach ngăn, mâu dơi ôh luh ngơi ma păng.

Nau Ntơm 50:15

Phung nâu Y-Yôsep saơ mbơ̆ khân păng khĭt jêh, khân păng lah ndrăng khân păng: “Tơlah Y-Yôsep hôm e djôt prăp nau rkeh jêh ri har plơng he lĕ nau mhĭk he hŏ ƀư jêh ma păng mâm mêh?”

I Phung Hađăch 2:32

Brah Yêhôva mra ƀư ăn ma mham păng nkhŭt tay ta klơ bôk păng, yorlah păng hŏ rduh dăch bar hê bunuyh sŏng srăng jêh ri ueh lơn ma păng, nkhĭt khân păng ma đao, ƀiălah Y-Đavit, mbơ̆ gâp, mâu gĭt du ntil ndơ ôh; nây jêng Y-Apner, kon Y-Ner, kôranh chiă uănh tahan Israel, jêh ri Y-Amasa, kon Y-Jêther, kôranh chiă uănh tahan Yuđa.

I Phung Hađăch 2:33

Mham khân păng mra nkhŭt tay ta klơ bôk Y-Jôap jêh ri ta klơ bôk phung kon sau păng kŏ tât ƀaƀơ n'ho ro. Bi Y-Đavit jêh ri phung kon sau păng, ma nau chiă uănh jêh ri ma sưng hađăch păng mra dơi đăp mpăn tă bơh Brah Yêhôva mro mrăng.”

II Nau Rêh Jêng 24:22

Pônây, hađăch Jôas mâu knŏng chuêl jêh nau yô̆ Y-Jêhôida, mbơ̆ Y-Sakari, hŏ ƀư jêh ma păng, ƀiălah hôm nkhĭt đŏng kon bu klâu păng. Nôk dăch khĭt, Y-Sakari lah: “Dăn Brah Yêhôva sek uănh jêh ri plơng bôk!”

Nau Mprơ Ơm 9:12

Yorlah Nơm plơng bôk ma mham kah gĭt ma phung rêh ni; Păng mâu chuêl ôh nau khân păng kuăl gay sâm rklaih.

Êsêkiêl 3:18

Lah Gâp lah ma bunuyh mhĭk: ‘Nanê̆ ngăn may mra khĭt!’ Tơlah may mâu mbơh ôh ma păng, mâu ngơi đah păng, jêh ri mâu buay ôh păng chalơi trong djơh mhĭk gay ma tâm rklaih nau rêh may, pôri nơm djơh mhĭk nây mra khĭt tâm nau tih păng, ƀiălah Gâp mra ăn krêp mham păng ta ti may.

Luka 23:41

He geh nau rmal jêng di jêh, yorlah he sŏk dơn nau rmal khư ma nau he ƀư; ƀiălah nơm aơ mâu mâp ƀư tih ôh.”

Kôranh Oh Mon 28:4

Tơlah phung ƀon tơm nây saơ bêh krêp ta ti Y-Pôl, khân păng tâm lah drăng nơm pô aơ: “Nanê̆ nơm nây jêng du huê nkhĭt bunuyh! Pôri klaih jêh tă bơh dak mƀŭt kđôi lĕ nau di mâu ăn păng gŭ rêh ôh!”

Samƀŭt Pôl Njuăl Ăn Ma Phung Nsing Ta Ƀon Rôm 2:15

Khân păng tâm mpơl moh kan nau vay ntăm nchih kach jêh tâm nuih n'hâm khân păng; nuih n'hâm sŏng khân păng ƀư nanê̆ nau nây, bi nau mĭn khân păng geh tơ̆ mbơh kât, geh tơ̆ koh dŏng ma khân păng.

Nau Tâm Mpơl 13:10

Tơlah mbu nơm bu njŭn leo jêng bu nă, Păng mra jêng bu nă. Tơlah mbu nơm bu nkhĭt ma đao gưm, Bu mra nkhĭt păng ma đao gưm. Aơ jêng nau srôih jêh ri nau chroh phung kloh ueh.

Nau Tâm Mpơl 16:9

Jêh ri n'hôl duh hâu ir ngăn su kon bunuyh jêh ri khân păng ngơi djơh tât amoh Brah Ndu, jêng Nơm geh nau dơi ma ntil nau rêh ni nây, ƀiălah khân păng mâu đŏng rmal nau tih gay ma tâm rnê Păng.

I Samuel 19:4

Pônây, Y-Jônathan nkoch nau ueh Y-Đavit ma Y-Sôl, mbơ̆ păng: “Dăn ma mbơ̆, lơi ƀư tih ma Y-Đavit ôh, oh mon may, yorlah păng mâu ƀư tih đah may ôh; ƀiălah, păng ƀư jêh lĕ nau kan ueh kơl may.