Nau Ntơm 42:21 - Nau Brah Ndu Ngơi 2023

²¹ Khân păng tâm ngơi ndrăng khân păng nơm: “Nanê̆ ngăn he hŏ tih jêh đah oh he. He hŏ saơ jêh nau rngot tâm nuih n'hâm păng nôk păng vơl dăn ma he, ƀiălah he mâu ŭch iăt ôh. Yor nây nar aơ he anh nau rngot aơ.”

Bunong Bible Latin Script Cambodian dialect

²¹ jêh ri khân păng tâm lah ndrăng khân păng nơm: “Say ƀah, bân tih yor ma bân jan djơh ma oh bân nơh ro, yorlah bân say păng dŭt rngot ngăn dăn bân kơl păng, tih ma bân mâu ôh iăt păng. Kơt ndri dâng nau jêr dja geh ta mpôl bân đŏng”.

Bunong

²¹ ជេសរី​ខាន់​ពាង់​តឹម​លាស​នទ្រាង់​ខាន់​ពាង់​នើម៖ “ឆៃ​បាស ឞ៝ន់​តីស​យ៝រ​មា​ឞ៝ន់​ជាន​អ្យើស​មា​អ៝ស​ឞ៝ន់​នើស​រ៝ យ៝រ​លាស​ឞ៝ន់​ឆៃ​ពាង់​ទុត​រាង៝ត​ងាន់​ទាន់​ឞ៝ន់​កើល​ពាង់ តីស​មា​ឞ៝ន់​មោ​អោស​អ្យាត់​ពាង់។ កើត​នទ្រី​ទឹង​នាវ​ជេរ​អ្យា​គែស​តា​មពោល​ឞ៝ន់​ដ៝ង់”។

Nau Ntơm 42:21 ပူးပေါင်းရင်းမြစ်များ

Nau Ntơm 41:9

Rnôk nây kôranh djôt kachok lah ma Pharaôn: “Nar aơ gâp kah gĭt lĕ nau tih gâp.

Nau Ntơm 44:16

Y-Yuđa ơh: “Moh hên hôm blau ngơi ma kôranh gâp? Moh nau hên blau mbơh aơ? Mâm nau hên dơi koh dŏng hên nơm? Brah Ndu hŏ saơ jêh nau tih phung oh mon may. Aƀaơ, lĕ phung hên nđâp ma nơm dôl djôt kachok aơ tâm ti păng jêng dĭk ma may da dê.”

Nau Ntơm 45:3

Y-Yôsep lah ma phung oh nâu păng: “Gâp jêng Y-Yôsep! Mbơ̆ gâp hôm e rêh lĕ?” Ƀiălah tanăp măt Y-Yôsep, phung oh nâu păng klach ngăn, mâu dơi ôh luh ngơi ma păng.

Nau Ntơm 50:15

Phung nâu Y-Yôsep saơ mbơ̆ khân păng khĭt jêh, khân păng lah ndrăng khân păng: “Tơlah Y-Yôsep hôm e djôt prăp nau rkeh jêh ri har plơng he lĕ nau mhĭk he hŏ ƀư jêh ma păng mâm mêh?”

II Samuel 12:13

Y-Đavit lah ma Y-Nathan: “Gâp hŏ ƀư tih đah Brah Yêhôva.” Y-Nathan lah ma Y-Đavit: “Brah Yêhôva jut lơi jêh nau tih hađăch, hađăch mâu mra khĭt ôh.

I Phung Hađăch 17:18

Bu ur nây lah ma Y-Êli: “Hơi bunuyh Brah Ndu, moh nau gâp ƀư rsuak ma may? Di lĕ may hŏ văch tât ma ngih gâp gay ŭch nkah tay lĕ nau tih gâp jêh ri ƀư ăn kon bu klâu gâp khĭt?”

Nau Hôr 21:13

Phung nsêt tôr mâu ŭch iăt ôh nau kuăl nter bơh bunuyh o ach, Dôl phung nây kuăl nter ăt mâu geh lĕ nơm plơ̆ sĭt lah.

Nau Hôr 28:17

Phung khan rnon mham ma du huê bunuyh Mra nchuăt du ăn tât khĭt, Lơi ăn bu kơl păng!

Yêrêmi 2:17

Mâu di hĕ may nơm hŏ ƀư êng nau nây ăn ma may nơm Yorlah hŏ chalơi Yêhôva Brah Ndu, Dôl Păng njŭn may ta rŏ trong nây?

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 34:17

Yor nây, Brah Yêhôva lah: pô aơ: ‘Khân may mâu tông ôh bâr Gâp, mâu geh du huê mbơh ôh nau kon me ma oh nâu jêh ri nơm chiau meng păng.’ Brah Yêhôva lah: ‘Aơ, Gâp mbơh “nau kon me” ma khân may, nâm bu ntĭt jao khân may mâp ma tak đao, nau ji tưp, sa sât ji ngot, mra ƀư ma khân may plơ̆ jêng tâm rmot ma lĕ rngôch bri hađăch ta neh ntu.

Yêrêmi 4:18

“Trong jêh ri nau kan may Hŏ ƀư ăn may lĕ nau nây. Nây jêng nau nglĕ dŭt rêh ni may, rngot ngăn ngên! Rngot ngăn ngên kŏ tât tâm trôm nuih n'hâm.”

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Nau Kơp Bunuyh 32:23

Ƀiălah, tơlah khân may mâu mra ƀư pônây ôh, nanê̆ khân may hŏ ƀư tih đah Brah Yêhôva jêh ri ăn khân may gĭt ngăn nau tih nây mra nkhŭt tay ma khân may.

Mathay 7:2

Yorlah khân may phat dôih bu pô ri bu mra phat dôih khân may tâm ban lĕ, khân may veh ma ndah âk pô ri khân păng ăt mra veh ma khân may lĕ.

Markôs 9:48

jêng ntŭk rhai mâu blau khĭt ôh jêh ri ŭnh mâu blau nhhât lĕ.

Luka 16:28

yorlah gâp geh prăm nuyh oh, gay ma păng mbơh lor khân păng, gay ăn khân păng mâu hăn jŭr ntŭk nau rêh ni dŭt hâu ngăn aơ.’

Kôranh Oh Mon 19:18

Âk bunuyh hŏ chroh jêh, văch mbơh nau tih jêh ri mpơl ma lĕ nau khân păng ƀư jêh.

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.

I Yôhan 1:9

Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.

Phung Kôranh Phat Dôih 1:7

Y-Adôni-Bêsek lah: “Geh pơh jât hađăch gâp koh jêh nglau ti me jêh ri nglau jâng me, dônh ndơ sông sa rmeh tŭp tâm dâng sưng gâp sông. Gâp hŏ ƀư nau nây yor ri Brah Ndu har plơng tay gâp.” Bu leo păng tât ta ƀon toyh Yêrusalem jêh ri păng khĭt ta nây.