Nau Ntơm 41:16 - Nau Brah Ndu Ngơi 2023

¹⁶ Y-Yôsep ơh ma hađăch Pharaôn: “Mâu di gâp ôh, ƀiălah Brah Ndu mra ăn ma hađăch nau rblang đăp mpăn.”

Bunong Bible Latin Script Cambodian dialect

¹⁶ Yôsep lah ma Pharaon nây: “Mâu di gâp ôh dơi sơm rblang, geh du huê Kôranh Brah dơm dơi, păng mra mbơh nau ueh ăn ma may kađăch”.

Bunong

¹⁶ យោឆែប​លាស​មា​ផារ៝ន​នៃ៖ “មោ​ទី​គ៝ប់​អោស​ទើយ​ឆើម​រាឞ្លាង គែស​ទូ​ហ្វេ​កោរាញ​ឞ្រាស​ទើម​ទើយ ពាង់​មរា​មឞើស​នាវ​អ្វែស​អ៝ន់​មា​មៃ​កាដាច់”។

Nau Ntơm 41:16 ပူးပေါင်းရင်းမြစ်များ

Nau Ntơm 37:14

Y-Israel lah: “Ăn may hăn uănh phung nâu may, jêh ri phung mpô mpa mâm păng geh nau ueh, jêh nây sĭt mbơh ma gâp.” Păng njuăl Y-Yôsep hăn bơh rlŭng Hêbron. Lah Y-Yôsep tât ta Sichem,

Nau Ntơm 40:8

Phung nây lah: “Hên geh jêh nau mbơi ƀiălah mâu geh ôh bunuyh dơi rblang nau nây.” Y-Yôsep lah: “Mâu di hĕ Brah Ndu dơi rblang nau mbơi? Gâp dăn ma khân may nkoch tay nau mbơi nây ma gâp.”

Nau Ntơm 41:17

Pharaôn lah ma Y-Yôsep: “Aơ, tâm nau mbơi, gâp saơ gâp nơm dôl dâk ta kơh dak krong.

Nau Ntơm 41:25

Y-Yôsep lah ma Pharaôn: “Bar nau may mbơi geh du nau rblang. Brah Ndu hŏ tâm mpơl jêh ma may gĭt lor lĕ kan Păng mra ƀư.

Nau Ntơm 41:28

Di tĭng nâm gâp hŏ lah jêh ma hađăch Pharaôn: Brah Ndu hŏ tâm mpơl jêh ma hađăch saơ lĕ nau Păng mra ƀư.

II Phung Hađăch 6:27

Hađăch plơ̆ lah: “Tơlah Brah Yêhôva mâu kơl ôh ay, mâm gâp dơi kơl ay? Hŏ hôm geh ndơ tă bơh ntŭk mprah ba mâu lah tă bơh ntŭk kĭn păt ndrănh krăk ƀâu?”

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Daniel 4:2

Gâp maak ngăn dơi tâm mpơl ăn ma khân may lĕ nau mbên khlay ngăn Brah Ndu Dŭt Klơ Lơn ƀư jêh ma gâp.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Luka 19:42

“Ŭch ngăn, ta nar aơ, may dơi gĭt lĕ nau ƀư nau đăp mpăn ma may! Ƀiălah aƀaơ lĕ nau nây pôn ndâp bơh măt may.

Kôranh Oh Mon 3:12

Saơ kơt nây, Y-Pêtrôs lah ro ma phung ƀon lan: “Hơi phung kon Israel, mâm ƀư khân may hih rhâl ma nau tât ma bunuyh aơ? Mâm ƀư khân ay may ntrâng uănh ta hên tâm ban hên hŏ rnơm nau brah mâu lah nau ueh êng hên nơm gay ƀư ma bunuyh aơ dơi hăn?

Kôranh Oh Mon 3:7

Y-Pêtrôs kuăn ta ti ma păng jêh ri chông ăn păng dâk. Ƀât lât bar mpang jâng jêh ri rmăng iăr jâng păng jêng nâp.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

II Kôrintô 3:5

Mâu di hên geh nau blau gay mĭn ma hên dơi ƀư du ntil nau ôh, ƀiălah nau blau hên luh bơh Brah Ndu.

Nau Vay Nkah Tay 29:29

Lĕ nau ndâp prăp ma Yêhôva Brah Ndu he, ƀiălah lĕ nau păng tâm mpơl jêh prăp ma he jêh ri ma phung kon sau he ƀaƀơ n'ho ro, gay ma he tĭng kơt lĕ rngôch nau ngơi tâm nau vay aơ.