Nau Ntơm 4:8 - Nau Brah Ndu Ngơi 2023

⁸ Y-Kain tâm ngơi đah Y-Abel, oh păng. Nôk bar hê dôl gŭ tâm mir pôri Y-Kain rduh lơh Y-Abel jêh ri nkhĭt lơi păng.

Bunong Bible Latin Script Cambodian dialect

⁸ Kah du nar nây, Kain jă i oh păng nây hăn lôh a mir. Tât ta mir ri, Kain rdôh nkhât lơi oh păng nây tât khât ro.

Bunong

⁸ កាស​ទូ​នារ​នៃ កាអីន  ​ជាៈ​អី​អ៝ស​ពាង់​នៃ​ហាន់​លោស​អា​មីរ។ ត៝ត់​តា​មីរ​រី កាអីន  ​រាទោស​ងខឹត​លើយ​អ៝ស​ពាង់​នៃ​ត៝ត់​ខឹត​រ៝។

Nau Ntơm 4:8 ပူးပေါင်းရင်းမြစ်များ

Nau Ntơm 4:25

Y-Ađam gŭ tay đah ur păng, ur păng deh du huê kon bu klâu, kuăl amoh jêng Y-Set, yor păng lah: “Brah Ndu hŏ ăn đŏng ma gâp du huê kon bu klâu êng ntrok Y-Abel nơm Y-Kain hŏ nkhĭt lơi jêh.”

II Samuel 14:6

Oh mon bu ur hađăch geh bar hê kon bu klâu. Bar hê khân păng tâm djrel tâm mir, jêh ri yorlah mâu geh bunuyh sâm buay khân păng ôh, pôri du huê aơ lơh khĭt du huê ri.

II Samuel 3:27

Tơlah Y-Apner plơ̆ đŏng tât jêh ta Hêbron, Y-Jôap djôt leo păng êng ta mpông ƀon, nâm bu ŭch nkoch bri đah păng ma nau kan ndâp. Ta nây, Y-Jôap ntâp ta ndŭl Y-Apner, jêh ri nkhĭt lơi păng gay mplơ̆ rnon mham oh Y-Apner jêng Y-Asahel.

II Nau Rêh Jêng 21:4

Tơlah Y-Jôram hao jêh klơ sưng hađăch chiă uănh thoi mbơ̆ păng jêh ri ƀư ktang nau dăng ma nau păng sŏk đao nkhĭt lĕ rngôch phung oh păng jêh ri phung ƀaƀă kôranh Israel.

Nêhêmi 6:2

pôri Y-Sanbalat jêh ri Y-Gesem prơh bunuyh hăn tât lah ma gâp: “Văch hom, he mra tâm mâp ndrel tâm du rplay ƀon ta ntŭk neh lâng Ônô.” Ƀiălah khân păng tâm nchră ndrel ŭch ƀư mhĭk ma gâp.

Ndrom Samƀŭt bơh Yôp 11:15

Pôri may mra n'gơr măt mâu geh nau bêk prêng; Nâp ngăn jêh ri mâu mĭn rvê djê̆ ro.

Nau Mprơ Ơm 139:19

Ơ Brah Ndu! Nanê̆ May mra ƀư rai phung ƀai. Ơ phung bunuyh ji hir mham, du hom khân may ƀah đah gâp!

Nau Mprơ Ơm 36:3

Lĕ nau ngơi tă bơh mbung păng jêng nau mhĭk jêh ri nau ndơm da dê; Păng chalơi jêh nau rêh tâm nau blau mĭn jêh ri chalơi nau ueh.

Nau Mprơ Ơm 55:21

Bâr mbung păng mbĭr tâm ban ma dak ngi Ƀiălah tâm nuih n'hâm nchră mĭn nau tâm lơh. Nau ngơi păng ueh lơn ma ngi Ƀiălah jêng đao tŏk rơm lơi jêh.

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Mika 7:6

Yorlah kon bu klâu ƀư nau prêng rmot ma mbơ̆ păng, Kon bu ur tâm rdâng đah mê̆ păng, Ƀăn tâm rdâng đah po bu ur păng Jêh ri phung rlăng tă bơh bu jêng bunuyh tâm ngih vâl may nơm.

Nau Kơp Bunuyh 35:20

Tơlah mbu yor nuih n'hâm tâm rmot nklơ̆ du huê bunuyh mâu lah ŭch klŭp du mlâm ndơ ma du huê bunuyh jêh ri ƀư khĭt bunuyh,

Mathay 23:35

gay ăn ma mham phung sŏng srăng hoch luh jêh ta neh ntu mra nkhŭt ta khân may da dê, ntơm bơh mham Y-Abel mâu geh nau tih tât ta mham Y-Sakari jêng kon bu klâu Y-Baraki, nơm khân may nkhĭt jêh tâm vah vang Ntŭk Kloh Ueh jêh ri nơng ƀư brah.

Luka 11:51

nâm bu ntĭt ntơm bơh mham Y-Abel tât ta mham Y-Sakari, bu nkhĭt ta vah vang nơng ƀư brah jêh ri ntŭk kloh ueh. Di ngăn, Gâp lah ma khân may, bu mra dăn mham nây ma bunuyh rnôk aƀaơ aơ.

Luka 22:48

Ƀiălah Brah Yêsu lah: “Hơi Y-Yuđas, may sŏk nau chŭm tâm rdâng ma Kon Bunuyh bơh?”

ហេឞ្រើ 11:4

Yor ma nau chroh, Y-Abel nhhơr jêh ma Brah Ndu du mpa ƀư brah ueh lơn ma Y-Kain, jêh ri păng geh nau mbơh jêng sŏng srăng nôk Brah Ndu dơn jêh ndơ nhhơr nây. Tă bơh nĕ đŏng, nđâp tơlah khĭt jêh, păng ăt hôm ngơi.

ហេឞ្រើ 12:24

dăch ma Brah Yêsu, Nơm Tâm Nklang ma nau tâm rnglăp mhe, nâm bu ntĭt dăch ma mham nkhŭt jêh, jêng mham ueh lơn ma mham Y-Abel.

Yuđas 1:11

Rêh ni ngăn ma khân păng! Yorlah tĭng trong Y-Kain; yor drăp ndơ dĭng tŭp tâm nau tih Y-Balam; jêh ri geh nau roh rai yorlah nau tâm rdâng nâm bu Y-Kôrê.