Nau Ntơm 4:2 - Nau Brah Ndu Ngơi 2023

² Păng deh tay Y-Abel, oh Y-Kain. Y-Abel rmăk biăp, bi Y-Kain ƀư mir.

Bunong Bible Latin Script Cambodian dialect

² Jêh ri păng geh tay du huê kon bu klô jât, păng tê̆ rnha Abel. Tât khân păng lĕ ndăm, i oh ri bunuyh chiăp be biăp, i nô ri bunuyh jan mir.

Bunong

² ជេសរី​ពាង់​គែស​តៃ​ទូ​ហ្វេ​ក៝ន​ឞូ​ក្លោ​ជឹត ពាង់​តេៈ​រាញា​អាបែល  ។ ត៝ត់​ខាន់​ពាង់​លែៈ​នទាម់ អី​អ៝ស​រី​ឞូនុយ្ស​ច្យាប់​ឞែ​ឞ្យាប់ អី​នោ​រី​ឞូនុយ្ស​ជាន​មីរ។

Nau Ntơm 4:2 ပူးပေါင်းရင်းမြစ်များ

Nau Ntơm 3:23

Yor nây, Yêhôva Brah Ndu lah ma kon bunuyh đă du luh bơh n'gar trao Êđen gay chuar rli neh, jêng ntŭk kon bunuyh luh bơh ta nây.

Nau Ntơm 37:13

Y-Israel lah ma Y-Yôsep: “Phung nâu may dôl chiăp mpô mpa ta Sichem ri ƀơh? Văch hom ta aơ gay gâp njuăl may hăn tât ma phung nâu may.” Y-Yôsep ơh: “Gâp ta aơ.”

Nau Ntơm 4:1

Y-Ađam gŭ đah H'Êva, ur păng. H'Êva ntreo jêh ri deh Y-Kain. Păng lah: “Yor Brah Yêhôva kơl, gâp hŏ deh jêh du huê bunuyh.”

Nau Ntơm 4:3

Jŏ djê̆ ma nây, Y-Kain sŏk play bơh neh ƀư ndơ nhhơr ma Brah Yêhôva.

Nau Ntơm 47:3

Pharaôn ôp: “Moh kan khân may ƀư?” Khân păng ơh: “Phung oh mon hađăch jêng phung chiăp biăp tâm ban chô yau hên hŏ ƀư jêh.”

Nau Ntơm 9:20

Y-Nôê jêng bunuyh ƀư mir. Păng jêng bunuyh dak bôk tăm tơm krăk ƀâu.

Nau Mprơ Ơm 127:3

Aơ, phung kon jêng drăp ndơn bơh Brah Yêhôva; Kao play bơh ndŭl proch jêng nau nkhôm.

Nau Ngluh Êjipt 3:1

Rnôk nây Y-Môis dôl chiăp biăp Y-Jêtrô, po păng, jêng kôranh ƀư brah n'gor Madian. Păng njŭn leo phung biăp hăn đah ri bri rdah jêh ri tât ta Hôrep jêng yôk Brah Ndu.

Amôt 7:15

Brah Yêhôva nhŭp sŏk gâp tă bơh ntŭk chiăp biăp, jêh ri Brah Yêhôva lah ma gâp pô aơ: ‘Hăn mbơh lor hom ma phung ƀon lan Israel gâp.’

Luka 11:50

Kơt nây, rnôk aƀaơ aơ mplơ̆ tay rnon mham lĕ rngôch phung nơm mbơh lor nkhŭt jêh tâm rnôk ntơm rhăk njêng neh ntu,

Luka 11:51

nâm bu ntĭt ntơm bơh mham Y-Abel tât ta mham Y-Sakari, bu nkhĭt ta vah vang nơng ƀư brah jêh ri ntŭk kloh ueh. Di ngăn, Gâp lah ma khân may, bu mra dăn mham nây ma bunuyh rnôk aƀaơ aơ.

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

I Yôhan 3:10

Nau aơ ăn gĭt mbu nơm jêng phung kon Brah Ndu, jêh ri mbu nơm jêng phung kon brah mhĭk: Mbu nơm mâu ƀư nau sŏng srăng mâu jêng bunuyh Brah Ndu ôh, mbu nơm mâu rŏng ma oh nâu păng nơm tâm ban lĕ.

I Yôhan 3:12

Lơi jêng nâm bu Y-Kain jêng bunuyh luh tă bơh Brah mhĭk jêh ri nkhĭt lơi oh păng nơm. Mâm ƀư Y-Kain nkhĭt oh păng? Yorlah lĕ kan păng jêng djơh mhĭk, lĕ kan oh păng jêng sŏng srăng.

I Yôhan 3:15

Mbu nơm tâm rmot ma phung oh nâu păng nơm jêng bunuyh tâm nkhĭt bunuyh, jêh ri khân may gĭt mâu geh ôh du huê nkhĭt bunuyh geh nau rêh n'ho ro gŭ tâm păng.