Nau Ntơm 4:14 - Nau Brah Ndu Ngơi 2023

¹⁴ Aƀaơ, nar aơ May mprơh gâp du luh bơh neh aơ, gâp mra pôn ndâp măt bơh May jêh ri du krap; nsong mblêng ta klơ neh; jêh nây, mbu moh mâp gâp, khân păng mra nkhĭt gâp.”

Bunong Bible Latin Script Cambodian dialect

¹⁴ Lŏng nar dja May ntrŭt gâp du bơh ntŭk neh dja, du ngai bơh măt May đŏng, gâp gŭ rêh n'glă n'glơt lam ntŭk dja ntŭk ri, lah geh bu mâp, bu mra nkhât gâp ngăn ro”.

Bunong

¹⁴ ល៝ង់​នារ​អ្យា​មៃ​នត្រុត​គ៝ប់​ទូ​ឞើស​នតុក​នែស​អ្យា ទូ​ងាយ​ឞើស​មាត់​មៃ​ដ៝ង់ គ៝ប់​គុ​រេស​ងគ្លាៈ​ងគ្លើត​លាម​នតុក​អ្យា​នតុក​រី លាស​គែស​ឞូ​ម៝ប់ ឞូ​មរា​ងខឹត​គ៝ប់​ងាន់​រ៝”។

Nau Ntơm 4:14 ပူးပေါင်းရင်းမြစ်များ

Nau Ntơm 3:24

Brah Ndu mprơh bunuyh du luh bơh n'gar trao. Ta ntŭk mpeh luh nar n'gar trao Êđen, Păng dơm phung chêrubim n'hanh ma đao nchrat ral ngăn, ndăch ăp mpeh, gay kâp njrăng trong hăn tât tơm si nau rêh.

Nau Ntơm 4:13

Y-Kain ơh ma Brah Yêhôva: “Nau rmal aơ lĕ rlau ir ma gâp.

II Samuel 14:7

Jêh ri aƀaơ ri, lĕ noi deh dâk hao tâm rdâng đah oh mon bu ur hađăch, jêh ri lah: ‘Jao hom nơm nkhĭt jêh oh păng. Hên mra nkhĭt păng gay ntrok nau rêh oh păng yorlah păng nkhĭt jêh; jêh ri nđâp lah păng jêng nơm ndơn drăp, hên mra nkhĭt đŏng păng.’ Pônây, khân păng ŭch nkhĭt nơm hôm e ma gâp, mâu hôm ôh ăn ma sai gâp kon sau thoi noi deh păng ta klơ neh ntu.”

Nau Mprơ Ơm 109:10

Ăn phung kon păng jêng phung nsong mblêng nsong dan, Ăn hăn dăn sa ngai bơh ngih sat khân păng.

Nau Mprơ Ơm 109:12

Lơi ăn du huê ƀư ueh ma păng, Mâu geh du huê yô̆ nđach ma kon đơi păng.

Nau Mprơ Ơm 143:7

Ơ Brah Yêhôva! Gơnh plơ̆ sǐt lah nau gâp dăn! Huêng gâp rgănh huơi. Lơi pôn măt May ma gâp, Klach lah gâp tâm ban ma phung jŭr ta môch.

Nau Hôr 14:32

Bunuyh mhĭk roh rai yor nau djơh mhĭk păng, Ƀiălah bunuyh sŏng srăng tâm nôk khĭt ăt hôm e geh ntŭk nde.

Nau Hôr 28:1

Bunuyh djơh nchuăt du nđâp lah mâu geh bunuyh hăn tĭng păng, Ƀiălah bunuyh sŏng srăng dăng ktang nâm bu yau mŭr.

Êsai 8:22

jêh nây khân păng kŭnh uănh ta neh ntu, ƀiălah knŏng saơ nau rêh ni jêh ri nau ngo, nau rngot klâng; bu mra nklơ̆ khân păng tâm nau ngo mbâl.

Yêrêmi 52:3

Yorlah nau Brah Yêhôva ji nuih ma lĕ nau mhĭk hŏ geh tât jêh ta ƀon Yêrusalem jêh ri n'gor Yuđa Păng mprơh khân păng du bơh tanăp măt Păng. Y-Sêdêkia hao tâm rdâng đah hađăch Babilôn.

Ndrom Samƀŭt bơh Ôsê 13:3

Yor nây, khân păng mra jêng nâm bu ndâr tŭk ơm ôi, Nâm bu dak ngom ang ôi gơnh sơh, Nâm bu njŏk nja sial đô̆ bơh ta nkual mprah ba, Nâm bu nhhŭk ŭnh luh tă bơh mpông bloh!

Kan Lêvi 26:17

Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Kan Lêvi 26:36

Bi ma phung tâm khân may hôm rêh, Gâp mra ƀư ma ra ai nuih n'hâm khân may tâm n'gor phung rlăng. Nteh n'ha si tŭp ăt ƀư ma khân may nchuăt du tâm ban ma nchuăt du panăp đao, jêh ri prah nđâp lah mâu geh bunuyh tĭng lơh.

Nau Kơp Bunuyh 35:19

Nơm har plơng ma mham mra nkhĭt nơm nkhĭt bunuyh nây. Tơlah păng mâp đah nơm nkhĭt bunuyh, nơm har plơng ma mham mra nkhĭt lơi bunuyh nây.

Nau Kơp Bunuyh 35:21

mâu lah tơlah mbu yorlah nau tâm rmot jêh ri dong du huê bunuyh ma ti, jêh ri ƀư ma păng khĭt, pôri ăn bu nkhĭt lơi păng; nây jêng nơm nkhĭt bunuyh. Nơm har plơng ma mham mra nkhĭt lơi nơm nkhĭt bunuyh tơlah mâp đah păng.

Nau Kơp Bunuyh 35:27

jêh ri tơlah nơm har plơng ma mham tâm mâp păng jêh ri nkhĭt păng ta padih n'har ƀon du krap, pôri nơm har plơng ma mham mâu mra ƀư tih nkhĭt bunuyh.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Mathay 25:46

Jêh nây phung aơ mra lăp tâm nau tâm rmal n'ho ro, ƀiălah phung sŏng srăng mra lăp tâm nau rêh n'ho ro.”

Nau Vay Nkah Tay 28:64

Brah Yêhôva mra ăn khân may chah rai ta nklang lĕ rngôch phung ƀon lan, ntơm bơh dŭt bri neh đah aơ ma dŭt bri neh đah ri. Ta nây, khân may mra pah kan ma phung brah êng ƀư ma si, ƀư ma lŭ, lĕ khân may nđâp phung chô yau khân may mâu hŏ mâp gĭt ôh.

Nau Vay Nkah Tay 28:65

Ta nklang phung ndŭl mpôl aơ khân may mâu geh nau đăp mpăn ôh, mâu mra geh ntŭk rlu ôh ma mpang jâng. Ta nây, Brah Yêhôva mra ăn ma nuih n'hâm khân may klach râm sâr, bar đah măt rgănh huơi jêh ri huêng rngot rvê.

II Têsalônik 1:9

Khân păng mra geh nau tâm rmal roh rai n'ho ro, tâm nkhah bơh muh măt Kôranh Brah jêh ri bơh nau chrêk rmah nau brah Păng