Nau Ntơm 38:26 - Nau Brah Ndu Ngơi 2023

²⁶ Y-Yuđa gĭt năl ro lĕ ntil ndơ nây jêh ri lah: “H'Tamar di lơn ma gâp, yorlah gâp mâu hŏ ăn ôh păng jêng ur Y-Sêla, kon gâp.” Bơh nây, Y-Yuđa mâu hôm gŭ nsum ôh đah păng.

Bunong Bible Latin Script Cambodian dialect

²⁶ Yuđa năl lĕ ndơ nây, jêh ri lah: “Ƀe sŏng rlao gâp ngăn, yorlah gâp mâu geh ăn ƀe ma Sêla ma jêng ur kon gâp”. Ntơm bơh nây Yuđa mâu hôm ôh bêch ndrel păng đŏng.

Bunong

²⁶ យូដា​នាល់​លែៈ​នទើ​នៃ ជេសរី​លាស៖ “បែ​ឆ៝ង់​រាលាវ​គ៝ប់​ងាន់ យ៝រ​លាស​គ៝ប់​មោ​គែស​អ៝ន់​បែ​មា​ឆេលា​មា​ជេង​អូរ​ក៝ន​គ៝ប់”។ នតើម​ឞើស​នៃ​យូដា​មោ​ហោម​អោស​ឞិច​នទ្រែល​ពាង់​ដ៝ង់។

Nau Ntơm 38:26 ပူးပေါင်းရင်းမြစ်များ

Nau Ntơm 37:33

Y-Yakôb gĭt năl ro ao nây jêh ri lah: “Aơ jêng ao kon bu klâu gâp ngăn! Du mlâm mpa bri janh lĕ sa jêh săk păng! Nanê̆ ngăn, Y-Yôsep hŏ hêk săk jăn luh tĭng rngơl jêh!”

Nau Ntơm 38:14

H'Tamar doh lơi ao bu ur ndrô, sŏk bok nkŭm muh măt, nkŭm lĕ săk păng, jêh nây gŭ êp ntŭk lăp ƀon Ênaim, ta trong hăn tât ta Timna. Păng ƀư kơt nây yorlah hŏ saơ Y-Sêla văch ma toyh jêh, ƀiălah bu mâu ăn ôh păng jêng ur Y-Sêla.

Nau Ntơm 4:1

Y-Ađam gŭ đah H'Êva, ur păng. H'Êva ntreo jêh ri deh Y-Kain. Păng lah: “Yor Brah Yêhôva kơl, gâp hŏ deh jêh du huê bunuyh.”

II Samuel 16:22

Pôri, bu ndâk du mlâm ngih bok ma Y-Apsalôm ta klơ chor ngih hađăch, jêh nây Y-Apsalôm hăn lăp gŭ ndrel phung ur yông mbơ̆ păng. Lĕ rngôch phung Israel gĭt nau aơ da dê.

II Samuel 20:3

Tơlah Y-Đavit plơ̆ sĭt tât ma ngih hađăch ta ƀon Yêrusalem; jêh ri hađăch sŏk jât nuyh ur yông păng hŏ ăn mât mray ngih hađăch, ăn ma khân păng gŭ krŭng tâm du ngih êng geh tahan kâp njrăng. Hađăch ăn ndơ sông sa ma khân păng dŏng, ƀiălah mâu hăn tât ôh ma khân păng. Tâm ban pônây, bu krŭng khân păng, gŭ rêh nâm bu bunuyh ndrô kŏ tât nar khân păng khĭt.

II Samuel 24:17

Saơ tông mpăr rmal phung ƀon lan, Y-Đavit ngơi ma Brah Yêhôva: “Gâp nơm hŏ ƀư tih jêh, gâp nơm ƀư jêh ma nau ƀai. Ƀiălah phung biăp aơ, moh nau khân păng mâp ƀư jêh? Mbơh sơm ti Kôranh Brah rmal ma gâp jêh ri ma ngih mbơ̆ gâp!”

Ndrom Samƀŭt bơh Yôp 4:5

Ƀiălah aƀaơ nau rêh ni tât ma may, may rdja nuih n'hâm; Nau tât ma may, may mâu dơi ôh nsrôih.

Ndrom Samƀŭt bơh Yôp 40:5

Nkrơ̆ hom ma nau rnam jêh ri khưm ro; Nsoh ta klơ săk may nơm nau chrat ang jêh ri chrêk rmah.

Êsêkiêl 16:52

Ay phat dôih phung oh nur ay knŏng dơn nau bêk prêng ăn ma ay nơm dơm. Yorlah nau tih ay mhĭk lơn ma khân păng yor nây khân păng jêng sŏng srăng lơn ma ay. Pônây dơn hom nau tâm rmot, nau bêk prêng yor ay ƀư jêh ăn ma oh nur ay dơi kơp jêng sŏng srăng!

Habakuk 1:13

Măt Kôranh Brah kloh ir mâu dơi uănh ôh nau mhĭk, Mâu dơi uănh ntreng ôh nau tih mhĭk. Mâm ƀư May uănh ma phung ƀư nau mƀruh nchơt? Mâm ƀư May gŭ klăk klêm, Lah bunuyh mhĭk sa rvăn bunuyh sŏng srăng lơn ma păng?

Mathay 3:8

Pôri ăn play hom tâm di jêh ma nau tâm rmal nau tih,

Yôhan 8:9

Lah khân păng tăng nau nây, khân păng du rhôch rhôch, phung bu ranh hăn lor. Brah Yêsu gŭ êng n'hanh ma bu ur hôm gŭ ta nây.

Samƀŭt Pôl Njuăl Ăn Ma Phung Nsing Ta Ƀon Rôm 13:12

Măng dăch lĕ, nar dăch ang, pôri he doh mƀăr lơi hom lĕ kan nau ngo, jêh ri nsoh ao tâm lơh bơh ang chrat.

Samƀŭt Pôl Njuăl Ăn Ma Phung Nsing Ta Ƀon Rôm 3:19

He gĭt lĕ nau vay lah, jêng lah ma phung gŭ tâm dâng nau vay gay ma lĕ rngôch trôm mbung gŭ rklăk da dê, jêh ri lĕ rngôch bunuyh ta neh ntu dơn nau tih tanăp Brah Ndu;

I Samuel 24:17

Tơlah Y-Đavit ngơi nau nây lĕ lôch jêh, Y-Sôl lah: “Hơi Y-Đavit, kon gâp, di lĕ bâr may?” Y-Sôl nter nhĭm.

I Samuel 24:18

Păng lah ma Y-Đavit: “May jêng sŏng srăng lơn ma gâp, yorlah may sŏk nau ueh gay mplơ̆ sĭt nau mhĭk gâp hŏ ƀư jêh ma may.