Nau Ntơm 38:24 - Nau Brah Ndu Ngơi 2023

²⁴ Klăp lah pe khay pakơi, bu mbơh ma Y-Yuđa: “H'Tamar ƀăn may hŏ ƀư bu ur văng tĭr, păng nkhơng ma ntreo êng đŏng.” Y-Yuđa lah: “Leo hom păng luh padih jêh ri ăn bu su păng.”

Bunong Bible Latin Script Cambodian dialect

²⁴ Tât pe khay bơh kơi nây, geh bu hăn mbơh ma Yuđa: “Tamar măn may bu ur văng târ, lĕ ntreo êng đah bu”. Yuđa lah: “Nglôh păng a dih dja, pur n'grêh păng ta ŭnh dôh!”

Bunong

²⁴ ត៝ត់​ពែ​ខៃ​ឞើស​កើយ​នៃ គែស​ឞូ​ហាន់​មឞើស​មា​យូដា៖ “ថាមារ​មាន់​មៃ​ឞូ​អូរ​វាង់​តឹរ លែៈ​នត្រែវ​អេង​ដាស​ឞូ”។ យូដា​លាស៖ “ងលោស​ពាង់​អា​ទីស​អ្យា ពូរ​ងគ្រេស​ពាង់​តា​អុញ​ទោស!”

Nau Ntơm 38:24 ပူးပေါင်းရင်းမြစ်များ

Nau Ntơm 20:3

Ƀiălah tâm nôk măng, Brah Ndu tâm mpơl ma Y-Abimêlek tâm nau mbơi jêh ri lah ma păng: “May mra khĭt yor bu ur may hŏ nhŭp. Păng lĕ geh sai jêh.”

Nau Ntơm 20:7

Aƀaơ, mplơ̆ tay hom păng ma sai păng nơm, yorlah sai păng jêng du huê nơm mbơh lor, păng mra mbơh sơm an ma may jêh ri may mra dơi rêh. Ƀiălah tơlah may mâu mplơ̆ ôh păng sĭt, ăn may gĭt may mra khĭt ngăn ro, nđâp lĕ rngôch bunuyh tâm ngih may.”

Nau Ntơm 20:9

Jêh nây, Y-Abimêlek kuăl Y-Abraham, jêh ri lah: “Moh nau may hŏ ƀư ma hên kơt nây? Moh nau mâu di gâp lĕ ƀư đah may dĭng may ƀư đah gâp jêh ri lĕ bri dak gâp dơn nau tih toyh kơt nây? May hŏ ƀư ma gâp lĕ nau bu mâu vay ôh ƀư.”

Nau Ntơm 34:31

Ƀiălah khân păng ơh: “Di lĕ bu klâu nây ƀư ma oh bu ur hên tâm ban ma du huê bu ur văng tĭr?”

Nau Ntơm 38:23

Y-Yuđa lah: “Kađôi ăn păng djôt prăp lĕ ndơ nây, iăt ma he mâu ôh geh nau bêk. Gâp njuăl jêh be kon aơ, bi may lĕ joi jêh ƀiălah mâu ôh saơ păng.”

II Samuel 12:5

Y-Đavit hao ji nuih ngăn ma bunuyh ndrŏng nây, jêh ri lah ma Y-Nathan: “Nanê̆ tĭng nâm Brah Yêhôva gŭ rêh mro mrăng, bunuyh hŏ ƀư nau nây khư nau khĭt yơh!

II Samuel 12:7

Rnôk nây, Y-Nathan ngơi lah ma Y-Đavit: “Hađăch yơh jêng bunuyh nây! Yêhôva Brah Ndu phung Israel geh lah: ‘Gâp hŏ tŏ dak ƀâu kah njêng may jêng hađăch Israel, Gâp hŏ rklaih jêh may tă bơh ti Y-Sôl.

Nơm Nti 7:26

Gâp joi saơ du ntil nau rngot lơn ma nau khĭt, Nây jêng bu ur geh nuih n'hâm nâm bu ndơm jal, ti nâm bu rse rvăk. Mbu nơm rêh ueh nuih n'hâm Brah Ndu mra klaih bơh bu ur nây, Bi ma nơm geh tih mra geh păng nhŭp sŏk.

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 3:1

Brah Yêhôva lah: “Tơlah nơm ri chalơi ur, Ur nơm nây luh du jêh ri sŏk sai êng, Pôri sai ơm păng mra plơ̆ tay Đah bu ur nây lĕ? Mâu di hĕ neh aơ hŏ ƀơ̆ ƀơch ngăn? Păng hŏ ƀư nau văng tĭr đah âk nơm rŏng, Hôm e mĭn plơ̆ tay đah Gâp hĕ?

Yêrêmi 3:6

Tâm rô̆ hađăch Y-Jôsia chiă uănh, Brah Yêhôva lah ma gâp: “May saơ đŏng nau mâu răp jăp tâm phung Israel hŏ ƀư? Khân păng hŏ hao ăp yôk prêh, tât tâm dâng pŭm tơm si âk n'ha ƀư nau văng tir.

Yêrêmi 3:8

Gâp saơ pô aơ dôl phung Israel ƀư rlăng yorlah nau văng tir, Gâp hŏ chalơi păng jêh ri ndơ̆ du pŏk samƀŭt tâm lơi ăn ma păng, ƀiălah oh bu ur păng jêng phung Yuđa mâu răp jăp mâu klach kir djê̆, ăt hôm thoi đŏng nau văng tĭr.

Êsêkiêl 16:15

‘Ƀiălah ay nsing ma nau ueh ay, nsing nau lư n'găr ay nơm gay lăp nau vay văng tĭr jêh ri ƀư nau văng tĭr ăn ma phung bu năch rgăn trong.

Êsêkiêl 16:25

Ta lĕ rngôch tơm trong, ay ndâk ntŭk prêh jêh ri ƀư ƀơ̆ ma nau nkrơ̆ ueh ay, tăch săk ma bu năch rgăn trong jêh ri nau văng tĭr ay hao âk ƀaƀơ.

Êsêkiêl 16:26

Ay ƀư jêh nau văng tĭr đah phung Êjipt, jêng phung chiau meng geh săk jăn ktang, jêh ri nsônh nau ji nuih Gâp ma nau văng tĭr nar âk lơn.

Êsêkiêl 16:28

Ay hŏ ƀư nau văng tĭr đah phung Asiri yorlah ay mâu hŏ mpay ôh. Pakơi ƀư tih văng tĭr đah khân păng, ay ê hŏ mpay ôh.

Êsêkiêl 16:41

Khân păng mra su ngih vâl ay, phat dôih ay tanăp măt âk phung bu ur. Gâp mra ƀư ma ay mâu hôm văng tĭr ôh jêh ri mâu hôm đŏng ăn prăk ma bu năch.

Êsêkiêl 23:19

Ƀiălah păng ntop âk nau văng tĭr dôl kah gĭt tay ma rnôk păng hôm druh mom, rnôk păng ƀư nau văng tĭr tâm n'gor bri Êjipt.

Êsêkiêl 23:44

Khân păng văch tât ma păng nâm bu văch ma bu ur văng tĭr nđâp lah kơt nây tâm ban lĕ khân păng tât ma H'Ôhôla jêh ri H'Ôhôliba jêng bu ur văng tĭr pônây.

Êsêkiêl 23:5

H'Ôhôla ƀư nau văng tĭr dôl păng jêng ndơ ma Gâp. Păng hăn tĭng tĭr păng jêng ƀon lan Asiri, phung chiau meng păng.

Ndrom Samƀŭt bơh Ôsê 2:5

Ngăn yơh, mê̆ khân păng văng tĭr, Bunuyh ntreo ma khân păng hŏ ƀư jêh nau prêng. Yorlah păng lah: ‘Gâp mra hăn tĭng phung rŏng gâp; Khân păng mra ăn ƀănh, dak, rsau biăp, brai mhay, Dak ngi jêh ri ndơ nhêt.’

Ndrom Samƀŭt bơh Ôsê 3:3

Jêh nây gâp lah ma păng: “Ăn ay gŭ mpăn ma gâp jŏ nar; lơi ƀư nau ka n'hong ôh, mâu lĕ dơi văng tĭr ma du huê bu klâu êng; gâp mra ƀư đah ay tâm ban pônây lĕ.”

Ndrom Samƀŭt bơh Ôsê 4:15

Hơi phung Israel, nđâp lah khân may ƀư nau ka n'hong, Mâu lĕ ăn phung Yuđa ƀư tih ôh! Pôri lơi ta lăp ôh ta ƀon Gilgal! Lơi ta hao ma ƀon Bet-Aven! Lơi ta sơm ton tâm amoh ‘Brah Yêhôva gŭ rêh mro mrăng’.

Kan Lêvi 20:10

‘Tơlah du huê bu klâu ƀư tih văng tĭr đah du huê bu ur lĕ geh sai, mâu lah đah ur nơm chiau meng păng, lĕ bu ur jêh ri bu klâu nây mra nkhĭt da dê.

Kan Lêvi 21:9

Tơlah du huê kon bu ur kôranh ƀư brah ƀư bêk prêng păng nơm yor ƀư bu ur văng tĭr, ngơi sưr ma mbơ̆ păng, ăn bu su lơi bu ur nây ma ŭnh.

Samƀŭt Pôl Njuăl Ăn Ma Phung Nsing Ta Ƀon Rôm 14:22

Mâm nau chroh may geh, ăn djôt prăp hom ma may nơm nâm nây tanăp Brah Ndu. Ueh maak yơh ma mbu nơm mâu phat dôih păng nơm ma lĕ nau păng dơn!

Nau Vay Nkah Tay 24:16

Bu mâu nkhĭt ôh mê̆ mbơ̆ yor nau tih phung kon, jêh ri bu mâu lĕ dơi nkhĭt phung kon yor nau tih phung mê̆ mbơ̆. Bu mra nkhĭt ăp nơm tĭng nâm nau tih păng nơm.

Phung Kôranh Phat Dôih 19:2

Ƀiălah ur yông păng ji nuih ma păng jêh ri chalơi păng, du sĭt ma ngih mbơ̆ păng ta Ƀêtlêhem, tâm n'gor Yuđa, jêh nây gŭ ta nây puăn khay.