Nau Ntơm 37:9 - Nau Brah Ndu Ngơi 2023

⁹ Du tơ̆ êng đŏng, Y-Yôsep geh tay nau mbơi jêh ri nkoch bri nau nây ma phung oh nâu păng. Păng lah: “Gâp hôm geh du nau mbơi đŏng. Gâp saơ nar, khay jêh ri jât ma nguay mănh mbing chon mon tanăp măt gâp.”

Bunong Bible Latin Script Cambodian dialect

⁹ Jêh ri păng mbơi tay ndơ êng jât, păng nkoch mbơi nây ma nô nô păng, păng lah: “Gâp mbơi kơt nđa, nar, khay, ndrel ma mănh 11 kŭnh mbah ma gâp dadê”.

Bunong

⁹ ជេសរី​ពាង់​មឞើយ​តៃ​នទើ​អេង​ជឹត ពាង់​ងក៝ច​មឞើយ​នៃ​មា​នោៗ​ពាង់ ពាង់​លាស៖ “គ៝ប់​មឞើយ​កើត​នអា នារ ខៃ នទ្រែល​មា​មាញ់ ១១ កុញ​មឞាស​មា​គ៝ប់​ទាទេ”។

Nau Ntơm 37:9 ပူးပေါင်းရင်းမြစ်များ

Nau Ntơm 20:3

Ƀiălah tâm nôk măng, Brah Ndu tâm mpơl ma Y-Abimêlek tâm nau mbơi jêh ri lah ma păng: “May mra khĭt yor bu ur may hŏ nhŭp. Păng lĕ geh sai jêh.”

Nau Ntơm 37:10

Nôk păng nkoch tay nau mbơi nây ma mbơ̆ păng jêh ri ma phung oh nâu păng, mbơ̆ păng nduyh păng jêh ri lah: “Moh nau mbơi may geh kơt nây? Lah ndrĭ ngăn mâu nđâp ma gâp, me may, jêh ri phung oh nâu may mra văch chon mon tanăp măt may ƀơh?”

Nau Ntơm 37:7

Nôk he dôl gŭ kât nchăp ba tâm mir, nchăp ba gâp dâk, dâk sŏng, bi lĕ nchăp ba khân may rƀŭn ndrel jŭm păng da dê jêh ri chon mon tanăp nchăp ba gâp.”

Nau Ntơm 37:8

Phung nâu păng lah: “Pôri may ŭch mĭn chiă uănh hên ƀơh? May mra ŭch jêng kôranh hên ngăn lah?” Khân păng tâm rmot ma Y-Yôsep âk lơn yor nau mbơi jêh ri nau păng ngơi.

Nau Ntơm 41:25

Y-Yôsep lah ma Pharaôn: “Bar nau may mbơi geh du nau rblang. Brah Ndu hŏ tâm mpơl jêh ma may gĭt lor lĕ kan Păng mra ƀư.

Nau Ntơm 41:32

Nau mbơi hađăch rkê̆ch tay bar tơ̆, nau nây Brah Ndu hŏ ƀư ăn nanê̆ jêh, jêh ri Păng mra ăn nau nây tât gơnh.

Nau Ntơm 42:6

Aƀaơ Y-Yôsep jêng kôranh chiă uănh Êjipt; păng jêng nơm tăch ba ma lĕ rngôch bunuyh ƀon lan tâm n'gor. Phung nâu Y-Yôsep hăn tât chon mon tanăp măt păng.

Nau Ntơm 43:26

Lah Y-Yôsep sĭt ta ngih, phung nâu păng sŏk ndơ nhhơr khân păng hŏ geh, nhhơr ma Y-Yôsep jêh ri chon mon ta neh tanăp măt păng.

Nau Ntơm 43:28

Khân păng lah: “Oh mon may, jêng mbơ̆ hên hôm ngăch đŏng jêh ri păng hôm e rêh.” Jêh ri khân păng kŭnh bôk jêh ri chon mon.

Nau Ntơm 44:14

Nôk Y-Yuđa jêh ri phung oh nâu păng tât ta ngih Y-Yôsep, Y-Yôsep hôm e gŭ ta nây. Khân păng chon mon ta neh tanăp măt păng.

Nau Ntơm 44:19

May ôp jêh phung oh mon may pô aơ: ‘Khân may hôm geh lĕ mbơ̆ mâu lah oh nâu?’

Nau Ntơm 45:9

Khân may gơnh oi plơ̆ sĭt mâp mbơ̆ gâp jêh ri lah: ‘Y-Yôsep, kon may, lah pô aơ: Brah Ndu hŏ njêng gâp jêng kôranh ma lĕ n'gor Êjipt. Dăn may hăn trŭnh ta gâp, lơi hôm gŭ kâp ôh.

Nau Ntơm 46:29

Y-Yôsep hŏ ndrăp lor ndeh seh jêh ri hăn ta Gôsen gay chuă Y-Israel, mbơ̆ păng. Saơ jêh mbơ̆ păng, păng ut ra-u ta trô ko n'ho nhĭm du ndruh jong.

Nau Ntơm 47:12

Y-Yôsep ăn ndơ sông sa ma mbơ̆ păng, phung oh nâu jêh ri lĕ rngôch bunuyh tâm ngih mbơ̆ păng, tĭng nâm rnoh kon sau khân păng.

Daniel 8:10

Păng văch ma toyh tât ma phung tahan tâm trôk, ƀư ăn ma du kô̆ tâm phung tahan jêh ri du kô̆ tâm phung mănh tŭp ta neh ntu, jêh nây jot plên klơ khân păng.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Philip 2:15

gay ma khân may mâu geh nau nduyh ôh jêh ri kloh rsang, jêng kon dŭt ueh ngăn ma Brah Ndu ta nklang phung ndŭl mpôl plĕch rlăm jêh ri nau tih; ta nklang phung ndŭl mpôl nây, khân may sol hom nâm bu nau ang ta neh ntu;