Nau Ntơm 37:8 - Nau Brah Ndu Ngơi 2023

⁸ Phung nâu păng lah: “Pôri may ŭch mĭn chiă uănh hên ƀơh? May mra ŭch jêng kôranh hên ngăn lah?” Khân păng tâm rmot ma Y-Yôsep âk lơn yor nau mbơi jêh ri nau păng ngơi.

Bunong Bible Latin Script Cambodian dialect

⁸ I nô nô ri lah ma păng: “Lah ndri may geh nau mân ŭch jêng kôranh ma phung hên ƀah ? Mâu lah may geh nau mân ŭch mât bôk hên?” Khân păng lơ ma hô biănh ma păng, yor ma nau mbơi păng nây, nđâp ma nau păng nkoch nây.

Bunong

⁸ អី​នោៗ​រី​លាស​មា​ពាង់៖ “លាស​នទ្រី​មៃ​គែស​នាវ​មឹន​អុច​ជេង​កោរាញ​មា​ផូង​ហេន​បាស​? មោ​លាស​មៃ​គែស​នាវ​មឹន​អុច​ម៝ត់​ឞោក​ហេន?” ខាន់​ពាង់​លើ​មា​ហោ​ឞ្យាញ់​មា​ពាង់ យ៝រ​មា​នាវ​មឞើយ​ពាង់​នៃ នអ៝ប់​មា​នាវ​ពាង់​ងក៝ច​នៃ។

Nau Ntơm 37:8 ပူးပေါင်းရင်းမြစ်များ

Nau Ntơm 27:41

Bơh nây, Y-Êsau rmot ma Y-Yakôb yor nau mbơ̆ păng ăn nau ueh uĭn ma Y-Yakôb. Y-Êsau mĭn êng: “Mbơ̆ dăch khĭt jêh; jêh nây nkra nau tâp ma mbơ̆, gâp mra nkhĭt Y-Yakôb, oh gâp.”

Nau Ntơm 37:4

Nôk phung nâu păng saơ mbơ̆ khân păng rŏng ma Y-Yôsep âk lơn, khân păng tâm rmot, jêh ri mâu dơi ngơi ueh ôh đah Y-Yôsep.

Nau Ntơm 37:9

Du tơ̆ êng đŏng, Y-Yôsep geh tay nau mbơi jêh ri nkoch bri nau nây ma phung oh nâu păng. Păng lah: “Gâp hôm geh du nau mbơi đŏng. Gâp saơ nar, khay jêh ri jât ma nguay mănh mbing chon mon tanăp măt gâp.”

Nau Ntơm 42:10

Phung nâu păng lah: “Mâu, kôranh hên ah! Phung oh mon may văch ta aơ knŏng rvăt ndơ sông sa.

Nau Ntơm 44:18

Y-Yuđa văch dăch ta Y-Yôsep jêh ri lah: “Hơi kôranh gâp, gâp dăn yô̆ an nau tih jêh ri ăn oh mon may dơi ngơi du tong bar tong. Dăn may lơi dĭng nuih ôh ma oh mon may, yorlah may jêng tâm ban ma Pharaôn.

Nau Ntơm 49:26

Nau ueh lăng bơh mbơ̆ ăn ma may Toyh lơn lĕ nau ueh lăng bơh chô yau ăn ma gâp, Rlau klơ lĕ n'gơn yôk bơh rbăn năm kăl e. Ăn lĕ nau ueh lăng aơ gŭ ta klơ bôk Y-Yôsep, Ta ndăr kleng kon hađăch nklang phung oh nâu păng.

Nau Ntơm 50:18

Phung nâu păng hăn văch chon mon tanăp măt păng jêh ri lah: “Aơ, hên knŏng jêng dĭk may.”

Nau Mprơ Ơm 118:22

Lŭ phung ƀư ngih mƀăr lơi jêh Hŏ jêng jêh lŭ ta njônh ngih.

Nau Ngluh Êjipt 2:14

Bunuyh nây plơ̆ lah: “Mbu hŏ dăp jêh may jêng kôranh chiă uănh jêh ri kôranh phat dôih ma hên? Klăp lah may ŭch nkhĭt gâp đŏng tâm ban ma may hŏ nkhĭt jêh du huê bunuyh Êjipt ri bơh?” Y-Môis klach jêh ri mĭn: “Nanê̆ bu hŏ gĭt jêh nau nây.”

Luka 19:14

Ƀiălah phung ƀon lan păng ta bri nây tâm rmot ma păng, rĭ dĭng khân păng njuăl bunuyh mbơh tĭng pakơi păng jêh ri lah: ‘Hên mâu ŭch ôh ma bunuyh aơ chiă uănh hên!’

Luka 20:17

Ƀiălah Brah Yêsu uănh ma khân păng jêh ri lah: “Pônây nâm bu ntĭt nau bu nchih aơ: ‘Lŭ phung ƀư ngih mƀăr lơi jêh, Hŏ jêng lŭ njônh ngih.’

Kôranh Oh Mon 7:35

Y-Môis nây jêng nơm khân păng dun jêh ri lah: ‘Mbu hŏ ăn may jêng kôranh chiă uănh jêh ri kôranh phat dôih hên?’, ƀiălah nar aơ Brah Ndu hŏ njuăl păng jêng chiă uănh jêh ri nơm sâm rklaih tă bơh du huê tông mpăr tâm mpơl jêh ma păng tâm pŭm lok.

Nau Vay Nkah Tay 33:16

Ma ndơ ăn khlay lơn nđâp nau bêng ler bơh neh, Jêh ri nau ueh bơh Nơm gŭ ta nklang pŭm lok. Ăn lĕ nau ueh uĭn aơ tŭp ta klơ bôk Y-Yôsep Jêh ri ta klơ ndăr kleng nơm jêng bôk tâm phung oh nâu păng nơm.

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

I Samuel 10:27

Ƀiălah geh phung bunuyh mhĭk lah: “Mâm ƀư bunuyh aơ dơi tâm rklaih he?” Khân păng tâm rmot ma Y-Sôl, mâu djôt leo ndơ nhhơr ôh ma păng. Ƀiălah, Y-Sôl gŭ klêm.

I Samuel 17:28

Ƀiălah Y-Êliap, nâu ranh păng, tăng Y-Đavit ngơi pônây, ji nuih ma păng, jêh ri lah: “Mâm ƀư may tât ta aơ? Ma mbu nơm may lơi ăn biăp he djê̆ lê̆ tâm bri rdah? Gâp gĭt nau sưr jêh ri nau mhĭk tâm nuih n'hâm may. Yorlah may hăn văch ta aơ gay ŭch saơ nau tâm lơh.”

I Samuel 18:8

Y-Sôl ji nuih ngăn jêh ri mâu maak ôh yorlah lĕ nau ngơi nây. Păng lah: “Phung aơ kơp ma Y-Đavit âk rbăn, jêh ri knŏng kơp ma gâp âk rmưn; knŏng hôm pưt ăn ma păng nau dơi jêng hađăch dơm hôm e!”