Nau Ntơm 37:25 - Nau Brah Ndu Ngơi 2023

²⁵ Nôk phung nâu Y-Yôsep dôl hôm gŭ sông sa, khân păng n'gơr măt uănh jêh ri saơ du phung tăch drăp Ismaêl văch tă bơh Gilêat. Seh samô khân păng rdeng bêng ndơ ƀâu kah, dak si ƀâu kah jêh ri dak si tăng trŭnh let Êjipt.

Bunong Bible Latin Script Cambodian dialect

²⁵ Jêh ri khân păng nơm gŭ sông, dô ma khân păng n'gâl măt say phung Ismaêl du mpôl, nđâp ma seh samô khân păng tă bơh bri Kalat. Seh samô khân păng rdeng chai kroh, ndrel ma ndơ ƀô kah êng êng leo jât bri Êsip ri.

Bunong

²⁵ ជេសរី​ខាន់​ពាង់​នើម​គុ​ឆោង ទោ​មា​ខាន់​ពាង់​ងគឹល​មាត់​ឆៃ​ផូង​អីសមាអែល​ទូ​មពោល នអ៝ប់​មា​ឆែស​ឆាមោ​ខាន់​ពាង់​តាៈ​ឞើស​ឞ្រី​កាលាត។ ឆែស​ឆាមោ​ខាន់​ពាង់​រាទែង​ចាយ​ក្រ៝ស នទ្រែល​មា​នទើ​បោ​កាស​អេងៗ​លែវ​ជឹត​ឞ្រី​អេឆីប  ​រី។

Nau Ntơm 37:25 ပူးပေါင်းရင်းမြစ်များ

Nau Ntơm 31:21

Pôri, păng hăn du, djôt leo lĕ rngôch ndơ păng geh, ntơm rgăn dak krong jêh ri hăn sŏng tât nkual klơ dor yôk Gilêat.

Nau Ntơm 31:23

Y-Laban djôt leo phung mpôl băl ndrel ma păng jêh ri hăn tĭng Y-Yakôb tâm pơh nar, jêh ri păng ban Y-Yakôb ta yôk Gilêat.

Nau Ntơm 37:24

jêh nây khân păng nhŭp Y-Yôsep nklăch tâm ntu. Ƀiălah ntu nây sơh, mâu ôh geh dak.

Nau Ntơm 37:28

Nôk phung tăch drăp Madian hăn rgăn ta nây, Phung nâu mphâk Y-Yôsep tă bơh ntu dak jêh nây tăch păng ma phung Madian ma rnoh bar jât rnglay prăk. Phung nây djôt Y-Yôsep leo ta Êjipt.

Nau Ntơm 37:36

Phung tăch drăp Madian djôt leo Y-Yôsep tât ta Êjipt, tăch ma Y-Pôtipar, kôranh mât gai tahan gak ma Pharaôn.

Nau Ntơm 39:1

Lĕ phung tăch drăp Ismaêl djôt leo Y-Yôsep ta n'gor Êjipt tăch ma Y-Pôtipar, du huê bunuyh Êjipt jêng kôranh mât gai tahan gak Pharaôn.

Nau Ntơm 43:11

Y-Israel, mbơ̆ khân păng, lah: “Lah pôri khân may ƀư hom kơt aơ: Tâm ndô ndơ khân may djôt leo ndơ khlay bơh n'gor aơ nâm bu ntăk si ƀâu kah djê̆ jêh ri dak sŭt djê̆, ndơ sa kah, dak si tăng, găr guyh jêh ri play amandê gay ƀư ndơ nhhơr ma nơm nây.

Êsther 3:15

Phung djôt leo samƀŭt hăn ma nau ndal tĭng nâm nau hađăch ntĭnh. Samƀŭt nau ntrŭnh nây bu njuăl đŏng ma ƀon bri hađăch Susa. Jêh nau nây, hađăch jêh ri Y-Haman gŭ nhêt ndrănh tâm nôk ƀon Susa geh nau uh ah rŭng răng.

Nau Mprơ Ơm 14:4

Di lĕ rngôch phung djơh mhĭk mâu gĭt rbăng da dê? Khân păng sa rvăn phung ƀon lan Gâp tâm ban ma sa ƀănh, Jêh ri mâu mâp kuăl mbơh sơm ma Brah Yêhôva.

Nau Mprơ Ơm 83:6

Lĕ ngih bok Êđôm jêh ri phung Ismaêl, Phung Môap jêh ri phung Hagrit,

Nau Hôr 30:20

Aơ jêng nau rêh bu ur văng tĭr, Jêh sa, jut mbung, Jêh ri lah: “Gâp mâu mâp geh ƀư nau tih ôh!”

Nau Mprơ Ueh 5:1

Hơi oh gâp, ƀăn gâp, Gâp hŏ lăp tâm đang gâp jêh! Gâp hŏ pĕ si tăng jêh ri ndơ ƀâu kah, Sa mpơng sŭt nđâp dak sŭt gâp, Nhêt ndrănh đah dak toh. Hơi mĭt jiăng, sa hom! Hơi băl mpôl, nhŭl hom ndrui nau rŏng!

Yêrêmi 22:6

Aơ jêng nau Brah Yêhôva lah ma ngih hađăch phung Yuđa: ‘Gâp uănh may jêng nâm bu Gilêat, Nâm bu n'gơn nâm Liban, Ƀiălah nanê̆ Gâp mra njêng may bri rdah, Lĕ ƀon mâu geh bunuyh gŭ ôh.

Yêrêmi 46:11

Ơ bu ur druh, kon bu ur bri Êjipt! Hăn hao hom ma bri Gilêat, jêh ri sŏk ntăk si ƀâu kah; Khân ay dŏng âk ntil dak si kŏ mâu khlay lĕ, Mâu geh nau ƀư bah ma khân ay ôh!

Yêrêmi 8:22

Tâm Gilêat mâu geh ntăk si ƀâu kah hĕ? Ta nây ăt mâu hôm geh nai dak si hĕ? Pônây mâm ƀư sôt rmanh kon bu ur phung ƀon lan gâp Mâu dơi ƀư bah?

Êsêkiêl 47:18

Mpeh luh nar ntơm bơh vah vang ƀon Hauran, ƀon Damas, bri Gilêat jêh ri bri Israel, njŏ tĭng dak krong Yurdan. Khân may mra veh tă bơh n'har mpeh pa lơ kŏ tât ma dak mƀŭt mpeh luh nar. Nây mra jêng n'har mpeh luh nar.

Amôt 6:4

Khân may gŭ bê̆ch ta sưng ƀư ma la Jêh ri rok jâng ta klơ sưng bê̆ch khân may nơm; Sa puăch phung biăp kon săch tâm mpôl phung biăp Jêh ri phung kon ndrôk lay tă bơh ndrung.

Amôt 6:6

Khân may nhêt ndrănh tâm lĕ kachok toyh, Mhĭng khân may nơm ma dak ngi khlay Ƀiălah mâu rngot ôh yor nau ƀư rai tât ma ngih Y-Yôsep!

Yôsuê 13:11

Gilêat nđâp ma n'gor neh phung Gêsurit jêh ri phung Makatit, lĕ yôk Hermôn, lĕ Basan tât ta Salêka,