Nau Ntơm 35:5 - Nau Brah Ndu Ngơi 2023

⁵ Rnăk vâl Y-Yakôb hăn trong. Brah Ndu ăn nau klach ta lĕ rngôch ƀon jŭm nây, pôri mâu geh ôh du huê nuyh tâm phung nây nănh tĭng phung kon Y-Yakôb.

Bunong Bible Latin Script Cambodian dialect

⁵ Jêh bơh nây khân păng leo băl hăn drưm. Dâng lĕ ƀon dăch dăch ta ƀon nây Kôranh Brah jan ăn phung khân păng klach nsŏr hô ngăn, n'ho ma mâu ôh bănh hăn tâng phung oh kon Yakôp ri.

Bunong

⁵ ជេស​ឞើស​នៃ​ខាន់​ពាង់​លែវ​ឞាល់​ហាន់​ទ្រឺម។ ទឹង​លែៈ​ប៝ន​ទាច់ៗ​តា​ប៝ន​នៃ​កោរាញ​ឞ្រាស​ជាន​អ៝ន់​ផូង​ខាន់​ពាង់​ក្លាច​ញឆ៝រ់​ហោ​ងាន់ នហ៝​មា​មោ​អោស​ឞាញ់​ហាន់​តឹង​ផូង​អ៝ស​ក៝ន​យាកោប​រី។

Nau Ntơm 35:5 ပူးပေါင်းရင်းမြစ်များ

Nau Ntơm 34:30

Y-Yakôb lah ma Y-Simêôn jêh ri Y-Lêvi: “Khân may ƀư nau uh ah tât ma gâp, ƀư ma phung bunuyh ƀon lan n'gor aơ, phung Kanaan jêh ri phung Pêrisit, mưch rmot ma gâp. Gâp knŏng geh djê̆ bunuyh, tơlah khân păng tâm rnglăp ndrel gay tâm rdâng jêh ri tâm lơh đah gâp, gâp jêh ri lĕ ngih gâp ro mra rai.”

Nau Ntơm 35:4

Khân păng ndơ̆ ro ma Y-Yakôb lĕ rngôch rup brah bu năch ndơ khân păng hôm mât, tâm ban đŏng lĕ thek khân păng mblo ta tôr. Y-Yakôb tâp brôi lĕ ndơ nây tâm dâng tơm guyh dăch ƀon Sichem.

II Nau Rêh Jêng 14:13

Y-Asa jêh ri phung tahan păng tĭng rgot khân păng tât ta Gêrar. Phung tahan Kus cha lôt khĭt âk jêh ri pih kloh mâu hôm geh du huê bunuyh rêh; khân păng roh rai jêh tanăp măt Brah Yêhôva jêh ri phung tahan Păng. Phung Yuđa dơi sŏk pit âk ngăn ndô ndơ.

II Nau Rêh Jêng 14:14

Khân păng hăn lơh đŏng lĕ ƀon văr jŭm Gêrar, yorlah Brah Yêhôva ƀư nau krit toyh ma lĕ ƀon nây. Phung tahan Y-Asa sŏk pit âk ngăn drăp ndơ tâm lĕ ƀon nây.

II Nau Rêh Jêng 17:10

Brah Yêhôva ƀư ăn ma lĕ bri dak văr jŭm n'gor Yuđa geh nau klach, khân păng mâu janh tâm lơh ôh đah Y-Jôsaphat.

Nau Mprơ Ơm 105:14

Brah Yêhôva mâu ăn bu tŭn jot khân păng ôh; Ma yor khân păng, Păng mbơh lor ma hađăch khân păng:

Nau Mprơ Ơm 14:5

Ta nây, khân păng geh nau klach krit hâu ngăn, Yorlah Brah Ndu koh dŏng noi deh bunuyh sŏng srăng.

Nau Ngluh Êjipt 23:27

Gâp mra ăn nau klach krit jêh ri ƀư uh ah ma mbu phung ƀon lan ntŭk may bơi tât. Gâp mra ăn phung rlăng may nchuăt du bơh tra năp măt may.

Nau Ngluh Êjipt 34:24

Yorlah Gâp mra nsot phung băl mpôl bơh panăp may jêh ri ƀư dĭ n'har bri may; mâu lĕ bu mra kơnh ma n'gor may dôl may hăn nhhơ tanăp Yêhôva Brah Ndu may ăp năm pe tơ̆.

Nau Vay Nkah Tay 11:25

Mâu geh ôh du huê nuyh mra dơi tâm rdâng đah khân may. Yêhôva Brah Ndu khân may mra dơm nau bu klach jêh ri nau bu krit tâm lam n'gor khân may mra hăn rgăn, tĭng nâm Păng hŏ lah jêh ma khân may.

Nau Vay Nkah Tay 2:25

Nar aơ Gâp ntơm ƀư ma lĕ phung ƀon lan tâm neh ntu aơ mra krit jêh ri klach ma khân may. Lah tăng nau bu nkoch bri ma khân may, lĕ phung ƀon lan nây mra râm sâr jêh ri krit tanăp măt khân may.’”

Yôsuê 5:1

Lah lĕ rngôch phung hađăch Amôrit gŭ đah ri dak krong Yurdan mpeh nhâp nar, jêh ri lĕ rngôch phung hađăch Kanaan gŭ dăch dak mƀŭt tăng nau Brah Yêhôva hŏ ƀư jêh ma dak krong Yurdan suăt kroh tanăp phung ƀon lan Israel kŏ tât hăn rgăn lăn jêh, pôri khân păng rdja nuih n'hâm jêh ri mâu hôm blau mĭn ôh gay tâm rdâng đah phung ƀon lan Israel.

I Samuel 11:7

Păng sŏk bar mlâm ndrôk, koh âk glo, prơh phung mbơh djôt leo hăn lam n'gor bri Israel jêh ri mbơh pô aơ: “Mbu mâu tĭng ôh Y-Sôl jêh ri Y-Samuel hăn tâm lơh, ndrôk păng bu mra ƀư tâm ban pônây.” Brah Yêhôva ƀư ăn phung ƀon lan klach krit, jêh ri khân păng hăn tâm lơh, lĕ rngôch phung nâm du huê bunuyh.

I Samuel 14:15

Nau klach tât tâm lam pôih tahan, tâm mir, jêh ri tâm lĕ phung ƀon lan Philistin. Phung tahan tâm pôih tâm ban đŏng phung tahan hăn lơh ntŭng krit da dê, neh n'gơ n'găr. Nây jêng nau krit toyh ngăn bơh Brah Ndu ƀư.