Nau Ntơm 32:9 - Nau Brah Ndu Ngơi 2023

⁹ Y-Yakôb mbơh sơm: “Ơ Brah Ndu Y-Abraham, chô yau gâp! Brah Ndu Y-Isăk, mbơ̆ gâp! Ơ Brah Yêhôva, Nơm hŏ lah jêh ma gâp pô aơ: ‘Sĭt hom ma ƀon tơm may jêh ri ma phung mpôl băl may. Gâp mra ƀư ueh ma may.’

Bunong Bible Latin Script Cambodian dialect

⁹ Yakôp mbơh sơm ma Kôranh Brah: “Ơ Kôranh Brah i Abrahăm che gâp yơk mbah, i Isăk bơ̆ gâp yơk mbah, ơ Brah Yêhôva, May lĕ lah jêh ma gâp: «Hăn may plơ̆ sât hŏm ta bri che may nơm, ta ndŭl mpôl may nơm ri, Gâp mra jan ndơ ueh ma may».

Bunong

⁹ យាកោប​មឞើស​ឆើម​មា​កោរាញ​ឞ្រាស៖ “អើ​កោរាញ​ឞ្រាស​អី​អាឞ្រាហាម់  ​ចែ​គ៝ប់​យើក​មឞាស អី​អីឆាក់​ឞឹ​គ៝ប់​យើក​មឞាស អើ​ឞ្រាស​យេហោវា មៃ​លែៈ​លាស​ជេស​មា​គ៝ប់៖ «ហាន់​មៃ​ព្លឹ​ឆឹត​ហ៝ម់​តា​ឞ្រី​ចែ​មៃ​នើម តា​នទុល​មពោល​មៃ​នើម​រី គ៝ប់​មរា​ជាន​នទើ​អ្វែស​មា​មៃ»។

Nau Ntơm 32:9 ပူးပေါင်းရင်းမြစ်များ

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ntơm 28:15

Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

Nau Ntơm 31:13

Gâp jêng Brah Ndu ta Bêthel, ntŭk kon nkhŭt dak ngi ta klơ n'gâng lŭ jêh ri ƀư jêh nau ton ma Gâp. Aƀaơ, dâk hom may, luh bơh n'gor aơ jêh ri sĭt ta n'gor bu deh may.’”

Nau Ntơm 31:29

Lah gâp ƀư mhĭk ma may mâu jêng, ƀiălah Brah Ndu chô yau may ngơi jêh pô aơ đah gâp măng ndơh: ‘Nđâp tơlah nau ueh mâu lah nau mhĭk, njrăng hom, lơi ngơi janh ôh ma Y-Yakôb.’

Nau Ntơm 31:3

Brah Yêhôva lah ma Y-Yakôb: “Sĭt hom ta n'gor phung che may jêh ri ma phung mpôl băl may. Gâp mra gŭ ndrel ma may.”

Nau Ntơm 31:42

Tơlah Brah Ndu chô yau gâp, jêng Brah Ndu Y-Abraham, jêng Nơm Y-Isăk klach yơk, mâu kâp kơl gâp, nanê̆ ngăn aƀaơ may mprơh jêh gâp hăn sĭt bar đah ti dơm. Brah Ndu hŏ saơ jêh nau gâp knap jêh ri gâp hŏt rgănh, yor ri măng ndơh Păng hŏ phat dôih an jêh.”

Nau Ntơm 31:53

Dăn Brah Ndu Y-Abraham jêh ri Brah Ndu Y-Nahôr phat dôih ta nklang ndrăng he!” Y-Yakôb tâm amoh Nơm mbơ̆ păng jêng Y-Isăk klach yơk jêh ri păng ton,

Nau Ntơm 32:8

Păng mĭn: “Tơlah Y-Êsau hăn tât jêh ri rduh lơh phung aơ jêh ri phung ri mra nchuăt klaih.”

Nau Ntơm 49:25

Brah Ndu mbơ̆ may mra kơl may; Nơm Geh Lĕ Nau Brah mra ăn nau ueh uĭn ma may, Jêng nau ueh lăng bơh klơ trôk jŭr, Nđâp nau ueh lăng bơh dak jru tâm dâng hao dŭl klơ, Nau ueh lăng bơh toh me jêh ri bơh rsok rtat.

II Nau Rêh Jêng 20:12

Ơ Brah Ndu hên! Mâu di hĕ May mra phat dôih khân păng? Yorlah hên mâu tŏng nau ktang gay tâm rdâng đah phung tahan âk râk dôl văch lơh hên. Hên mâu gĭt ôh mâm mra ƀư, ƀiălah măt hên gŭ uănh ma May!”

II Nau Rêh Jêng 20:6

mbơh sơm pô aơ: “Ơ Yêhôva Brah Ndu phung che hên! Mâu di hĕ May jêng Kôranh Brah gŭ ta klơ lĕ ndâr trôk? Mâu di hĕ May jêng Nơm chiă uănh ma lĕ rngôch ntil mpôl bunuyh bơh lĕ rngôch bri dak? Tâm ti May geh nau brah jêh ri nau ktang, pôri mâu geh du huê dơi tâm rdâng ôh đah May.

II Nau Rêh Jêng 32:20

Hađăch Hêsêkia jêh ri nơm mbơh lor Y-Êsai, kon bu klâu Y-Amôt mbơh sơm yor nau nây jêh ri vơl nđor ma klơ trôk.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Yêrêmi 32:16

Lôch jao samƀŭt rvăt nây ăn ma Y-Baruk, kon bu klâu Y-Nêria, gâp mbơh sơm ma Brah Yêhôva pô aơ:

I Samuel 30:6

Y-Đavit geh nau rêh ni ngăn yorlah bu ŭch klŭp păng ma lŭ, yorlah nuih n'hâm lĕ rngôch phung ƀon lan rngot ngăn yor mĭn ma phung kon bu klâu jêh ri kon bu ur khân păng. Ƀiălah Y-Đavit geh nau ktang bơh Yêhôva Brah Ndu păng nơm.