Nau Ntơm 32:4 - Nau Brah Ndu Ngơi 2023

⁴ Păng ntĭnh khân păng: “Ăn khân may lah ma Y-Êsau, kôranh gâp pô aơ Y-Yakôb, oh mon may, geh lah: ‘Gâp hŏ gŭ njưh jêh ta ngih Y-Laban jêh ri gŭ n'ho ta nây tât nar aơ.

Bunong Bible Latin Script Cambodian dialect

⁴ Yakôp lah ma mpôl i nây: “Khân may mbơh kơt nđa ma Êsao kôranh gâp tay: «Yakôp i bunuyh sơm kơl jan kar may, păng đă hên mbơh kơt nđa: «Gâp man ma gŭ ndrel Laƀan tât nar dja.

Bunong

⁴ យាកោប​លាស​មា​មពោល​អី​នៃ៖ “ខាន់​មៃ​មឞើស​កើត​នអា​មា​អេឆាវ​កោរាញ​គ៝ប់​តៃ៖ «យាកោប​អី​ឞូនុយ្ស​ឆើម​កើល​ជាន​ការ​មៃ ពាង់​ដាៈ​ហេន​មឞើស​កើត​នអា៖ «គ៝ប់​មាន​មា​គុ​នទ្រែល​លាបាន​ត៝ត់​នារ​អ្យា។

Nau Ntơm 32:4 ပူးပေါင်းရင်းမြစ်များ

Nau Ntơm 23:6

“Hơi kôranh, dăn iăt hên. May jêng kôranh toyh bơh Brah Ndu gŭ ta klang phung hên. Ăn may tâp hom bunuyh may hŏ khĭt tâm môch dŭt ueh bơh phung hên. Mâu geh du huê bunuyh tâm phung hên nhhuach môch păng mâu ăn ôh may tâp bunuyh may hŏ khĭt.”

Nau Ntơm 25:30

Y-Êsau lah ma Y-Yakôb: “Oh ăn nâu sa ro moh ndơ sa chăng chăng nĕ ơh, yorlah nâu ji ngot ngăn!” Yor nây, bu rnha Y-Êsau jêng Y-Êđôm.

Nau Ntơm 27:29

Ăn lĕ bunuyh ƀon lan pah kan ma may, Lĕ bri dak chon mon ta may! Chiă uănh hom ma phung oh nâu may, Phung kon bu klâu mê̆ may chon mon ma may da dê! Mbu nơm rtăp rak kon mra dơn nau bu rtăp rak tay, Mbu nơm dăn nau ueh uĭn ma may mra geh nau ueh uĭn tay.”

Nau Ntơm 27:37

Y-Isăk lah ma Y-Êsau: “Aơ, gâp hŏ ăn njêng păng ƀư kôranh may, hŏ ăn jêh oh nâu păng ƀư jêng oh mon păng, jêh ri hŏ sâm siăm jêh ba ƀlê jêh ri ndrănh ma păng. Pôri moh ndơ gâp hôm dơi ăn ma may, hơi kon!”

Nau Ntơm 31:41

Bar jât năm gâp gŭ tâm ngih may jêng dah nây yơh. Gâp pah kan ma may jât puăn năm gay ma geh bar hê kon bu ur may, prao năm gay dơi geh phung mpô mpa tă bơh phung mpô mpa may, jêh ri may tâm rgâl rnoh nau nkhôm ma gâp pah kan tât jât tơ̆.

Nau Ntơm 32:18

Ăn may nsĭt lah: ‘Phung mpô mpa aơ jêng ndơ oh mon may Y-Yakôb. Aơ jêng ndơ păng njuăl ăn ma Y-Êsau kôranh gâp; jêh ri aơ, nđâp ma păng lĕ hăn pakơi hên.’”

Nau Ntơm 32:5

Gâp geh ndrôk, seh bri, be biăp, phung kơl kan bu klâu jêh ri phung kơl kan bu ur. Gâp đă bunuyh hăn ngơi lor ma may gay may dơi maak vơt dơn gâp.’”

Nau Ntơm 33:14

Dăn kôranh hăn lor ma oh mon kôranh, bi gâp mra hăn mbrơi mbrơi, tĭng groi jâng mpô mpa jêh ri tĭng groi jâng phung kon se jê̆, kŏ tât gâp mâp đah kôranh gâp ta Sêir.”

Nau Ntơm 33:8

Y-Êsau ôp: “Moh nau may ŭch ƀư ma phung mpô mpa gâp mhe mâp nây?” Y-Yakôb nsĭt lah: “Nây jêng gay may dơi yô̆ nđach an.”

Nau Ntơm 36:8

Pôri, Y-Êsau, nây jêng Êđôm, gŭ tâm nkual klơ dor yôk Sêir.

Nau Ntơm 36:9

Aơ jêng noi deh Y-Êsau, chô yau phung Êđôm, gŭ tâm nkual klơ dor yôk Sêir.

Nau Ntơm 4:7

Tơlah may ƀư nau ueh mâu hĕ Gâp dơn ndơ may? Tơlah may mâu ƀư ôh nau ueh nau tih gŭ kâp may tanăp bôk mpông, păng ŭch may ngăn; ƀiălah ăn may mât uănh păng.”

I Phung Hađăch 20:32

Pôri khân păng nsrôt ƀau ta gang bŭt khân păng jêh ri mpân rse brăt ta bôk, jêh nây hăn luh ran lăp ma hađăch Israel, jêh ri lah: “Oh mon may jêng Y-Ben-Hadat lah ma may pô aơ: ‘Dăn om ma gâp rêh.’ ” Y-Ahap lah: “Păng hôm e rêh lĕ? Păng jêng oh nâu gâp.”

Nau Ngluh Êjipt 32:22

Y-Arôn lah: “Dăn kôranh lơi ji nuih, kôranh gĭt phung ƀon lan aơ jêng phung ƀon lan ŭch ƀư nau mhĭk.

Nau Hôr 15:1

Nau plơ̆ lah ma bâr rdơ̆ rbăn ƀư djoh nau ji nuih, Bi nau ngơi dăng nsônh nau ji nuih.

Nau Hôr 25:15

Băt ji nuih ƀaƀơ ri mơ dơi ntrôl kôranh chiă uănh; Bi ma mpiăt rdơ̆ rbăn nkê̆ch pă nting nđăng.

Nau Hôr 6:3

Pôri hơi kon gâp, yorlah may hŏ tŭp jêh tâm ti phung chiau meng, Ƀư hom nau aơ gay ma tâm rklaih êng may nơm: Hăn hom, ma nau ntrŭnh săk jêh ri bonh ma phung chiau meng may!

Nơm Nti 10:4

Tơlah nơm chiă uănh hao ji nuih đah may lơi chalơi ôh, Yorlah nau rdơ̆ rbăn dơi der lĕ nau tih toyh jêh.

Êsai 21:11

Nau mbơh lor ma ƀon Duma: Bơh Sêir, geh bâr kuăl gâp: “Ơ bunuyh tahan gak, mâm măng aơ? Ơ nơm gak, mâm măng aơ?”

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

I Pêtrôs 3:6

nâm bu H'Sara tông ma Y-Abraham, kuăl păng jêng kôranh. Tơlah khân ay ƀư nau ueh, mâu geh du ntil ƀư ma khân ay rvê klach, khân ay jêng kon bu ur H'Sara yơh.

Phung Kôranh Phat Dôih 5:4

Hơi Brah Yêhôva! Dôl May hăn luh bơh Sêir, Dôl May hăn găn neh lâng Êđôm, Ri mơ neh ntu n'găr mpât, Jêh ri trôk nkhŭt dak mih, Ndâr tŭk ăn tŭp dak mih.

I Samuel 26:17

Y-Sôl gĭt năl bâr Y-Đavit, jêh ri ôp: “Hơi Y-Đavit, kon gâp, di lĕ aơ bâr may?” Y-Đavit ơh: “Hơi hađăch, kôranh gâp, di ngăn jêng bâr gâp.”