Nau Ntơm 31:3 - Nau Brah Ndu Ngơi 2023

³ Brah Yêhôva lah ma Y-Yakôb: “Sĭt hom ta n'gor phung che may jêh ri ma phung mpôl băl may. Gâp mra gŭ ndrel ma may.”

Bunong Bible Latin Script Cambodian dialect

³ Jêh ri Brah Yêhôva lah ma păng: “May plơ̆ sât hŏm ta bri u che may nơm, ta ndŭl mpôl may nơm ri, Gâp mra gŭ ndrel may”.

Bunong

³ ជេសរី​ឞ្រាស​យេហោវា​លាស​មា​ពាង់៖ “មៃ​ព្លឹ​ឆឹត​ហ៝ម់​តា​ឞ្រី​អូ​ចែ​មៃ​នើម តា​នទុល​មពោល​មៃ​នើម​រី គ៝ប់​មរា​គុ​នទ្រែល​មៃ”។

Nau Ntơm 31:3 ပူးပေါင်းရင်းမြစ်များ

Nau Ntơm 13:15

Lĕ rngôch n'gor neh may saơ, Gâp mra ăn ma may jêh ri ma noi deh may tât n'ho ro.

Nau Ntơm 21:22

Rnôk nây, hađăch Abimêlek jêh ri Y-Pikôl jêng kôranh tahan, lah ma Y-Abraham: “Brah Ndu kơl may tâm lĕ kan may ƀư.

Nau Ntơm 26:24

Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!”

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ntơm 28:15

Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

Nau Ntơm 28:4

Dăn Brah Ndu ăn ma may jêh ri phung noi deh may nau ueh lăng tă bơh Y-Abraham gay ma may dơi dơn n'gor may dôl gŭ, nây jêng n'gor Brah Ndu hŏ ăn jêh ma Y-Abraham!”

Nau Ntơm 30:25

Jêh H'Rachel deh Y-Yôsep, Y-Yakôb lah ma Y-Laban: “Dăn may ăn gâp hăn gay gâp dơi plơ̆ sĭt ta ƀon tơm gâp, tâm n'gor gâp.

Nau Ntơm 31:13

Gâp jêng Brah Ndu ta Bêthel, ntŭk kon nkhŭt dak ngi ta klơ n'gâng lŭ jêh ri ƀư jêh nau ton ma Gâp. Aƀaơ, dâk hom may, luh bơh n'gor aơ jêh ri sĭt ta n'gor bu deh may.’”

Nau Ntơm 31:18

djôt leo lĕ rngôch mpô mpa, lĕ drăp ndơ păng geh, jêng phung mpô mpa păng hŏ ndâk njêng jêh ta n'gor Padan-aram, gay plơ̆ sĭt ma Y-Isăk, mbơ̆ păng, tâm n'gor Kanaan.

Nau Ntơm 31:2

Y-Yakôb treng uănh đŏng muh măt Y-Laban jêh ri gĭt Y-Laban mâu hôm rŏng ôh ma păng nâm bu kơt saơm nơh.

Nau Ntơm 31:4

Y-Yakôb đă bu hăn kuăl H'Rachel jêh ri H'Lêa hăn luh ta mir, ta ntŭk păng dôl chiăp mpô mpa,

Nau Ntơm 32:10

Gâp mâu khư ôh đah nau rŏng jêh ri nau răp jăp May hŏ prăp jêh ma oh mon May. Nôk gâp rgăn dak krong Y-Yurdan gâp geh knŏng mâng jra dơm, ƀiălah nar aơ gâp hŏ geh bar phung bunuyh jêh ri drăp ndơ aơ.

Nau Ntơm 32:5

Gâp geh ndrôk, seh bri, be biăp, phung kơl kan bu klâu jêh ri phung kơl kan bu ur. Gâp đă bunuyh hăn ngơi lor ma may gay may dơi maak vơt dơn gâp.’”

Nau Ntơm 32:9

Y-Yakôb mbơh sơm: “Ơ Brah Ndu Y-Abraham, chô yau gâp! Brah Ndu Y-Isăk, mbơ̆ gâp! Ơ Brah Yêhôva, Nơm hŏ lah jêh ma gâp pô aơ: ‘Sĭt hom ma ƀon tơm may jêh ri ma phung mpôl băl may. Gâp mra ƀư ueh ma may.’

Nau Ntơm 35:1

Brah Ndu lah ma Y-Yakôb: “Hăn gơnh hao ta ƀon Bêthel jêh ri gŭ ta nây. Rdâk đŏng ta nây du nơng ƀư brah ma Brah Ndu, Nơm hŏ tâm mpơl jêh ma may rnôk may nchuăt du bơh nâu may jêng Y-Êsau.”

Nau Ntơm 35:3

He ndrăp hom hăn hao ta Bêthel. Gâp mra ndâk du nơng ƀư brah ma Brah Ndu, jêng Nơm hŏ dơn jêh nau gâp tâm nar gâp uh ah, jêh ri kâp kơl gâp tâm ăp trong gâp sak nsong.”

Nau Ntơm 50:24

Y-Yôsep ngơi ma phung nâu păng: “Gâp dăch khĭt, ƀiălah nanê̆ ngăn Brah Ndu mra khâl khân may, njŭn leo khân may luh bơh n'gor aơ gay plơ̆ sĭt ma n'gor Păng hŏ ton jêh ma Y-Abraham, ma Y-Isăk, jêh ri ma Y-Yakôb.”

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 90:15

May ƀư ăn ma hên geh nau răm maak gay ntrok tay lĕ nar nau May ƀư rêh ni ma hên, Jêh ri tâm ban ma lĕ năm hên saơ jêh nau mhĭk tât.

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”