Nau Ntơm 31:24 - Nau Brah Ndu Ngơi 2023

²⁴ Ƀiălah nôk măng, tâm nau mbơi, Brah Ndu tâm mpơl tât ma Y-Laban, bunuyh Aram, jêh ri lah ma păng: “Nđâp tơlah nau ueh mâu lah nau mhĭk, njrăng hom, lơi ngơi janh ma Y-Yakôb.”

Bunong Bible Latin Script Cambodian dialect

²⁴ Yơn ma Kôranh Brah hăn mbơh ma Laƀan phung Aram nây ta nau mbơi ta nôk măng, Păng lah: “May njrăng hŏ, may lơi ôh dah ma ngơi ma Yakôp, bol lah nau ueh, mâu lah nau djơh”.

Bunong

²⁴ យើន​មា​កោរាញ​ឞ្រាស​ហាន់​មឞើស​មា​លាបាន​ផូង​អារាម​នៃ​តា​នាវ​មឞើយ​តា​នោក​មាង់ ពាង់​លាស៖ “មៃ​ញជ្រាង់​ហ៝ៈ មៃ​លើយ​អោស​ទាស​មា​ងើយ​មា​យាកោប ឞ៝ល​លាស​នាវ​អ្វែស មោ​លាស​នាវ​អ្យើស”។

Nau Ntơm 31:24 ပူးပေါင်းရင်းမြစ်များ

Nau Ntơm 20:3

Ƀiălah tâm nôk măng, Brah Ndu tâm mpơl ma Y-Abimêlek tâm nau mbơi jêh ri lah ma păng: “May mra khĭt yor bu ur may hŏ nhŭp. Păng lĕ geh sai jêh.”

Nau Ntơm 20:6

Brah Ndu lah ma hađăch tâm nau mbơi: “Gâp gĭt may ƀư nau nây ma nuih n'hâm sŏng. Yor nây, Gâp nơm yơh hŏ mâu ăn may ƀư tih đah Gâp, jêh ri mâu ăn ôh may pah păng.

Nau Ntơm 24:50

Y-Laban jêh ri Y-Bêthuel ơh: “Nau aơ luh bơh Brah Yêhôva, hên mâu dơi lah ôh ma may dơi mâu lah mâu.

Nau Ntơm 28:5

Pôri, Y-Isăk đă Y-Yakôb hăn rgăn Padan-aram, tât ta ngih Y-Laban, kon bu klâu Y-Bêthuel, bunuyh Aram, jêng nâu H'Rêbêka, me Y-Yakôb jêh ri Y-Êsau.

Nau Ntơm 31:10

Tâm yan mpô mpa tâm gar, gâp geh nau mbơi, jêh ri gâp saơ gâp n'gơr măt uănh phung be nkuăng tâm gar đah be me tâm phung mpa rong geh mpor da dê, geh rvanh ƀrưnh jêh ri geh ƀlak.

Nau Ntơm 31:11

Tông mpăr Brah Ndu kuăl gâp tâm nau mbơi: ‘Hơi Y-Yakôb!’ Gâp ơh: ‘Gâp ta aơ!’

Nau Ntơm 31:23

Y-Laban djôt leo phung mpôl băl ndrel ma păng jêh ri hăn tĭng Y-Yakôb tâm pơh nar, jêh ri păng ban Y-Yakôb ta yôk Gilêat.

Nau Ntơm 31:25

Nôk Y-Laban ban Y-Yakôb, Y-Yakôb hŏ ndâk jêh rmlak păng ta klơ yôk; Y-Laban ndrel ma phung mpôl băl oh nâu păng ndâk đŏng rmlak ta klơ yôk Gilêat.

Nau Ntơm 31:29

Lah gâp ƀư mhĭk ma may mâu jêng, ƀiălah Brah Ndu chô yau may ngơi jêh pô aơ đah gâp măng ndơh: ‘Nđâp tơlah nau ueh mâu lah nau mhĭk, njrăng hom, lơi ngơi janh ôh ma Y-Yakôb.’

Nau Ntơm 31:42

Tơlah Brah Ndu chô yau gâp, jêng Brah Ndu Y-Abraham, jêng Nơm Y-Isăk klach yơk, mâu kâp kơl gâp, nanê̆ ngăn aƀaơ may mprơh jêh gâp hăn sĭt bar đah ti dơm. Brah Ndu hŏ saơ jêh nau gâp knap jêh ri gâp hŏt rgănh, yor ri măng ndơh Păng hŏ phat dôih an jêh.”

Nau Ntơm 31:7

ƀiălah mbơ̆ khân ay ndơm jêh gâp, jêh ri tâm rgâl jât tơ̆ prăk nkhôm ma gâp pah kan. Ƀiălah Brah Ndu mâu ăn ôh păng ƀư nau mhĭk ma gâp.

Nau Ntơm 40:5

Tâm du măng, dôl hôm gŭ krŭng tâm ndrung, lĕ kôranh djôt kachok jêh ri kôranh ƀư piăng let ma hađăch Êjipt geh nau mbơi da dê, ƀiălah lĕ nau mbơi khân păng geh nau rblang êng êng.

Nau Ntơm 41:1

Bar năm pakơi, Pharaôn geh nau mbơi, saơ păng nơm dâk ta kơh dak krong Nil.

II Samuel 13:22

Bi Y-Apsalôm mâu ngơi du nau ôh ma Y-Amnôn, nđâp lah nau ueh mâu lah nau mhĭk, yorlah Y-Apsalôm tâm rmot đah Y-Amnôn yorlah nau bê̆ch ndrel đah H'Tamar, oh bu ur păng.

I Phung Hađăch 3:5

Ta Gibêôn, Brah Yêhôva tâm mpơl ma Y-Salômôn tâm nau mbơi dôl măng; Brah Ndu lah: “Dăn hom dĭng lĕ ntil ndơ may ŭch, Gâp ăn ma may.”

Ndrom Samƀŭt bơh Yôp 33:25

Ntâu mlay bunuyh nây mra nse tay nâm bu dôl hôm ndăm. Nau dăng n'hâm plơ̆ jêng mhe tay nâm bu hôm ndăm.’

Êsai 37:29

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp Pôri Gâp nklĕ ndar ta trôm muh may, Dơm kang thao tâm trôm mbung may, Gâp mra ƀư ăn ma may plơ̆ sĭt Tĭng trong may hŏ văch jêh.’

Ndrom Samƀŭt bơh Ôsê 12:12

Gilêat bêng nau djơh mhĭk, N'hêl nanê̆ khân păng mra jêng dơm dam. Khân păng nhhơr ƀư brah ma ndrôk nkuăng tâm ƀon Gilgal, Lĕ nơng ƀư brah khân păng nâm bu bun lŭ Ta lĕ mbor chuar tâm mir.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Nau Kơp Bunuyh 22:20

Dôl măng, Brah Ndu tât ma Y-Balaam jêh ri lah ma păng: “Yorlah phung nây văch jă, pôri may hăn hom ndrel ma khân păng, ƀiălah ăn may ƀư tĭng kơt lĕ nau Gâp ntĭnh ma may.”

Nau Kơp Bunuyh 22:26

Tông mpăr Brah Yêhôva hăn ngai đê̆ jêh ri dâk du ntŭk huêt, mâu geh ôh trong der mpeh pa ma mâu lah mpeh pa chiau.

Nau Kơp Bunuyh 24:13

‘Nđâp tơlah Y-Balak ăn ma gâp ngih toyh geh bêng ma prăk jêh ri mah, gâp mâu dơi ƀư rlau ir ôh ma nau ntăm bơh Brah Yêhôva ngơi jêh, ŭch ƀư nau ueh mâu lah ƀư nau mhĭk tĭng gâp nơm ŭch?’ Gâp knŏng ngơi moh nau Brah Yêhôva ntĭnh jêh!

Mathay 1:20

Dôl nôk Y-Yôsep gŭ mĭn nau nây geh du huê tông mpăr Kôranh Brah mpơl ma păng tâm nau mbơi jêh ri lah pô aơ: “Hơi Y-Yôsep, kon sau Y-Đavit, lơi may klach ôh sŏk H'Mari jêng ur may, yorlah kon păng ntreo tă bơh Brah Huêng Ueh yơh ăn.

Mathay 2:12

Jêh nau nây, tâm nau mbơi, Brah Ndu mbơh ma khân păng mâu ăn khân păng plơ̆ tay ma hađăch Hêrôt ôh, pôri khân păng plơ̆ sĭt ma n'gor khân păng nơm trong êng.

Mathay 27:19

Rlau ma nây, dôl păng gŭ ta ntŭk phat dôih, ur păng njuăl bu lah ma păng pô aơ: “Lơi ta pah bi ma bunuyh sŏng srăng nây, yor ma bunuyh nây măng aơ gâp geh nau ji ta nuih n'hâm hâu ngăn tâm nau mbơi.”

Nau Vay Nkah Tay 26:5

Jêh nây, ăn khân may ngơi tanăp Yêhôva Brah Ndu pô aơ: ‘Chô yau hên jêng du huê bunuyh Aram nsong mblêng jŭr ta Êjipt, gŭ njưh ƀât lât ta nây đah du phung djê̆, ƀiălah bơh ta nây lĕ plăch jêng du ndŭl mpôl toyh, ktang jêh ri bĭk âk.