Nau Ntơm 3:5 - Nau Brah Ndu Ngơi 2023

⁵ Yorlah Brah Ndu gĭt lah khân may sa play nây pôri măt mra lin, jêh ri khân may mra jêng nâm bu Brah Ndu, gĭt nau ueh jêh ri nau mhĭk.”

Bunong Bible Latin Script Cambodian dialect

⁵ Kôranh Brah Păng gĭt, lah khân ay may sa, măt mra ang, ri mơ dâng khân ay may jêng tâm ban ma Kôranh Brah nơm, gĭt năl ndơ ueh ndơ djơh đŏng ê̆”.

Bunong

⁵ កោរាញ​ឞ្រាស​ពាង់​គឹត លាស​ខាន់​អៃ​មៃ​ឆា មាត់​មរា​អាង រី​មើ​ទឹង​ខាន់​អៃ​មៃ​ជេង​តឹម​ឞាន​មា​កោរាញ​ឞ្រាស​នើម គឹត​នាល់​នទើ​អ្វែស​នទើ​អ្យើស​ដ៝ង់​អេៈ”។

Nau Ntơm 3:5 ပူးပေါင်းရင်းမြစ်များ

Nau Ntơm 2:17

ƀiălah play tơm si gĭt nau ueh jêh ri nau mhĭk, may mâu dơi ôh sa, yorlah moh nar may sa play tơm si nây, nanê̆ may mra khĭt.”

Nau Ntơm 2:9

Yêhôva Brah Ndu ƀư ăn neh hon ăp ntil tơm si ueh măt uănh jêh ri sa kah. Ta nklang n'gar trao geh tơm si nau rêh jêh ri geh tơm si gĭt nau ueh, nau mhĭk.

Nau Ntơm 3:10

Y-Ađam ơh: “Tăng nteh May tâm n'gar trao, gâp klach yor ri du krap, yor gâp gŭ rhôk.”

Nau Ntơm 3:22

Yêhôva Brah Ndu mĭn: “Aơ, kon bunuyh hŏ jêng tâm ban ma He, gĭt tâm nkhah nau ueh jêh ri nau mhĭk. Pôri aƀaơ aơ uănh njrăng hom, klach lah kon bunuyh yơr ti pĕ play tơm si nau rêh gay sa jêh ri dơi geh nau rêh n'ho ro.”

Nau Ntơm 3:7

Rnôk nây măt lĕ bar hê lin da dê jêh ri gĭt năl khân păng nơm gŭ rhôk. Khân păng jĭm n'ha tơm rvi ƀư troi nkŭm săk.

I Phung Hađăch 22:6

Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

II Nau Rêh Jêng 32:15

Yor ri aƀaơ, lơi ăn Y-Hêsêkia mplư ndơm jêh ri mƀruh khân may kơt nĕ. Lơi ta khân may iăt nau păng, yorlah tâm lĕ rngôch ndŭl mpôl bunuyh mâu hôm geh brah mâu lah ƀon bri hađăch êng dơi rklaih phung ƀon lan păng bơh ti gâp mâu lah bơh ti chô yau gâp, mâm dĭng Brah Ndu khân may dơi tâm rklaih khân may bơh ti gâp!”

Nau Mprơ Ơm 12:4

Ma phung lah pô aơ: “He mra dơi yor ma mpiăt he nơm; Bâr mbung he jêng ndơ he; mbu nơm jêng kôranh he?”

Nau Ngluh Êjipt 20:7

May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Nau Ngluh Êjipt 5:2

Ƀiălah Pharaôn lah: “Brah Yêhôva mbu jêng, dĭng gâp ma tông bâr gay ma ăn phung ƀon lan Israel hăn? Gâp mâu gĭt năl ôh Brah Yêhôva jêh ri gâp mâu đŏng ăn Phung ƀon lan Israel hăn.”

Êsai 14:14

Gâp mra hao prêh lơn ma ndâr tŭk, Ƀư ma gâp tâm ban ma Nơm Dŭt Prêh.”

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Êsêkiêl 28:12

“Hơi kon bunuyh, ƀư hom du nau mprơ rngot ma hađăch Tyre jêh ri ngơi ma hađăch nây pô aơ: Kôranh Brah Yêhôva lah: ‘May jêng du ntil nau rup, Ma nau blau mĭn jêh ri nau ueh rah vah ngăn.

Êsêkiêl 28:2

“Hơi kon bunuyh, lah hom ma hađăch Tyre pô aơ: Kôranh Brah Yêhôva lah: ‘Yorlah nuih n'hâm may sưr ngăn, May lah pô aơ: “Gâp jêng du huê brah, Gâp gŭ ta sưng hađăch lĕ brah, Ta nklang dak mƀŭt.” Ƀiălah may knŏng jêng bunuyh mâu di jêng brah ôh, Nđâp tơlah n'hao êng nuih n'hâm may nơm Tâm ban ma nuih n'hâm brah kloh ueh.

Êsêkiêl 28:9

Tanăp phung nkhĭt may, May dơi janh lah pô aơ lĕ “gâp jêng brah”? Dôl may gŭ tâm ti phung ƀư rmanh may Pôri may jêng bunuyh đŏng mâu di hĕ jêng brah.

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Daniel 6:7

Lĕ rngôch phung kôranh toyh tâm ƀon bri hađăch, phung kôranh ntang, phung kôranh nkual, phung kôranh nchră jêh ri phung kôranh chiă uănh dăn da dê ma hađăch ƀư nau ntrŭnh jêh ri ăn du luh nau vay buay ktang mâu dơi ƀư tâm pe jât nar tơlah mbu nơm vơl ma brah mâu lah ma bunuyh êng padih may, ơ hađăch, nơm nây mra klŭp tâm trôm ntu yau mŭr.

Mathay 6:23

ƀiălah tơlah măt may chieh, lĕ săk jăn may mra jêng nau ngo. Pôri, tơlah nau ang tâm may knŏng jêng nau ngo ri mơ nau ngo nây mra toyh ngăn yơh!”

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

II Têsalônik 2:4

nâm bu ntĭt nơm tâm rdâng, n'hao êng păng nơm ta klơ ma lĕ rngôch nau bu rnha jêng brah mâu lah ma ndơ bu yơk mbah, kŏ tât păng gŭ tâm ngih Brah Ndu, kơp êng păng nơm jêng Brah Ndu.

Nau Tâm Mpơl 13:14

Păng ndơm mƀruh phung gŭ ta neh ntu ma nau mbên khlay, bu ăn păng dơi vay ƀư tanăp mpô mpa dŭt janh; jêh ri đă ma khân păng ƀư rup trah mpô mpa geh ntŭk sôt rmanh ƀơh đao gưm ƀiălah ăt hôm rêh.

Nau Tâm Mpơl 13:4

Bu yơk mbah ma bêh nhŭk nhăk yorlah păng ăn jêh nau dơi ma mpô mpa dŭt janh. Khân păng yơk mbah ma mpô mpa dŭt janh đŏng jêh ri lah pô aơ: “Mbu nơm tâm ban ma mpô mpa dŭt janh, mbu dơi tâm lơh đah păng?”

Phung Kôranh Phat Dôih 3:2

Păng knŏng ŭch ntăm nti ma lĕ rngôch rô̆ mhe phung Israel dơi gĭt nau tâm lơh, jêh ri nti đŏng ma phung ê hŏ prot gĭt nau tâm lơh.