Nau Ntơm 3:19 - Nau Brah Ndu Ngơi 2023

¹⁹ May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

Bunong Bible Latin Script Cambodian dialect

¹⁹ May jan kar lôh rhal pal mlay ngăn Ri mơ geh ndơ sông sa ma siăm săk tât khât nkre ma lêk tay ta neh Yorlah Gâp sŏ mon may nơh tă bơh neh môi Kơt ndri may mra jêng tay neh môi kơt ơm đŏng”.

Bunong

¹⁹ មៃ​ជាន​ការ​លោស​រាហាល​ពាល​មលៃ​ងាន់ រី​មើ​គែស​នទើ​ឆោង​ឆា​មា​ឆ្យាម់​ឆាក់​ត៝ត់​ខឹត​ងក្រែ​មា​លេក​តៃ​តា​នែស យ៝រ​លាស​គ៝ប់​ឆ៝ៈ​ម៝ន​មៃ​នើស​តាៈ​ឞើស​នែស​មោយ កើត​នទ្រី​មៃ​មរា​ជេង​តៃ​នែស​មោយ​កើត​អើម​ដ៝ង់”។

Nau Ntơm 3:19 ပူးပေါင်းရင်းမြစ်များ

Nau Ntơm 18:27

Y-Abraham ngơi tay: “Nđâp tơlah gâp ơm jêng bơh ndruyh neh, ăt janh ngơi đah Kôranh Brah:

Nau Ntơm 2:7

Rnôk nây, Yêhôva Brah Ndu sŏk ndruyh neh mon jêng rup bunuyh, khôm n'hâm nau rêh tâm trôm muh, pôri bunuyh plơ̆ jêng huêng rêh.

Nau Ntơm 23:4

“Gâp knŏng jêng du huê bunuyh bu năch rêh ta nklang phung khân may; dăn khân may ăn ma gâp du ntŭk ƀư môch tâm n'gor bri khân may, gay ma gâp dơi tâp drô ur gâp.”

Nau Ntơm 3:18

Neh mra hon tơm lok jêh ri rtao lok, Jêh ri may mra sa n'ha trau tâm mir lŏ.

Nau Ntơm 5:5

Pôri Y-Ađam dơi rêh sĭn rhiăng pe jât năm, jêh nây păng khĭt.

Ndrom Samƀŭt bơh Yôp 1:21

jêh ri lah: “Gâp rah rhôk luh bơh ndŭl me Gâp mra plơ̆ sĭt rah rhôk tay đŏng; Brah Yêhôva hŏ ăn jêh, Brah Yêhôva plơ̆ sŏk sĭt tay; Khư tâm rnê amoh Brah Yêhôva!”

Ndrom Samƀŭt bơh Yôp 10:9

Dăn Kôranh Brah kah gĭt pô aơ May hŏ rli mon gâp bơh neh uk; Mâm aƀaơ May ŭch mplơ̆ tay gâp sĭt ma ndruyh neh?

Ndrom Samƀŭt bơh Yôp 19:26

Nđâp lah ntâu puăch gâp lĕ rai, Tâm săk jăn aơ gâp hôm saơ Brah Ndu;

Ndrom Samƀŭt bơh Yôp 21:26

Lĕ bar hê bê̆ch tâm ndruyh neh da dê, Ndrĭt rhai nkŭm kđôi.

Ndrom Samƀŭt bơh Yôp 34:15

Pôri lĕ rngôch phung nglay săk mra khĭt ndrel, Jêh ri kon bunuyh plơ̆ sĭt ma ndruyh neh.

Ndrom Samƀŭt bơh Yôp 4:19

N'hơn lah phung gŭ tâm chuanh neh uk, Ndâk njêng mbon klơ ndruyh neh, Bu jot plên nâm bu mpôl nchiăr reh!

Nau Mprơ Ơm 103:14

Yorlah Păng gĭt mbă ndơ bu njêng he; Păng kah gĭt he jêng bơh ndruyh neh.

Nau Mprơ Ơm 104:23

Rnôk nây kon bunuyh hăn pah kan Jêh ri ƀư kŏ tât măng trôk.

Nau Mprơ Ơm 104:29

Ƀiălah tơlah May pôn măt, khân păng krit ngăn, May sŏk lơi n'hâm khân păng, khân păng khĭt Jêh ri plơ̆ sĭt ma ndruyh neh.

Nau Mprơ Ơm 127:2

Dơm dam ngăn yơh ma nơm rngeh măng dâk ơm, Jêh ri sa ƀănh hŏt rgănh. Tâm ban lĕ Brah Ndu ăn đŏng nau hăk bê̆ch. Ma phung Păng rŏng nâm bu pônây.

Nau Mprơ Ơm 22:15

N'hâm suan gâp sơh kro tâm ban ma neh bŏk pêt Jêh ri mpiăt gâp krêp ta trô ko; May dơm gâp bê̆ch tâm neh muy nau khĭt.

Nau Mprơ Ơm 22:29

Lĕ rngôch bunuyh ndrŏng ta neh ntu mra sông sa jêh ri mra yơk mbah; Lĕ rngôch phung plơ̆ sĭt tâm neh muy, Jêh ri phung mâu hôm dơi prăp nau rêh păng nơm, Mra chon mon tanăp Păng da dê.

Nau Mprơ Ơm 90:3

May ăn kon bunuyh plơ̆ ma ndruyh neh Jêh ri lah pô aơ: “Ơ phung kon bunuyh, plơ̆ sĭt hom ma ndruyh neh.”

Nau Hôr 21:16

Bunuyh vĭ nhhơt bơh trong gĭt mĭn Mra gŭ tâm mpôl phung khĭt.

Nơm Nti 1:13

Gâp joi gĭt lĕ nuih n'hâm jêh ri dŏng nau blau mĭn gâp nơm gay sek uănh lĕ rngôch kan tât geh tâm dâng trôk. Nây jêng nau kan hŏt rgănh Brah Ndu hŏ jao ăn ma kon bunuyh rvê ƀư.

Nơm Nti 1:3

Kon bunuyh moh ndơ khlay Dôl kan hŏt rơah tâm dâng nar?

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Nơm Nti 3:20

Lĕ rngôch nsum du ntŭk da dê; lĕ rngôch luh bơh ndruyh neh, lĕ rngôch mra plơ̆ sĭt ma ndruyh neh.

Nơm Nti 5:15

Dôl luh bơh ndŭl mê̆ mâm nau păng săk hưl Ăt mra luh hăn tâm ban pônây lĕ; Dôl hăn luh tâm ti păng mâu djôt leo du ntil ndơ ôh Tă bơh nau kan hŏt r'ah păng.

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

I Kôrintô 15:47

Bunuyh lor lơn luh tă bơh neh jêng ndơ neh ntu; bunuyh rơh bar luh tă bơh trôk.

Êphêsô 4:28

Nơm vay ntŭng, lơi hôm ntŭng ôh; ƀiălah ueh lơn srôih, sŏk ti păng nơm ƀư nau sŏng srăng, gay sâm kơl ma bunuyh pưt kƀah.

I Têsalônik 2:9

Hơi phung oh nâu, nanê̆ khân may hôm kah gĭt ma nau jâk jêr jêh ri nau dŭt hŏt hên; tâm dôl mbơh nkoch Nau Mhe Mhan Ueh Brah Ndu ma khân may, hên pah kan măng nâm nar gay mâu ăn jêng nau jâk ôh ma du huê tâm phung khân may.

II Têsalônik 3:10

Tâm dôl hên gŭ ndrel khân may, hên đă jêh khân may pô aơ: Tơlah mbu nơm mâu ŭch pah kan, lơi ăn păng sa.

ហេឞ្រើ 9:27

Tĭng nâm bu hŏ nal jêh ma kon bunuyh mra khĭt du tơ̆, jêh nây dơn nau phat dôih.