Nau Ntơm 3:16 - Nau Brah Ndu Ngơi 2023

¹⁶ Brah Ndu lah ma bu ur: “Gâp mra ntop n'hao âk nau rgănh dôl ay ntreo, Jêh ri ntop âk nau ji ăp tơ̆ dôl ay deh kon. Ƀiălah, ay hôm ŭch rêh êp sai ay, Jêh ri sai ay mra chiă uănh ay.”

Bunong Bible Latin Script Cambodian dialect

¹⁶ Jêh ri Brah Yêhôva lah ma bu ur i nây đŏng: “Dôl ay gŭ oh Gâp ăn ay geh nau jêr hô rlao jât Ay geh nau ji ndŭl hô ngăn ro Nuih n'hâm ay mra ŭch ngăn mât bôk sai ay Tih ma sai ay mât bôk ay”.

Bunong

¹⁶ ជេសរី​ឞ្រាស​យេហោវា  ​លាស​មា​ឞូ​អូរ​អី​នៃ​ដ៝ង់៖ “ទោល​អៃ​គុ​អ៝ស​គ៝ប់​អ៝ន់​អៃ​គែស​នាវ​ជេរ​ហោ​រាលាវ​ជឹត អៃ​គែស​នាវ​ជី​នទុល​ហោ​ងាន់​រ៝ នូយ្ស​នហ៝ម់​អៃ​មរា​អុច​ងាន់​ម៝ត់​ឞោក​ឆាយ​អៃ តីស​មា​ឆាយ​អៃ​ម៝ត់​ឞោក​អៃ”។

Nau Ntơm 3:16 ပူးပေါင်းရင်းမြစ်များ

Nau Ntơm 4:7

Tơlah may ƀư nau ueh mâu hĕ Gâp dơn ndơ may? Tơlah may mâu ƀư ôh nau ueh nau tih gŭ kâp may tanăp bôk mpông, păng ŭch may ngăn; ƀiălah ăn may mât uănh păng.”

I Nau Rêh Jêng 4:9

Y-Jabes geh nau bu yơk lơn ma phung oh nâu păng; mê̆ păng ntơ amoh păng jêng Y-Jabes, yorlah pô aơ: “Gâp deh ma păng đah nau rêh ni.”

Êsther 1:20

Tơlah hađăch njuăl samƀŭt ntrŭnh nau ăn ma bu mbơh jêh lam ƀon bri hađăch toyh păng, lĕ rngôch bu ur mra yơk ma sai khân păng, ntơm bơh bunuyh toyh lư tât ma bunuyh jê̆ rhên.”

Nau Mprơ Ơm 48:6

Nau râm sâr văch tât nchueng khân păng. Khân păng geh nau ji ngăn tâm ban ma bu ur dôl ji deh.

Êsai 13:8

Khân păng mra râm nsâr. Nau ji ktang jêh ri nau rngot mra tât ma khân păng; Khân păng mra ji tâm ban ma nau ji rngot klâng bu ur dôl deh kon. Khân păng mra tâm uănh ndrăng khân păng nơm ma nau klach, Muh măt khân păng chăng tâm ban ma ŭnh!

Êsai 21:3

Yor nây, bŭt gâp ji ngăn, Nau ji kruăn rêt nhŭp gâp Tâm ban ma nau ji kruăn rêt du huê bu ur me dôl deh kon. Nau ji gâp anh ƀư ăn ma gâp mâu dơi tăng ôh, Nau klach krit ƀư ma gâp mâu dơi saơ!

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Yêrêmi 13:21

Moh nau may lah dôl phung bunuyh may ntĭm nti Jêh ri ƀư mĭt jiăng đah may Dơi ndâk hao chiă uănh may? May mâu saơ hĕ nau ji kruăt rêt Nâm bu ur ji ngăn dôl deh kon hĕ?

Yêrêmi 22:23

May jêng nơm gŭ ta nklang bri Liban Gŭ đăp mpăn tâm lĕ ngih toyh ma tơm si sêdar, Dôl nau ji tât ta may, may mra rđêng nđor, Ji kruăt nâm bu du huê bu ur dôl deh kon!”

Yêrêmi 4:31

Yorlah gâp tăng bâr lŭng nter nâm bu bâr bu ur ntơm ji deh, Bâr rđêng nâm bu bâr du huê bu ur deh kon dak bôk. Nây jêng bâr kon bu ur Siôn nsôr nthôk nthơk Jêh ri laih ti vơl nhĭm: “Rêh ni ăn gâp! Gâp khĭt huăr tanăp măt phung nkhĭt bunuyh!”

Yêrêmi 49:24

Ƀon Damas hŏ râm nsâr jêh, ndôn kơi nchuăt du, Nau klach krit chiă uănh păng; Păng rngot rvê nđêh nji, Nâm bu du huê bu ur veng deh.

Yêrêmi 6:24

Tăng lư nau nây, Ti jâng hên hươi ra ai ngăn, Nau klach krit rêt nâp phung hên, Ƀư ma hên ji kruăn rêt nâm bu ur ji deh.

Nau Kơp Bunuyh 30:13

Ƀiălah tơlah sai păng tăng gĭt jêh ri chalơi nau ton nây, pôri lĕ nau ton jêh ri tâm ton tă bơh trôm mbung păng hŏ ngơi jêh mâu mra hôm e ôh. Yorlah sai păng hŏ chalơi jêh lĕ nau nây, pôri Brah Yêhôva mra yô̆ an ma păng.

Yôhan 16:21

Bu ur dôl deh kon geh nau ji glăm, yorlah mông păng nơm tât jêh, ƀiălah dôl păng deh kon jêh, păng mâu hôm kah gĭt ôh nau ji glăm, ƀiălah păng răm, yorlah du huê bunuyh hŏ deh jêh tâm neh ntu.

I Kôrintô 11:3

Ƀiălah, gâp ŭch ăn khân may gĭt pô aơ: Brah Krist jêng bôk ma bu klâu, bu klâu jêng bôk ma bu ur, jêh ri Brah Ndu jêng bôk ma Brah Krist.

I Kôrintô 14:34

ăn phung bu ur djôt prăp nau gŭ rklăk tâm Phung Ngih Brah Ndu. Khân păng mâu dơi vay ngơi ôh, ƀiălah ăn khân păng tông tâm ban nau vay hŏ nti jêh.

I Kôrintô 7:4

Ur mâu geh nau dơi ma săk jăn păng nơm, ƀiălah jêng sai păng; sai mâu đŏng geh nau dơi ma săk jăn păng nơm, ƀiălah jêng ur păng.

Kôlôh 3:18

Hơi phung jêng ur, tông hom ma sai khân ay nơm, kơt nĕ mơ tâm di jêng bunuyh gŭ tâm Kôranh Brah.

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

I Timôthê 2:13

Yorlah Brah Ndu njêng Y-Ađam lor, jêh ri H'Êva pakơi;

I Timôthê 2:15

Nđâp lah pônây, phung bu ur mra geh nau rklaih tâm nôk deh kon, tơlah khân păng gŭ rêh sŏng tâm nau chroh, tâm nau rŏng, jêh ri tâm nau kloh ueh.

Titus 2:5

di keh, kloh nglang, blau pah kan tâm ngih vâl, geh nuih n'hâm ueh, blau tông ma sai khân păng, gay nau chroh ma Brah Ndu mâu geh ôh bu ngơi djơh.