Nau Ntơm 29:1 - Nau Brah Ndu Ngơi 2023

¹ Y-Yakôb dâk hăn tât ta n'gor phung ƀon lan mpeh Lur Nar.

Bunong Bible Latin Script Cambodian dialect

¹ Jêh ri Yakôp dâk hăn, păng hăn tât ta bri phung bunuyh gŭ mpeh bơh lôh nar.

Bunong

¹ ជេសរី​យាកោប​ទ៝ក់​ហាន់ ពាង់​ហាន់​ត៝ត់​តា​ឞ្រី​ផូង​ឞូនុយ្ស​គុ​មពែស​ឞើស​លោស​នារ។

Nau Ntơm 29:1 ပူးပေါင်းရင်းမြစ်များ

Nau Ntơm 24:10

Nơm oh mon nây săch jât mlâm seh samô tâm phung seh kôranh păng jêh ri hăn trong, djôt leo ndrel lĕ ndơ khlay bơh ti kôranh păng ăn. Păng hăn tât ta n'gor Mêsôpôtami, lăp ta ƀon Y-Nahôr.

Nau Ntơm 25:20

Nôk păng geh puăn jât năm, Y-Isăk nđăp H'Rêbêka, kon bu ur Y-Bêthuel jêh ri jêng oh bu ur Y-Laban, jêng phung Aram da dê, tâm n'gor Padan Aram.

Nau Ntơm 25:6

Ƀiălah nôk păng hôm e rêh, Y-Abraham ăn drăp ndơ ma kon ur yông păng jêh ri lah ma khân păng hăn gŭ tâm nkual neh mpeh luh nar, ngai bơh Y-Isăk jêng kon ur tơm.

Nau Ntơm 35:1

Brah Ndu lah ma Y-Yakôb: “Hăn gơnh hao ta ƀon Bêthel jêh ri gŭ ta nây. Rdâk đŏng ta nây du nơng ƀư brah ma Brah Ndu, Nơm hŏ tâm mpơl jêh ma may rnôk may nchuăt du bơh nâu may jêng Y-Êsau.”

Nau Ntơm 35:7

Păng ndâk ta nây du mlâm nơng ƀư brah jêh ri ntơ ntŭk nây jêng Êl Bêthel, yorlah ta nây Brah Ndu tâm mpơl jêh ma păng dôl păng nchuăt du bơh nâu păng.

I Phung Hađăch 4:30

Nau gĭt mĭn Y-Salômôn rlau lơn nau gĭt mĭn lĕ rngôch bunuyh gŭ ta mpeh Luh Nar, jêh ri rlau lơn lĕ rngôch nau gĭt mĭn ta Êjipt.

Nau Mprơ Ơm 119:32

Dôl May pơk huy nuih n'hâm gâp, Gâp mra nchuăt tâm trong nau vay May ntăm.

Nau Mprơ Ơm 119:60

Gâp ndal, mâu mbrĕ mbrơi ôh, Gay djôt prăp lĕ nau vay May ntăm.

Nơm Nti 9:7

Pônây, sông sa hom ma nau maak jêh ri nhêt ndrănh ndrel nuih răm rhơn, yorlah Brah Ndu hŏ dơn jêh lĕ ma nau may ƀư.

Ndrom Samƀŭt bơh Ôsê 12:12

Gilêat bêng nau djơh mhĭk, N'hêl nanê̆ khân păng mra jêng dơm dam. Khân păng nhhơr ƀư brah ma ndrôk nkuăng tâm ƀon Gilgal, Lĕ nơng ƀư brah khân păng nâm bu bun lŭ Ta lĕ mbor chuar tâm mir.

Nau Kơp Bunuyh 23:7

Y-Balaam lah nau mbơh lor pô aơ: “Y-Balak, hađăch n'gor Môap, jă gâp văch tă bơh n'gor Aram, Tă bơh klơ dor yôk mpeh luh nar, jêh ri lah: ‘Văch rtăp hom ma phung Yakôb! Văch hom, ngơi mhĭk ma phung Israel!’

Phung Kôranh Phat Dôih 6:3

Ăp tơ̆ phung Israel srih ntil, phung Madian, phung Amalek, jêh ri phung mpeh Luh Nar hăn hao rduh lơh phung Israel.

Phung Kôranh Phat Dôih 6:33

Lĕ rngôch phung Madian, phung Amalek, jêh ri phung mpeh Luh Nar tâm rnglăp ndrel, rgăn dak krong Yurdan jêh ri ƀư ntŭk rmlak tâm rlŭng Jesrêel.

Phung Kôranh Phat Dôih 7:12

Phung Madian, phung Amalek, jêh ri lĕ rngôch phung ƀon lan tâm ntŭk Luh Nar ndâk ngih bok bêng tâm rlŭng, âk nâm bu krah ndrach; bi seh samô khân păng âk kŏ tât mâu dơi kơp ôh, nâm bu choih ta kơh dak mƀŭt.

Phung Kôranh Phat Dôih 8:10

Nôk nây, Y-Sêba jêh ri Y-Salmuna gŭ ta Karkor ndrel ma phung tahan khân păng, geh klăp lah tâm du rmưn prăm rbăn nuyh, jêng rnoh phung tahan hôm klen bơh phung ƀon lan mpeh Luh Nar; yorlah du rsen bar rmưn bunuyh blau djôt đao hŏ khĭt jêh.