Nau Ntơm 28:21 - Nau Brah Ndu Ngơi 2023

²¹ jêh ri ăn ma gâp geh nau đăp mpăn plơ̆ sĭt ma ngih mbơ̆ gâp, pôri Brah Yêhôva mra jêng Brah Ndu gâp.

Bunong Bible Latin Script Cambodian dialect

²¹ ăn gâp plơ̆ sât tât ta jay bơ̆ gâp đăp mpăn, lah ndri gâp mra yơk mbah ma Brah Yêhôva ngăn ro.

Bunong

²¹ អ៝ន់​គ៝ប់​ព្លឹ​ឆឹត​ត៝ត់​តា​ជៃ​ឞឹ​គ៝ប់​ដាប់​មពាន់ លាស​នទ្រី​គ៝ប់​មរា​យើក​មឞាស​មា​ឞ្រាស​យេហោវា​ងាន់​រ៝។

Nau Ntơm 28:21 ပူးပေါင်းရင်းမြစ်များ

II Samuel 15:8

Yorlah dôl gâp gŭ ta n'gor Gêsur tâm n'gor Aram, oh mon hađăch ƀư jêh nau ton pô aơ: ‘Tơlah Brah Yêhôva djôt leo gâp plơ̆ sĭt ma ƀon Yêrusalem, rnôk nây gâp mra pah kan Brah Yêhôva.’”

II Samuel 19:24

Y-Mêphibôset, kon Y-Sôl, tâm ban đŏng hăn trŭnh chuă vơt hađăch. Păng mâu geh rao jâng ôh, mâu lĕ kreh têp, jêh ri mâu lah pih kho ao păng, ntơm bơh nar hađăch luh hăn kŏ tât nar păng plơ̆ sĭt ma nau đăp mpăn.

II Samuel 19:30

Y-Mêphibôset lah ma hađăch: “Ơ, ăn Y-Siba sŏk lĕ rngôch, yorlah hađăch jêng kôranh gâp hŏ plơ̆ sĭt jêh ma nau đăp mpăn jêng ueh ngăn.”

II Phung Hađăch 5:17

Nglĕ dŭt, Y-Naaman lah: “Tơlah may dun, dăn ma may ăn ma oh mon may djôt neh di ma suan bar mlâm seh bri dơi rdeng. Yorlah ntơm bơh aƀaơ, oh mon may mâu mra hôm ôh nhhơr ndơ ƀư brah gŭch jêh ri mpa ƀư brah ma brah êng ôh, ƀiălah knŏng ma Brah Yêhôva.

I Nau Rêh Jêng 4:10

Y-Jabes kuăl mbơh sơm ma Brah Ndu Israel, lah pô aơ: “Ơ, dăn Kôranh Brah ăn nau ueh uĭn lăng âk ngăn ma kon, pơk an huy n'har bri gâp. Dăn ti Kôranh Brah sâm kơl gâp, king gâp bơh lĕ rngôch nau mhĭk, gay ma gâp klaih bơh nau rêh ni!” Brah Ndu ăn ma păng di ngăn nau păng mbơh sơm dăn jêh.

Nau Ngluh Êjipt 15:2

Brah Yêhôva jêng nau dăng jêh ri jêng nau gâp mprơ: Păng jêng Nơm tâm rklaih gâp. Păng jêng Brah Ndu gâp, gâp tâm rnê ma Păng; Jêng Brah Ndu chô yau gâp, gâp yơk mbah ma Păng.

Nau Vay Nkah Tay 26:17

Nar aơ, khân may dơn jêh Brah Yêhôva jêng Brah Ndu khân may, khân may mra hăn tâm trong Păng, jêh ri mât mray lĕ nau vay Păng dăp, nau vay Păng ntăm jêh ri nau vay Păng ƀư, jêh ri tông bâr Păng.

Phung Kôranh Phat Dôih 11:31

ăp bunuyh mâu lah moh ndơ du luh bơh mpông ngih gâp lor lơn gay tâm mâp gâp, pôri bunuyh mâu lah ndơ nây mra jêng ndơ Brah Yêhôva, jêh ri gâp mra nhhơr păng jêng ndơ ƀư brah gŭch.”