Nau Ntơm 28:20 - Nau Brah Ndu Ngơi 2023

²⁰ Y-Yakôb ƀư nau ton pô aơ: “Tơlah Brah Ndu gŭ ndrel ma gâp, mât mray gâp tâm nôk gâp hăn nsong jêh ri ăn piăng let, kho ao ma gâp nsoh,

Bunong Bible Latin Script Cambodian dialect

²⁰ Jêh ri Yakôp ton, păng lah: “Lah Kôranh Brah gŭ ndrel gâp, mât njrăng gâp rŏ trong gâp hăn dja, ăn piăng trao ma gâp, ndrel ma ăn bok n'gut ao nsoh ma gâp,

Bunong

²⁰ ជេសរី​យាកោប​ត៝ន ពាង់​លាស៖ “លាស​កោរាញ​ឞ្រាស​គុ​នទ្រែល​គ៝ប់ ម៝ត់​ញជ្រាង់​គ៝ប់​រ៝ៈ​ត្រ៝ង​គ៝ប់​ហាន់​អ្យា អ៝ន់​ព្យាង់​ត្រាវ​មា​គ៝ប់ នទ្រែល​មា​អ៝ន់​ឞ៝ក​ងគូត​អាវ​ញឆ៝ស​មា​គ៝ប់‌

Nau Ntơm 28:20 ပူးပေါင်းရင်းမြစ်များ

Nau Ntơm 28:15

Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

Nau Ntơm 31:13

Gâp jêng Brah Ndu ta Bêthel, ntŭk kon nkhŭt dak ngi ta klơ n'gâng lŭ jêh ri ƀư jêh nau ton ma Gâp. Aƀaơ, dâk hom may, luh bơh n'gor aơ jêh ri sĭt ta n'gor bu deh may.’”

Nau Ntơm 35:3

He ndrăp hom hăn hao ta Bêthel. Gâp mra ndâk du nơng ƀư brah ma Brah Ndu, jêng Nơm hŏ dơn jêh nau gâp tâm nar gâp uh ah, jêh ri kâp kơl gâp tâm ăp trong gâp sak nsong.”

II Samuel 15:8

Yorlah dôl gâp gŭ ta n'gor Gêsur tâm n'gor Aram, oh mon hađăch ƀư jêh nau ton pô aơ: ‘Tơlah Brah Yêhôva djôt leo gâp plơ̆ sĭt ma ƀon Yêrusalem, rnôk nây gâp mra pah kan Brah Yêhôva.’”

I Nau Rêh Jêng 4:10

Y-Jabes kuăl mbơh sơm ma Brah Ndu Israel, lah pô aơ: “Ơ, dăn Kôranh Brah ăn nau ueh uĭn lăng âk ngăn ma kon, pơk an huy n'har bri gâp. Dăn ti Kôranh Brah sâm kơl gâp, king gâp bơh lĕ rngôch nau mhĭk, gay ma gâp klaih bơh nau rêh ni!” Brah Ndu ăn ma păng di ngăn nau păng mbơh sơm dăn jêh.

Nau Mprơ Ơm 116:14

Gâp mra tâm lĕ nau gâp ton ma Brah Yêhôva, Tanăp lĕ rngôch phung ƀon lan Păng.

Nau Mprơ Ơm 116:18

Gâp mra ƀư rĭng lĕ nau gâp ton ma Brah Yêhôva, Tanăp lĕ rngôch phung ƀon lan Păng,

Nau Mprơ Ơm 119:106

Gâp hŏ sơm ton jêh ri ton nanê̆ pô aơ, Gâp mra djôt prăp lĕ nau vay May ƀư jêng sŏng srăng.

Nau Mprơ Ơm 132:2

Păng sân săk ma Brah Yêhôva Jêh ri ton đah Nơm Geh Lĕ Nau Brah Yakôb:

Nau Mprơ Ơm 22:25

Nau gâp tâm rnê gŭ ta nklang phung tâm rƀŭn toyh luh tă bơh Kôranh Brah; Gâp mra ƀư ăn jêh nau gâp ton tanăp phung klach yơk ma Păng.

Nau Mprơ Ơm 56:12

Ơ Brah Ndu, gâp mra ƀư lĕ nau gâp ton đah May; Gâp mra nhhơr ndơ ƀư brah tâm rnê lah ueh ma May.

Nau Mprơ Ơm 61:5

Ơ Brah Ndu, May tăng jêh nau gâp ton, Ăn ma gâp drăp ndơn ma phung klach yơk ma amoh May.

Nau Mprơ Ơm 61:8

Pônây gâp mra mprơ tâm rnê ma amoh May ƀaƀơ n'ho ro. Jêh ri ăp nar ƀư ăn nŭm lĕ nau gâp ton.

Nau Mprơ Ơm 66:13

Gâp mra djôt ndơ ƀư brah gŭch lăp tâm ngih May, Ƀư lĕ nau gâp ton jêh ma May,

Nau Mprơ Ơm 76:11

Ton hom ma Brah Yêhôva Brah Ndu, Jêh ri ƀư nau khân may ton jêh ma Păng. Lĕ rngôch bunuyh gŭ văr jŭm Păng Djôt hom ndơ nhhơr ma Nơm khư bu klach.

Êsai 19:21

Brah Yêhôva mra ƀư ma phung Êjipt gĭt năl Păng; jêh ri tâm nar nây, phung Êjipt mra gĭt năl Brah Yêhôva. Khân păng mra nhhơr mpa ƀư brah jêh ri ndơ ƀư brah gay yơk mbah ma Păng; khân păng mra ton ma Brah Yêhôva jêh ri ƀư nanê̆ ngăn nau nây.

Yôhan 1:16

Jêh ri tâm Păng jêng tu nau rmeh ler, lĕ rngôch phung he sŏk dơn nau yô̆ da dê, lơ hâu ntop nau yô̆.

Kôranh Oh Mon 18:18

Y-Pôl gŭ jŏ nar ta ƀon Kôrintô, jêh ri tâm nkhah đah phung oh nâu, ncho kumpăn hăn ta n'gor Siri ndrel ma H'Phrisil jêh ri Y-Akilas. Ta ƀon Senkrê, Păng poih lĕ sŏk păng yorlah păng geh nau ton jêh.

I Timôthê 6:8

yor ri, geh ndơ sông sa, bok ao nsoh, nuih n'hâm maak.

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”

I Samuel 1:28

Yor ri, gâp nhhơr păng ma Brah Yêhôva; păng jêng ndơ Brah Yêhôva lôch nau rêh păng.” Jêh nây kon se jê̆ Y-Samuel yơk mbah Brah Yêhôva ta nây.

I Samuel 14:24

Tâm nar nây lĕ, phung Israel hŏ huăr ngăn jêh yorlah Y-Sôl sơm ton ma phung ƀon lan pô aơ: “Geh nau rak rtăp ma mbu moh sông sa du ntil ndơ lor tơlah ê-hŏ nhâp nar, nâm bu ntĭt lor gâp plơng har lôch jêh ma phung rlăng gâp!” Yor ri, lĕ rngôch phung ƀon lan mâu nănh sông sa nhêt du ntil ndơ ôh.