Nau Ntơm 28:19 - Nau Brah Ndu Ngơi 2023

¹⁹ Păng rnha ntŭk nây Bêthel; saơm ri ƀon nây bu rnha Lus.

Bunong Bible Latin Script Cambodian dialect

¹⁹ Păng tê̆ rnha ntŭk nây «Ƀêtel», geh nau khlay lah «Jay Kôranh Brah». Bơh ntơm nơh bu kuăl ntŭk nây rnha «Luh».

Bunong

¹⁹ ពាង់​តេៈ​រាញា​នតុក​នៃ «បេតអែល» គែស​នាវ​ខ្លៃ​លាស​«ជៃ​កោរាញ​ឞ្រាស»។ ឞើស​នតើម​នើស​ឞូ​ក្វាល់​នតុក​នៃ​រាញា «លុស»។

Nau Ntơm 28:19 ပူးပေါင်းရင်းမြစ်များ

Nau Ntơm 12:8

Bơh ntŭk nây, păng hăn tât ta nkual klơ dor yôk mpeh luh nar Bêthel, jêh nây ndâk ngih bok ta vah vang Bêthel mpeh nhâp nar, jêh ri Ai mpeh luh nar. Păng ndâk đŏng ta nây du mlâm nơng ƀư brah ăn ma Brah Yêhôva jêh ri kuăl mbơh sơm ma amoh Brah Yêhôva.

Nau Ntơm 28:11

Păng tât ta du ntŭk ri jêh ri bê̆ch măng ta nây yorlah nar nhâp jêh. Păng sŏk du mlâm lŭ gay dâm bôk jêh ri lâng săk bê̆ch ta nây.

Nau Ntơm 31:13

Gâp jêng Brah Ndu ta Bêthel, ntŭk kon nkhŭt dak ngi ta klơ n'gâng lŭ jêh ri ƀư jêh nau ton ma Gâp. Aƀaơ, dâk hom may, luh bơh n'gor aơ jêh ri sĭt ta n'gor bu deh may.’”

Nau Ntơm 35:1

Brah Ndu lah ma Y-Yakôb: “Hăn gơnh hao ta ƀon Bêthel jêh ri gŭ ta nây. Rdâk đŏng ta nây du nơng ƀư brah ma Brah Ndu, Nơm hŏ tâm mpơl jêh ma may rnôk may nchuăt du bơh nâu may jêng Y-Êsau.”

Nau Ntơm 35:14

Y-Yakôb ndâk du n'gâng lŭ ta ntŭk Brah Ndu hŏ ngơi jêh đah păng, ƀư ndơ nhhơr nhêt jêh ri nkhŭt dak ngi klơ nây.

Nau Ntơm 35:15

Pôri Y-Yakôb rnha ntŭk Brah Ndu ngơi jêh đah păng jêng Bêthel.

Nau Ntơm 35:6

Y-Yakôb jêh ri lĕ phung hăn tĭng păng tât ta Lus (jêng ƀon Bêthel), tâm n'gor Kanaan.

Nau Ntơm 35:7

Păng ndâk ta nây du mlâm nơng ƀư brah jêh ri ntơ ntŭk nây jêng Êl Bêthel, yorlah ta nây Brah Ndu tâm mpơl jêh ma păng dôl păng nchuăt du bơh nâu păng.

Nau Ntơm 48:3

Y-Yakôb lah ma Y-Yôsep: “Brah Ndu Geh Lĕ Nau Brah tâm mpơl jêh ri ăn nau ueh uĭn ma gâp ta Lus, tâm n'gor Kanaan.

I Phung Hađăch 12:29

Hađăch dơm du mlâm rup ndrôk kon tâm Bêthel, hôm du mlâm rup ri dơm tâm Dan.

II Phung Hađăch 2:2

Y-Êli lah ma Y-Êlisê: “Gŭ hom ta aơ, yorlah Brah Yêhôva prơh gâp hăn tât ma Bêthel.” Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng jêh ri sŏk amoh nau rêh may gay sơm ton, gâp mâu du tă bơh may ôh.” Pôri, khân păng hăn trŭnh ma Bêthel.

II Nau Rêh Jêng 13:19

Y-Abija tĭng rgot Y-Jêrôbôam jêh ri pit in âk rplay ƀon: Bêthel jêh ri lĕ ƀon jê̆, Jêsana jêh ri lĕ ƀon jê̆, Ephrôn jêh ri lĕ ƀon jê̆ văr jŭm.

Ndrom Samƀŭt bơh Ôsê 4:15

Hơi phung Israel, nđâp lah khân may ƀư nau ka n'hong, Mâu lĕ ăn phung Yuđa ƀư tih ôh! Pôri lơi ta lăp ôh ta ƀon Gilgal! Lơi ta hao ma ƀon Bet-Aven! Lơi ta sơm ton tâm amoh ‘Brah Yêhôva gŭ rêh mro mrăng’.

Yôsuê 16:2

N'har hăn bơh Bêthel tât ma Lus, hăn rgăn n'gor neh phung Arkit ta Atarôt,

Yôsuê 18:13

Tă bơh nây, n'har hăn sŏng tât ma mpeh pa dâng Lus, geh đŏng rnha jêng Bêthel, jêh nây hăn trŭnh ma Atarôt-Adar ta klơ gôl yôk mpeh pa dâng rđŭng Bet-Hôron.

Yôsuê 8:12

Y-Yôsuê djôt leo klăp lah tâm prăm rbăn bunuyh tahan gŭ kâp dâp vah vang Bêthel đah Ai, mpeh nhâp nar ma ƀon.

Phung Kôranh Phat Dôih 20:26

Rnôk nây, lĕ rngôch phung ƀon lan Israel hăn hao ma Bêthel, gŭ dâk ta nây jêh ri nhĭm tanăp Brah Yêhôva. Khân păng ât sông sa tâm nar nây kŏ tât kêng măng jêh ri nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Yêhôva.

I Samuel 10:3

Tă bơh ntŭk nây may mra hăn ngai lơn, tât ta tơm si guyh ta Tabor, may mra tâm mâp đah pe nuyh bu klâu hăn hao yơk mbah ma Brah Ndu ta Bêthel: du huê bunuyh djôt pe mlâm be kon, du huê bunuyh djôt pe glo piăng let, jêh ri bunuyh tal pe djôt du nông ntâu ndrănh.

I Samuel 7:16

Ăp năm păng hăn nsong ma Bêthel, Gilgal, Mispa jêh ri phat dôih phung Israel tâm lĕ rngôch ƀon toyh nây.