Nau Ntơm 28:18 - Nau Brah Ndu Ngơi 2023

¹⁸ Ang ôi taơ, Y-Yakôb dâk ơm ôi, păng sŏk du mlâm lŭ dâm bôk păng nơm ndâk ƀư meh jêh ri nkhŭt dak ngi ta klơ meh nây.

Bunong Bible Latin Script Cambodian dialect

¹⁸ Yakôp dâk ơm ôi, păng sŏ lŭ i pre dŏm bôk ri nơh păng rdŏk jan n'gŏng ta ri, jan ndơ gĭt năl geh Kôranh Brah gŭ, jêh ri păng tŏ dak ngi bơh lơ ri.

Bunong

¹⁸ យាកោប​ទ៝ក់​អើម​អោយ ពាង់​ឆ៝ៈ​លុ​អី​ព្រែ​ទ៝ម់​ឞោក​រី​នើស​ពាង់​រាទ៝ក់​ជាន​ងគ៝ង់​តា​រី ជាន​នទើ​គឹត​នាល់​គែស​កោរាញ​ឞ្រាស​គុ ជេសរី​ពាង់​ត៝ៈ​ទាក​ងី​ឞើស​លើ​រី។

Nau Ntơm 28:18 ပူးပေါင်းရင်းမြစ်များ

Nau Ntơm 21:14

Ang ôi taơ, Y-Abraham dâk ơm ôi, sŏk piăng let jêh ri du nông dak ăn ma H'Agar. Păng dơm lĕ ntil ndơ nây ta klơ săng nglik H'Agar, ăn kon bu klâu ma păng jêh nây đă păng hăn. H'Agar hăn du, nsong blêng tâm bri rdah Bêr-Sêba.

Nau Ntơm 22:3

Y-Abraham dâk ơm ôi, păng dăp ưn seh bri păng jêh ri leo bar oh mon kơl kan nđâp ma kon păng Y-Isăk hăn ndrel. Păng chôk long gay dŏng sŭnh gŭch ndơ ƀư brah gŭch, jêh nây dâk hăn tât ta ntŭk Brah Ndu lĕ ntĭm jêh ma păng.

Nau Ntơm 28:11

Păng tât ta du ntŭk ri jêh ri bê̆ch măng ta nây yorlah nar nhâp jêh. Păng sŏk du mlâm lŭ gay dâm bôk jêh ri lâng săk bê̆ch ta nây.

Nau Ntơm 31:13

Gâp jêng Brah Ndu ta Bêthel, ntŭk kon nkhŭt dak ngi ta klơ n'gâng lŭ jêh ri ƀư jêh nau ton ma Gâp. Aƀaơ, dâk hom may, luh bơh n'gor aơ jêh ri sĭt ta n'gor bu deh may.’”

Nau Ntơm 31:45

Y-Yakôb sŏk du mlâm lŭ, rdâk jêng meh n'gâng;

Nau Ntơm 35:14

Y-Yakôb ndâk du n'gâng lŭ ta ntŭk Brah Ndu hŏ ngơi jêh đah păng, ƀư ndơ nhhơr nhêt jêh ri nkhŭt dak ngi klơ nây.

Nau Ntơm 35:20

Y-Yakôb ndâk du plơp lŭ môch; nây jêng du plơp lŭ môch H'Rachel hôm tât nar aơ.

II Samuel 18:18

Y-Apsalôm dôl hôm rêh, păng ndâk jêh ma păng nơm du mlâm gâng tâm rlŭng Ngih Hađăch nâm du ntŭk ndray ma păng nơm, yorlah păng lah: “Gâp mâu geh kon bu klâu thoi ma amoh gâp.” Jêh nây păng sŏk amoh păng nơm dơm ta gâng nây; gâng nây ăt hôm rnha jêng ntŭk ndray Y-Apsalôm kŏ tât ta nar aơ.

Nau Mprơ Ơm 119:60

Gâp ndal, mâu mbrĕ mbrơi ôh, Gay djôt prăp lĕ nau vay May ntăm.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsai 19:19

Tâm nar nây, mra geh du nơng ƀư brah prăp ma Brah Yêhôva ta nklang bri Êjipt, jêh ri du meh n'gâng prăp ma Brah Yêhôva ta n'har neh păng.

Nau Kơp Bunuyh 7:1

Tơlah hŏ ndâk jêh Ngih Bok, Y-Môis tŏ dak ƀâu kah jêh ri prăp êng ma nau kloh ueh lĕ rngôch ndơ dŏng Ngih Bok, tâm ban đŏng tŏ dak ƀâu kah jêh ri prăp êng ma nau kloh ueh nơng ƀư brah jêh ri lĕ rngôch ndơ dŏng ma nơng ƀư brah.

Yôsuê 4:9

Y-Yôsuê tâm ban đŏng ndâk jât ma bar mlâm lŭ tâm nklang dak krong Yurdan, ta ntŭk jâng phung kôranh ƀư brah tung Hip Nau Tâm Rnglăp hŏ dâk. Lĕ rplay lŭ nây ăt hôm gŭ ta nây kŏ tât ta nar aơ.

I Samuel 7:12

Nôk nây, Y-Samuel sŏk du mlâm lŭ dơm vah vang Mispa jêh ri Sen, ntơ amoh păng Êbenêser, yorlah păng lah: “Brah Yêhôva kơl tâm rklaih jêh he kŏ tât aƀaơ.”