Nau Ntơm 28:15 - Nau Brah Ndu Ngơi 2023

¹⁵ Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

Bunong Bible Latin Script Cambodian dialect

¹⁵ Gâp gŭ ndrel may, ah ntŭk may hăn Gâp mât njrăng may, ndrel ma leo may plơ̆ tay ta bri dja đŏng, Gâp mâu ôh mƀăr may, yorlah moh nau Gâp lĕ jêh ton ma may, Gâp jan ăn tât jêng ngăn ro”.

Bunong

¹⁵ គ៝ប់​គុ​នទ្រែល​មៃ អាស​នតុក​មៃ​ហាន់​គ៝ប់​ម៝ត់​ញជ្រាង់​មៃ នទ្រែល​មា​លែវ​មៃ​ព្លឹ​តៃ​តា​ឞ្រី​អ្យា​ដ៝ង់ គ៝ប់​មោ​អោស​មអារ់​មៃ យ៝រ​លាស​ម៝ស​នាវ​គ៝ប់​លែៈ​ជេស​ត៝ន​មា​មៃ គ៝ប់​ជាន​អ៝ន់​ត៝ត់​ជេង​ងាន់​រ៝”។

Nau Ntơm 28:15 ပူးပေါင်းရင်းမြစ်များ

Nau Ntơm 21:20

Brah Ndu gŭ ndrel ma kon se jê̆. Păng let ma toyh rêh tâm bri rdah jêh ri dơi jêng du huê bunuyh blau pănh na.

Nau Ntơm 26:24

Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!”

Nau Ntơm 26:3

Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

Nau Ntơm 30:25

Jêh H'Rachel deh Y-Yôsep, Y-Yakôb lah ma Y-Laban: “Dăn may ăn gâp hăn gay gâp dơi plơ̆ sĭt ta ƀon tơm gâp, tâm n'gor gâp.

Nau Ntơm 31:13

Gâp jêng Brah Ndu ta Bêthel, ntŭk kon nkhŭt dak ngi ta klơ n'gâng lŭ jêh ri ƀư jêh nau ton ma Gâp. Aƀaơ, dâk hom may, luh bơh n'gor aơ jêh ri sĭt ta n'gor bu deh may.’”

Nau Ntơm 31:3

Brah Yêhôva lah ma Y-Yakôb: “Sĭt hom ta n'gor phung che may jêh ri ma phung mpôl băl may. Gâp mra gŭ ndrel ma may.”

Nau Ntơm 31:5

jêh ri lah: “Gâp saơ mbơ̆ khân ay mâu hôm ôh rŏng ma gâp nâm bu kơt saơm; ƀiălah Brah Ndu mbơ̆ gâp hôm gŭ ndrel ma gâp.

Nau Ntơm 32:9

Y-Yakôb mbơh sơm: “Ơ Brah Ndu Y-Abraham, chô yau gâp! Brah Ndu Y-Isăk, mbơ̆ gâp! Ơ Brah Yêhôva, Nơm hŏ lah jêh ma gâp pô aơ: ‘Sĭt hom ma ƀon tơm may jêh ri ma phung mpôl băl may. Gâp mra ƀư ueh ma may.’

Nau Ntơm 35:3

He ndrăp hom hăn hao ta Bêthel. Gâp mra ndâk du nơng ƀư brah ma Brah Ndu, jêng Nơm hŏ dơn jêh nau gâp tâm nar gâp uh ah, jêh ri kâp kơl gâp tâm ăp trong gâp sak nsong.”

Nau Ntơm 39:2

Brah Yêhôva gŭ ndrel ma Y-Yôsep jêh ri păng dơi jêng tâm ngih kôranh păng, bunuyh Êjipt.

Nau Ntơm 39:21

Ƀiălah Brah Yêhôva kâp kơl ma Y-Yôsep. Păng mpơl nau ueh ma păng jêh ri ƀư ma păng geh nau yô̆ tanăp măt kôranh bu nă.

Nau Ntơm 46:4

Gâp mra hăn trŭnh ndrel ma may ta Êjipt, jêh ri Gâp mra leo may plơ̆ sĭt. Ti Y-Yôsep mra n'grêp măt may.”

Nau Ntơm 48:16

Jêng Tông Mpăr hŏ rklaih jêh gâp bơh lĕ nau mhĭk, Dăn Kôranh Brah ăn nau ueh uĭn ma bar hê kon se aơ, Ăn khân păng sŏk amoh gâp Jêh ri chô yau gâp jêng Y-Abraham jêh ri Y-Isăk. Ăn ma khân păng jêng bĭk rơ̆ âk râk klơ neh ntu!”

Nau Ntơm 48:21

Y-Israel lah tay ma Y-Yôsep: “Aơ, gâp dăch khĭt, ƀiălah Brah Ndu mra kâp kơl jêh ri njŭn leo đŏng khân may sĭt ta n'gor phung che khân may.

I Phung Hađăch 8:57

Dăn ma Yêhôva Brah Ndu he gŭ ndrel ma he, nâm bu Păng hŏ gŭ ndrel ma chô yau he; dăn Păng lơi dĭng chalơi mâu lah dun ôh ma he.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:7

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 91:11

Yorlah Păng mra ăn nau ntrŭnh ma phung tông mpăr Păng Mât mray may tâm lĕ trong may.

Nau Ngluh Êjipt 13:11

“Lah Brah Yêhôva hŏ njŭn jêh khân may lăp ta n'gor Kanaan, tâm ban Păng hŏ ton jêh ma khân may jêh ri chô yau khân may, jêh ri lah Păng hŏ ăn jêh n'gor nây ma khân may,

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Êsai 8:10

Tâm nchră hom ndrăng khân may, ƀiălah nau nây bu ƀư rai lơi; Mpơl hom nau dăp ƀư, ƀiălah nau nây mâu mra nâp ôh, Yorlah Brah Ndu gŭ ndrel he.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 16:15

Ƀiălah mra lah: ‘Tĭng nâm bu Brah Yêhôva gŭ rêh mro mrăng, jêng Nơm hŏ njŭn leo kon sau phung ƀon lan Israel plơ̆ sĭt tă bơh mpeh pa lơ jêh ri tă bơh lĕ rngôch bri dak khân păng bu hŏ mprơh tât.’ Yorlah Gâp mra njŭn tay khân păng plơ̆ sĭt ma bri Gâp hŏ ăn jêh ma phung chô yau khân păng.”

Kan Lêvi 26:42

Gâp mra kah gĭt tay nau tâm rnglăp hŏ ƀư jêh đah Y-Yakôb, Gâp mra kah gĭt tay nau tâm rnglăp hŏ ƀư jêh đah Y-Isăk, tâm ban đŏng ma nau tâm rnglăp đah Y-Abraham, jêh ri Gâp mra kah gĭt tay ma n'gor aơ.

Kan Lêvi 26:45

Ƀiălah yor ma khân păng, Gâp mra kah gĭt tay nau tâm rnglăp hŏ ƀư jêh đah phung chô yau khân păng jêng phung Gâp hŏ ngluh jêh luh bơh Êjipt tanăp măt phung ndŭl mpôl bunuyh gay ƀư Brah Ndu khân păng. Gâp jêng Brah Yêhôva.’”

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Nau Kơp Bunuyh 6:24

Dăn ma Brah Yêhôva ăn nau ueh uĭn ma may Jêh ri kâp kơl may!

Mathay 18:20

Yor lah ta ntŭk geh bar pe nuyh khân may tâm rƀŭn, ma amoh săk Gâp, ta nây Gâp mra gŭ ta nklang khân păng.”

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Nau Vay Nkah Tay 30:3

pôri Yêhôva Brah Ndu mra rklaih khân may luh bơh nau ƀư dĭk, mra yô̆ nđach ma khân may jêh ri mra rgum khân may sĭt bơh lĕ rngôch ntŭk phung ƀon lan Yêhôva Brah Ndu hŏ ƀư chah rai jêh khân may.

Nau Vay Nkah Tay 31:6

Ăn dăng ktang jêh ri janh nănh! Lơi ta klach, lơi ir krit tanăp măt phung ƀon lan nây, yorlah Yêhôva Brah Ndu khân may yơh hăn ndrel ma khân may. Păng mâu mra tâm nkhah ôh bơh ma khân may, mâu lĕ chalơi khân may!”

Nau Vay Nkah Tay 31:8

Brah Yêhôva Nơm mra hăn lor ma may; Păng mra gŭ ndrel ma may, mâu mƀăr may, mâu lĕ chalơi may. Lơi ta klach jêh ri lơi ir krit ôh!”

Nau Vay Nkah Tay 7:9

Yor ri, ăn khân may gĭt năl Yêhôva Brah Ndu khân may jêng Brah Ndu, Brah Ndu răp jăp, Nơm djôt prăp nau tâm rnglăp jêh ri nau ueh tât âk rbăn rô̆ nuyh ma lĕ phung rŏng ma Păng jêh ri djôt prăp nau vay Păng ntăm.

I Timôthê 4:8

yorlah nau nsrôih nti ma săk jăn knŏng jêng khlay djê̆ djê̆, ƀiălah nau klach yơk jêng khlay lơn ma lĕ rngôch nau, yorlah geh nau ton ma nau rêh rnôk aơ jêh ri ma nau rêh rnôk kăndơ̆ đŏng.

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

Yuđas 1:1

Y-Yut, oh mon Brah Yêsu Krist jêh ri oh Y-Yakơ, njuăl samƀŭt ma phung geh nau kuăl jêh, geh Brah Ndu jêng Mbơ̆, rŏng, jêh ri geh Brah Yêsu Krist mât mray.

Phung Kôranh Phat Dôih 6:16

Brah Yêhôva lah: “Gâp mra gŭ ndrel ma may, jêh ri may mra dơi lơh phung Madian nâm bu lơh du huê bunuyh.”