Nau Ntơm 26:24 - Nau Brah Ndu Ngơi 2023

²⁴ Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!”

Bunong Bible Latin Script Cambodian dialect

²⁴ Ta măng nây Brah Yêhôva tâm mpơl ma păng, lah ma păng kơt nđa: “May lơi ôh klach, yorlah Gâp gŭ ndrel may, Gâp dja i brah Abrahăm bơ̆ may yơk mbah nơh, Gâp ăn geh jêng ma may, Gâp jan ăn may geh kon geh sau bâk rơ̆, yorlah Abrahăm nơh i bunuyh sơm kơl jan kar ma Gâp”.

Bunong

²⁴ តា​មាង់​នៃ​ឞ្រាស​យេហោវា​តឹម​មពើល​មា​ពាង់ លាស​មា​ពាង់​កើត​នអា៖ “មៃ​លើយ​អោស​ក្លាច យ៝រ​លាស​គ៝ប់​គុ​នទ្រែល​មៃ គ៝ប់​អ្យា​អី​ឞ្រាស​អាឞ្រាហាម់  ​ឞឹ​មៃ​យើក​មឞាស​នើស គ៝ប់​អ៝ន់​គែស​ជេង​មា​មៃ គ៝ប់​ជាន​អ៝ន់​មៃ​គែស​ក៝ន​គែស​ឆៅ​ឞឹក​រឹ យ៝រ​លាស​អាឞ្រាហាម់  ​នើស​អី​ឞូនុយ្ស​ឆើម​កើល​ជាន​ការ​មា​គ៝ប់”។

Nau Ntơm 26:24 ပူးပေါင်းရင်းမြစ်များ

Nau Ntơm 13:16

Gâp mra ƀư ma noi deh may jêng âk tâm ban ndruyh klơ neh; tơlah mbu nơm dơi kơp ndruyh klơ neh ri mơ dơi kơp đŏng noi deh may.

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Nau Ntơm 17:8

Gâp mra ăn ma may jêh ri phung kon sau may neh may gŭ aƀaơ aơ, jêng lĕ n'gor Kanaan, jêng drăp ndơn n'ho ro. Gâp mra jêng Brah Ndu khân păng.”

Nau Ntơm 21:17

Brah Ndu tăng bâr kon se nhĭm, tông mpăr Brah Ndu bơh klơ trôk kuăl H'Agar jêh ri lah: “H'Agar, moh geh nau ma ay? Lơi klach ôh! Yorlah Brah Ndu lĕ tăng jêh bâr kon se jê̆ nhĭm ta ntŭk păng gŭ nây.

Nau Ntơm 22:17

Gâp mra ăn nau ueh uĭn ma may âk ngăn, ƀư ma noi deh may âk tâm ban nâm mănh tâm trôk, âk tâm ban nâm choih kơh dak mƀŭt, jêh ri noi deh may mra dơi pit mpông ƀon phung rlăng.

Nau Ntơm 22:19

Y-Abraham plơ̆ tay tât ntŭk phung bar hê oh mon kơl kan gŭ; khân păng dâk jêh ri hăn sĭt ndrel ta Bêr-Sêba. Y-Abraham gŭ rêh tay ta Bêr-Sêba.

Nau Ntơm 24:12

Păng mbơh sơm: “Ơ Brah Yêhôva, Brah Ndu Y-Abraham kôranh gâp! Dăn ăn ma gâp tâm mâp nar aơ dơi jêng jêh ri dăn mpơl hom nau ueh ma kôranh gâp jêng Y-Abraham!

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ntơm 28:15

Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

Nau Ntơm 28:3

Dăn Brah Ndu Geh Lĕ Nau Brah ăn nau ueh uĭn ma may, ƀư ăn noi deh kon bĭk rơ̆ dŭt âk jêh ri dơi jêng du phung ƀon lan âk.

Nau Ntơm 30:27

Y-Laban lah: “Ŭch ma may geh nau yô̆ tanăp măt gâp! May gĭt Brah Yêhôva ăn jêh nau ueh uĭn ma may yor gâp.”

Nau Ntơm 31:5

jêh ri lah: “Gâp saơ mbơ̆ khân ay mâu hôm ôh rŏng ma gâp nâm bu kơt saơm; ƀiălah Brah Ndu mbơ̆ gâp hôm gŭ ndrel ma gâp.

Nau Ntơm 39:2

Brah Yêhôva gŭ ndrel ma Y-Yôsep jêh ri păng dơi jêng tâm ngih kôranh păng, bunuyh Êjipt.

Nau Ntơm 39:3

Kôranh păng saơ đŏng Brah Yêhôva kâp kơl păng jêh ri ƀư ăn lĕ kan ti păng ƀư dơi chăt jêng da dê.

Nau Ntơm 46:1

Y-Israel hăn trong, djôt leo lĕ rngôch drăp ndơ. Dôl tât ta Bêr-Sêba, păng nhhơr mpa ƀư brah ma Brah Ndu mbơ̆ păng, Y-Isăk.

I Phung Hađăch 17:13

Ƀiălah Y-Êli lah: “Lơi klach ôh, plơ̆ sĭt hom ƀư di tĭng nâm nau ay lah jêh. Ƀiălah lor lơn, sŏk hom rnih môi nây ƀư du glo piăng let jê̆ jêh nây djôt leo păng tât ma gâp. Jêh nau nây, ƀư hom piăng let ma ay nơm jêh ri kon bu klâu ay.

Nau Ngluh Êjipt 14:13

Y-Môis lah ma phung ƀon lan: “Lơi klach ôh, iăt ma gŭ nâp jêh ri mra saơ nau tâm rklaih bơh Brah Yêhôva mra ƀư ăn ma khân may nar aơ. Lĕ phung Êjipt khân may saơ nar aơ mâu hôm ôh mra saơ.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 44:2

Brah Yêhôva jêng Nơm njêng jêh may, Hŏ mon jêh may tâm ndŭl me, jêh ri mra kơl may; Păng lah: Ơ phung Yakôb, oh mon Gâp, Jêh ri Yêsurun, nơm Gâp săch jêh, lơi klach ôh!

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Nau Nhĭm Vơl 3:57

May hŏ văch jêh ma gâp dôl gâp mbơh sơm đah May, May hŏ lah jêh: ‘Lơi klach ôh!’

Kan Lêvi 26:42

Gâp mra kah gĭt tay nau tâm rnglăp hŏ ƀư jêh đah Y-Yakôb, Gâp mra kah gĭt tay nau tâm rnglăp hŏ ƀư jêh đah Y-Isăk, tâm ban đŏng ma nau tâm rnglăp đah Y-Abraham, jêh ri Gâp mra kah gĭt tay ma n'gor aơ.

Kan Lêvi 26:45

Ƀiălah yor ma khân păng, Gâp mra kah gĭt tay nau tâm rnglăp hŏ ƀư jêh đah phung chô yau khân păng jêng phung Gâp hŏ ngluh jêh luh bơh Êjipt tanăp măt phung ndŭl mpôl bunuyh gay ƀư Brah Ndu khân păng. Gâp jêng Brah Yêhôva.’”

Mathay 22:32

‘Gâp jêng Brah Ndu Y-Abraham, Brah Ndu Y-Isăk, Brah Ndu Y-Yakôp’? Păng mâu di jêng Brah Ndu bunuyh khĭt ôh, ƀiălah Brah Ndu bunuyh rêh.”

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Kôranh Oh Mon 7:32

‘Gâp jêng Brah Ndu ma phung chô yau may, Brah Ndu Y-Abraham, Y-Isăk, jêh ri Y-Yakôp.’ Y-Môis râm sâr, mâu janh uănh ôh.

Nau Vay Nkah Tay 13:17

Lơi ăn geh du ntil ndơ bu prăp ƀư rai hôm krêp ta ti khân may. Nar aơ, ăn khân may djôt prăp lĕ rngôch nau vay Păng ntăm rĭ dĭng gâp hŏ ntĭnh ma khân may jêh ri ƀư nau di tanăp măt Yêhôva Brah Ndu. Pônây, Yêhôva Brah Ndu mra djoh nau ji nuih jêh ri tâm mpơl nau yô̆ nđach ma khân may. Tâm nau Păng yô̆, rnoh bunuyh khân may mra bĭk rơ̆ tĭng nâm nau Păng hŏ ton jêh ma phung chô yau khân may.”

Nau Vay Nkah Tay 31:6

Ăn dăng ktang jêh ri janh nănh! Lơi ta klach, lơi ir krit tanăp măt phung ƀon lan nây, yorlah Yêhôva Brah Ndu khân may yơh hăn ndrel ma khân may. Păng mâu mra tâm nkhah ôh bơh ma khân may, mâu lĕ chalơi khân may!”

ហេឞ្រើ 11:16

Ƀiălah khân păng ŭch geh du ƀon tơm ueh lơn, nây jêng ƀon tơm ta klơ trôk, pôri Brah Ndu mâu bêk prêng ôh gay mbơh Păng nơm jêng Brah Ndu khân păng, yorlah Păng ndrăp lor du ƀon ma khân păng.

ហេឞ្រើ 13:6

Pôri, he dơi janh lah: “Kôranh Brah kơl gâp, gâp mâu mra klach ôh. Moh bunuyh dơi ƀư ma gâp.”

Nau Tâm Mpơl 1:17

Tơlah saơ Păng, gâp cha lôt ta jâng Păng nâm bu khĭt. Ƀiălah Păng pah ti ma Păng klơ gâp jêh ri lah: “Lơi klach ôh, Gâp jêng Nơm Lor Lơn jêh ri Nơm Nglĕ Dŭt,

Bu ur Rut 3:11

Pôri aƀaơ, hơi kon bu ur gâp, lơi klach ôh lĕ ntil nau ma ay, gâp mra ƀư an ay lĕ nau ay dăn, yorlah lĕ rngôch phung ƀon lan tâm ƀon toyh gâp gĭt da dê ma ay jêng du huê bu ur geh nau mĭn ueh.