Nau Ntơm 24:3 - Nau Brah Ndu Ngơi 2023

³ Gâp ŭch may sŏk amoh Brah Yêhôva, jêng Brah Ndu ma trôk jêh ri ma neh ntu, ăn may ton pô aơ may mâu mra sŏk ôh ur ma kon bu klâu gâp bơh phung kon bu ur phung Kanaan, ntŭk gâp gŭ aƀaơ aơ,

Bunong Bible Latin Script Cambodian dialect

³ jêh ri ăn may ton ma Brah Yêhôva, i Kôranh Brah ma trôk, ndrel ma neh ntu, ăn may lah, may lơi ôh joi ur ăn ma kon gâp tă bơh bu ur phung Kanan ta ntŭk bri gâp gŭ dja.

Bunong

³ ជេសរី​អ៝ន់​មៃ​ត៝ន​មា​ឞ្រាស​យេហោវា អី​កោរាញ​ឞ្រាស​មា​ត្រោក នទ្រែល​មា​នែស​នតូ អ៝ន់​មៃ​លាស មៃ​លើយ​អោស​ជ៝យ​អូរ​អ៝ន់​មា​ក៝ន​គ៝ប់​តាៈ​ឞើស​ឞូ​អូរ​ផូង​កានាន​តា​នតុក​ឞ្រី​គ៝ប់​គុ​អ្យា។

Nau Ntơm 24:3 ပူးပေါင်းရင်းမြစ်များ

Nau Ntơm 14:19

jêh ri ăn nau ueh uĭn ma Y-Abram. Păng lah: “Dăn ma Brah Ndu Dŭt Prêh, Nơm rhăk njêng trôk jêh ri neh ntu, Ăn nau ueh uĭn ma Y-Abram!

Nau Ntơm 14:22

Ƀiălah Y-Abram lah ma hađăch ƀon Sôdôm: “Gâp hŏ yơr ti tanăp măt Yêhôva Brah Ndu Dŭt Prêh, Nơm rhăk jêng trôk jêh ri neh ntu, jêh ri ton pô aơ

Nau Ntơm 21:23

Yor nây aƀaơ aơ, tanăp măt Brah Ndu ăn may ton ma gâp pô aơ may mâu ôh mra ndơm gâp, kon sau mâu lah noi deh gâp, ƀiălah may mra ƀư ueh ma gâp jêh ri ma n'gor may gŭ njưh ăt ƀư ueh ngăn ngên, tâm ban ma gâp hŏ ƀư ueh ma may.”

Nau Ntơm 24:7

Brah Yêhôva jêng Brah Ndu klơ trôk, Nơm hŏ djôt leo gâp luh bơh ngih mbơ̆ gâp jêh ri ƀon tơm gâp, hŏ ngơi jêh ri ton ma gâp pô aơ: ‘Gâp mra ăn n'gor aơ ma noi deh may!’ Păng nơm mra njuăl phung tông mpăr hăn tanăp may, jêh ri may mra joi ur ma kon bu klâu gâp bơh ntŭk nây.

Nau Ntơm 27:46

Jêh nây, H'Rêbêka lah ma Y-Isăk: “Nau rêh gâp rngot ngăn, mâu hôm ŭch rêh đŏng ôh, yorlah phung kon ƀăn mpôl Y-Het. Tơlah Y-Yakôb sŏk du huê tâm phung kon bu ur mpôl Y-Het jêng ur, jêng du huê bu ur tâm n'gor aơ, moh ndơ jan gâp hôm rêh?”

Nau Ntơm 28:1

Y-Isăk kuăl Y-Yakôb văch, păng ăn nau ueh uĭn jêh ri ntĭnh ntăm: “May mâu dơi sŏk ôh ur bơh phung kon bu ur n'gor Kanaan.

Nau Ntơm 28:8

Pôri Y-Êsau gĭt ma phung kon ƀăn n'gor Kanaan mâu ƀư maak ôh ma Y-Isăk, mbơ̆ păng,

Nau Ntơm 34:9

Ăn khân may ƀư nau tâm nkol ur sai đah phung hên. Ăn ma hên phung kon bu ur khân may jêh ri sŏk hom phung kon bu ur hên ma khân may.

Nau Ntơm 38:2

Ta nây, Y-Yuđa saơ kon bu ur Y-Sua, du huê bunuyh ƀon Kanaan. Păng sŏk ƀư ur jêh ri gŭ nsum đah păng.

Nau Ntơm 47:31

Y-Yakôb lah: “May ton hom ma gâp.” Y-Yôsep ton ro ma păng. Y-Israel chon mon ro ta bôk sưng bê̆ch păng.

Nau Ntơm 50:25

Y-Yôsep đă phung kon sau Israel ton, lah: “Lah Brah Ndu khâl khân may, ăn khân may mra rdeng nting gâp luh bơh n'gor aơ.”

Nau Ntơm 6:2

Phung kon bu klâu Brah Ndu saơ kon bu ur kon bunuyh ueh jêh ri khân păng gŭ ur sai đah mbu nơm khân păng săch gay sŏk ur.

Nau Ntơm 6:4

Tâm rnôk nây jêh ri pakơi taơ geh phung dŭt toyh luh klơ neh, yorlah kon bu klâu Brah Ndu gŭ ndrel kon bu ur kon bunuyh jêh nây khân păng deh kon. Nây jêng phung bunuyh janh ktang tâm rnôk kăl e, jêng phung lư n'găr.

II Phung Hađăch 19:15

Y-Hêsêkia mbơh sơm tanăp Brah Yêhôva: “Ơ Brah Yêhôva, Brah Ndu Israel! Nơm gŭ ta klơ phung chêrubim, knŏng êng du huê May jêng Brah Ndu ma lĕ rngôch ƀon bri hađăch ta neh ntu. May yơh hŏ rhăk njêng jêh trôk jêh ri neh ntu.

II Nau Rêh Jêng 2:12

Y-Hiram plơ̆ lah đŏng: “Mât ton ma Yêhôva Brah Ndu Israel jêng Nơm njêng trôk jêh ri neh ntu, yorlah Păng hŏ ăn jêh ma hađăch Đavit du huê kon geh nau blau mĭn, nau njrăng, jêh ri gĭt rbăng gay ndâk ngih brah ma Păng, jêh ri du mlâm ngih hađăch ma păng nơm.

Êsra 5:11

Khân păng plơ̆ lah kơt aơ: ‘Hên jêng phung oh mon Brah Ndu, Kôranh Brah ma trôk jêh ri neh ntu. Hên dôl ndâk nkra đŏng ngih brah aơ, hŏ jŏ năm jêh lor panăp nơh, geh du huê hađăch toyh Israel hŏ ndâk njêng jêh ri ƀư lôch jêh.

Nêhêmi 13:25

Gâp nduyh jêh ri rak rtăp khân păng, gâp dong mbang bar pe nuyh mâu lah tôch sŏk khân păng jêh ri lah khân păng sơm ton knŏng ma amoh Brah Ndu pô aơ: “Khân may mâu mra mbloh ôh kon druh khân may đah kon ndăm khân păng mâu lah nđăp kon bu ur druh khân păng đah kon bu klâu ndăm khân may mâu lah ma săk jăn khân may nơm!

Nêhêmi 9:6

Vư, knŏng du huê Kôranh Brah jêng Brah Yêhôva geh nguay mâu hôm geh bar ôh; Kôranh Brah hŏ rhăk njêng lĕ ndâr trôk jêh ri trôk ma lĕ ndâr trôk ndrel ma lĕ rngôch phung tahan khân păng, Neh nđâp ma lĕ rngôch mpa tâm ta klơ neh ntu, dak mƀŭt jêh ri ma lĕ rngôch mpa geh tâm dak mƀŭt. Kôranh Brah mât njrăng lĕ rngôch ndơ nây Jêh ri phung tahan tâm trôk yơk mbah May da dê.

Nau Mprơ Ơm 115:15

Dăn Brah Yêhôva jêng Nơm rhăk jêh trôk jêh ri neh ntu. Ăn nau ueh uĭn ma khân may.

Nau Mprơ Ơm 136:26

Tâm rnê lah ueh hom ma Brah Ndu tâm lĕ ndâr trôk! Yor nuih n'hâm ueh Păng hôm tât n'ho ro.

Nau Ngluh Êjipt 20:7

May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Nau Ngluh Êjipt 22:11

ăn bar đah sŏk hom amoh Brah Yêhôva gay ton jêh ri mpơl gĭt lah nơm chiăp mpô mpa mâu sŏk ôh drăp ndơ nơm chiau meng păng. Ăn nơm tơm mpô mpa dơn nau ton nây, jêh ri nơm chiăp mâu ntrok ôh.

Nau Ngluh Êjipt 23:13

Ăn may blau njrăng lĕ nau Gâp lah jêh ma may. Mâu dơi nkah tay ôh tât amoh phung brah êng, mâu đŏng ăn bu tăng nau nây tă bơh trôm mbung may lah amoh phung brah nây.”

Nau Ngluh Êjipt 34:16

Mâu đŏng dơi nđăp kon bu ur khân păng ma phung kon bu klâu khân may, klach lah phung kon bu ur khân păng ƀư nau văng tĭr đah phung brah jêh ri nsŭk phung kon bu klâu khân may ƀư nau văng tĭr đah phung brah khân păng.

Êsai 45:23

Gâp hŏ tâm amoh Gâp nơm ton Nau ngơi sŏng srăng luh jêh bơh bâr mbung Gâp Mâu mra plơ̆ sĭt ôh; Lĕ rngôch kômâk mra chon mon tanăp Gâp, Jêh ri lĕ rngôch mpiăt mra ton săk tâm amoh Gâp.

Êsai 48:1

Iăt hom nau aơ, Ơ ngih Yakôb, Jêng phung bu rnha ma amoh Israel, Luh tơm bơh Y-Yuđa, Jêng phung ton săk tâm amoh Brah Yêhôva, Jêh ri vơh vơl ma Brah Ndu phung Israel, Ƀiălah mâu geh nuih n'hâm nanê̆ ngăn jêh ri sŏng srăng ôh.

Êsai 65:16

Yor nây, mbu ta klơ neh ntu mbơh sơm nau ueh lăng ma păng nơm Mra sŏk amoh Brah Ndu nanê̆ ngăn ma nau mbơh sơm; Jêh ri mbu ta klơ neh tâm ton Mra sŏk amoh Brah Ndu nanê̆ ngăn ma nau tâm ton. Yorlah nau rêh ni kăl e chuêl jêh, Jêh ri mâu hôm mpơl tanăp măt Gâp.”

Yêrêmi 10:11

Lah hom ma khân păng pô aơ phung brah aơ mâu njêng ôh trôk jêh ri neh ntu. Khân păng mra ƀư rai tă bơh măt neh jêh ri bơh trôk.

Yêrêmi 12:16

Tơlah khân păng gơih nti trong ƀon lan Gâp, ton tâm amoh Gâp pô aơ: ‘Ngăn yơh Brah Yêhôva gŭ rêh mro mrăng!’ — nâm bu phung khân păng hŏ nti ăn ma ƀon lan Gâp ton tanăp brah Baal — pôri nôk nây khân păng mra dơi nâp ta nklang phung ƀon lan Gâp.

Yêrêmi 29:6

Nsông ur hom jêh ri geh kon bu klâu, bu ur. Nsông ur hom ăn ma kon bu klâu, nđăp sai ăn ma phung kon bu ur gay ăn khân păng deh kon geh sau. Bĭk rơ̆ hom rnoh bunuyh ta nây lơi ăn n'hŭch ôh.

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Kan Lêvi 19:12

Khân may mâu dơi sŏk amoh Gâp ôh gay ton mƀruh, yorlah kơt nây jêng ngơi sưr tât ta amoh Brah Ndu khân may. Gâp jêng Brah Yêhôva.

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Nau Kơp Bunuyh 5:21

(nôk nây kôranh ƀư brah ăn bu ur ton sơm ma nau rak rtăp) jêh ri lah tay ma bu ur: “Dăn Brah Yêhôva ăn ma ay jêng du ntil ndơ rak rtăp jêh ri ndơ bu suai rak ta nklang phung ƀon lan ay, ƀư ăn ay glet nglu jêh ri ndŭl môr, săk jăn ay kro.

I Kôrintô 7:39

Ăn ur tâm krêp đah sai păng dôl păng hôm gŭ rêh. Tơlah sai păng khĭt, bu ur geh nau dah ŭch săch, sŏk sai êng tĭng nâm păng ŭch, iăt ma tâm Kôranh Brah.

Nau Vay Nkah Tay 10:20

Ăn khân may klach yơk ma Yêhôva Brah Ndu khân may, pah kan ma Păng, gŭ êp Păng jêh ri khân may mra ton ma amoh Păng.

Nau Vay Nkah Tay 6:13

May klach yơk hom ma Yêhôva Brah Ndu may, pah kan ma Păng jêh ri ton ma amoh Păng.

ហេឞ្រើ 6:16

N'hêl nanê̆ ngăn, phung bunuyh vay sŏk amoh du huê nơm toyh lơn ma khân păng nơm gay ma sân săk, jêh ri lĕ rngôch nau tâm rlăch nglĕ dŭt ma du nau ton gay ma nanê̆ lơn.

Yôsuê 2:12

Pônây aƀaơ, tâm amoh Brah Yêhôva ton hom ma gâp yorlah gâp ƀư ueh ma bar hê khân may, ăn bar hê khân may tâm ban đŏng ƀư ueh ma ngih mbơ̆ gâp jêh ri ăn ma gâp du nau mbên nanê̆

Phung Kôranh Phat Dôih 14:3

Mê̆ mbơ̆ păng lah: “Tâm nklang phung mpôl băl may mâu lah tâm lĕ phung ƀon lan he, mâu geh du huê bu ur druh may ŭch kŏ tât may sŏk du huê ur tă bơh phung Philistin mâu geh ôh nau koh ntâu?” Y-Samsôn lah ma mbơ̆ păng: “Dăn mbơ̆ nđăp păng ma gâp, yorlah păng tâm di ngăn đah gâp.”

I Samuel 20:17

Yorlah rŏng ma Y-Đavit, Y-Jônathan ăn Y-Đavit sơm ton đŏng, yor nau Y-Jônathan rŏng ma Y-Đavit nâm bu păng nơm.

I Samuel 30:15

Y-Đavit ôp: “May dơi njŭn gâp trŭnh hăn ma phung nây lĕ?” Păng plơ̆ lah: “Ăn may sơm ton ma gâp ma amoh Brah Ndu may mâu mra nkhĭt gâp ôh, mâu lah jao gâp ma kôranh gâp, gâp mra leo may hăn trŭnh tât phung nây.”