Nau Ntơm 23:4 - Nau Brah Ndu Ngơi 2023

⁴ “Gâp knŏng jêng du huê bunuyh bu năch rêh ta nklang phung khân may; dăn khân may ăn ma gâp du ntŭk ƀư môch tâm n'gor bri khân may, gay ma gâp dơi tâp drô ur gâp.”

Bunong Bible Latin Script Cambodian dialect

⁴ “Gâp dja jêng phung bu năch bri êng, jêng bunuyh veh gŭ du ƀlât ta khân may dja. Lah ndri gâp dăn khân may tăch neh môch du ntŭk ăn ma gâp ta bri khân may dja, gâp be ma tŏp ur gâp.

Bunong

⁴ “គ៝ប់​អ្យា​ជេង​ផូង​ឞូ​នាច់​ឞ្រី​អេង ជេង​ឞូនុយ្ស​វែស​គុ​ទូ​ប្ល៝ត់​តា​ខាន់​មៃ​អ្យា។ លាស​នទ្រី​គ៝ប់​ទាន់​ខាន់​មៃ​តាច់​នែស​មោច​ទូ​នតុក​អ៝ន់​មា​គ៝ប់​តា​ឞ្រី​ខាន់​មៃ​អ្យា គ៝ប់​ឞែ​មា​ត៝ប់​អូរ​គ៝ប់។

Nau Ntơm 23:4 ပူးပေါင်းရင်းမြစ်များ

Nau Ntơm 17:8

Gâp mra ăn ma may jêh ri phung kon sau may neh may gŭ aƀaơ aơ, jêng lĕ n'gor Kanaan, jêng drăp ndơn n'ho ro. Gâp mra jêng Brah Ndu khân păng.”

Nau Ntơm 23:5

Kon sau ndŭl mpôl Y-Het plơ̆ lah:

Nau Ntơm 3:19

May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

Nau Ntơm 47:9

Y-Yakôb plơ̆ lah ma Pharaôn: “Dĭng lĕ năm nau rêh gâp ta neh ntu geh du rhiăng pe jât năm. Lĕ năm gâp dơi rêh jê̆ lê̆ jêh ri hŏt rgănh, jêh ri mâu ban ôh nau rêh bơh chô yau gâp ta neh ntu.”

Nau Ntơm 49:30

jêng trôm lŭ tâm mir Makpêla, dăch Mamrê, tâm n'gor Kanaan, ntŭk Y-Abraham hŏ rvăt jêh bơh Y-Ephrôn, bunuyh Hitit, gay geh ntŭk ƀư môch.

Nau Ntơm 50:13

Khân păng rdeng njŭn păng plơ̆ sĭt ta n'gor Kanaan, tâp păng tâm trôm lŭ ta mir Makpêla, dăch Mamrê, Y-Abraham hŏ rvăt jêh bơh Ephrôn, bunuyh Hitit, jêng ntŭk ƀư môch.

I Nau Rêh Jêng 29:15

Yorlah tanăp măt May, hên jêng phung bu năch jêh ri phung gŭ njưh nâm bu lĕ rngôch phung chô yau hên kăl e. Lĕ nar hên gŭ rêh ta neh ntu nâm bu gui rgăn gơnh, jêh ri mâu geh ôh nau kâp gân.

Ndrom Samƀŭt bơh Yôp 30:23

Gâp gĭt Kôranh Brah mra njŭn leo gâp lăp nau khĭt, Jêng ntŭk tâm nal ăn ma lĕ rngôch bunuyh rêh.

Nau Mprơ Ơm 119:19

Gâp jêng bu năch ta neh ntu; Lơi dĭng pôn ma gâp tâm lĕ nau vay May ntăm.

Nau Mprơ Ơm 39:12

Ơ Brah Yêhôva! iăt hom nau gâp mbơh sơm, Rkêng tôr iăt nau gâp kuăl; Lơi gŭ rklăk tanăp dak măt gâp Yorlah gâp jêng bu năch tâm ngih May, Phung bu năch hăn nsong ƀât lât nâm bu lĕ chô yau gâp.

Nau Ngluh Êjipt 2:22

H'Sêpôra deh du huê kon bu klâu jêh ri Y-Môis tâm amoh Y-Gersôm, yorlah păng lah: “Gâp gŭ njưh tâm n'gor bu năch.”

Nơm Nti 12:5

Bu ăt klach ngăn dôl hao prêh, Jêh ri klach krit dôl hăn rŏ trong. Aƀaơ aơ, tơm si amandê luh kao, Phung krah ndrach nhuat jâk ngăn; Nau kơnh mâu hôm geh ôh, Yorlah aƀaơ aơ kon bunuyh hăn tât ngih păng gŭ n'ho ro, Bi phung ndrê klâng hăn ndăch jŭm lĕ trong ƀon toyh.

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Nơm Nti 6:3

Tơlah geh du huê bunuyh deh du rhiăng kon sau jêh ri rêh jŏ du rhiăng năm, ƀiălah nuih n'hâm mâu mpay nau ŭch ma nau ueh lăng, jêh ri khĭt mâu lĕ geh tâp, gâp dơi lah du huê kon se jê̆ khĭt nôk mhe deh hôm e geh nau ueh lăng rlau bunuyh nây.

Kan Lêvi 25:23

Mâu dơi tăch neh n'ho ro ôh yorlah neh jêng ndơ Gâp, bi khân may gŭ ndrel ma Gâp nâm bu phung bu năch jêh ri phung gŭ njưh.

Kôranh Oh Mon 7:16

bu djôt leo săk jăn khân păng plơ̆ sĭt ta ƀon Sichem, jêh ri tâp tâm môch Y-Abraham hŏ rvăt jêh ma prăk tă bơh phung kon bu klâu Y-Hamôr ta ƀon Sichem.

Kôranh Oh Mon 7:5

Brah Ndu mâu ăn drăp ndơ ma păng ôh tâm n'gor aơ, nđâp lah du nđam neh lum mpang jâng mâu geh lĕ, ƀiălah Păng ton ma păng jêh ri noi deh păng mra pit sŏk n'gor aơ, nđâp tơlah nôk nây Y-Abraham ê hŏ geh kon.

ហេឞ្រើ 11:9

Yor ma nau chroh, păng gŭ tâm neh ton tâm ban ma ta klơ neh phung bu năch, gŭ tâm lĕ vâl bok ndrel ma Y-Isăk jêh ri Y-Yakôp, jêng phung dơn ndrel nau ton tâm ban ma păng.

I Pêtrôs 2:11

Hơi phung gâp rŏng, khân may nâm bu phung bu năch, phung gŭ njưh ƀât lât; gâp vơl dăn ma khân may ver hom lĕ nau kơnh ŭch nglay săk, jêng nau tâm rdâng đah huêng.