Nau Ntơm 22:17 - Nau Brah Ndu Ngơi 2023

¹⁷ Gâp mra ăn nau ueh uĭn ma may âk ngăn, ƀư ma noi deh may âk tâm ban nâm mănh tâm trôk, âk tâm ban nâm choih kơh dak mƀŭt, jêh ri noi deh may mra dơi pit mpông ƀon phung rlăng.

Bunong Bible Latin Script Cambodian dialect

¹⁷ Gâp ăn geh jêng ma may dŭt ŏk, tay Gâp ăn nau geh jêng ma may ŏk bêng ler ngăn ngên, jêh ri jan rnoi deh may ăn ŏk bâk rơ̆ tâm ban ma mănh mbing ta kalơ trôk, mâu lah tâm ban ma choyh rŏ meng dak văch dak văr đŏng. Jêh ri rnoi deh may tay dơi mât uănh phung rlăng đah khân păng nơm.

Bunong

¹⁷ គ៝ប់​អ៝ន់​គែស​ជេង​មា​មៃ​ទុត​អ៝ក់ តៃ​គ៝ប់​អ៝ន់​នាវ​គែស​ជេង​មា​មៃ​អ៝ក់​ឞេង​លែរ​ងាន់​ងេន ជេសរី​ជាន​រាន៝យ​ទែស​មៃ​អ៝ន់​អ៝ក់​ឞឹក​រឹ​តឹម​ឞាន​មា​មាញ់​មឞីង​តា​កាលើ​ត្រោក មោ​លាស​តឹម​ឞាន​មា​ច៝យ្ស​រ៝ៈ​មែង​ទាក​វាច់​ទាក​វារ់​ដ៝ង់។ ជេសរី​រាន៝យ​ទែស​មៃ​តៃ​ទើយ​ម៝ត់​អ្វាញ់​ផូង​រាលាង់​ដាស​ខាន់​ពាង់​នើម។

Nau Ntơm 22:17 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 13:16

Gâp mra ƀư ma noi deh may jêng âk tâm ban ndruyh klơ neh; tơlah mbu nơm dơi kơp ndruyh klơ neh ri mơ dơi kơp đŏng noi deh may.

Nau Ntơm 15:5

Păng leo Y-Abram luh padih jêh ri lah: “N'gơr hom măt uănh klơ trôk jêh ri tơlah may dơi kơp lĕ mănh, kơp hom.” Jêh nây Păng lah tay ma Y-Abram: “Noi deh may mra tâm ban kơt nây đŏng.”

Nau Ntơm 17:6

Gâp mra ăn may geh bĭk rơ̆ dŭt âk, tă bơh may mra luh âk phung ƀon lan, jêh ri phung hađăch mra luh tă bơh may đŏng.

Nau Ntơm 24:60

Khân păng ăn nau ueh uĭn ma H'Rêbêka pô aơ: “Hơi oh bu ur hên ơi! Ăn ay dơi jêng me Ma rmưn rsen bunuyh, Jêh ri noi deh ay dơi pit in Mpông ƀon phung tahan rlăng.”

Nau Ntơm 25:11

Jêh Y-Abraham khĭt, Brah Yêhôva ăn nau ueh uĭn ma Y-Isăk, kon bu klâu păng. Y-Isăk gŭ êp ntu dak Bêr-Lahai-Roi.

Nau Ntơm 26:24

Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!”

Nau Ntơm 26:4

Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may;

Nau Ntơm 28:3

Dăn Brah Ndu Geh Lĕ Nau Brah ăn nau ueh uĭn ma may, ƀư ăn noi deh kon bĭk rơ̆ dŭt âk jêh ri dơi jêng du phung ƀon lan âk.

Nau Ntơm 28:4

Dăn Brah Ndu ăn ma may jêh ri phung noi deh may nau ueh lăng tă bơh Y-Abraham gay ma may dơi dơn n'gor may dôl gŭ, nây jêng n'gor Brah Ndu hŏ ăn jêh ma Y-Abraham!”

Nau Ntơm 32:12

Ƀiălah May nơm hŏ ton jêh ma gâp: ‘Nanê̆ May mra ƀư ueh ma gâp jêh ri ƀư ma noi deh gâp âk tâm ban ma choih dak mƀŭt, bu mâu dơi kơp ôh yor dŭt âk.’”

Nau Ntơm 32:13

Păng bê̆ch măng ta nây, jêh nây săch tâm lĕ ntil ndơ păng geh gay ƀư ndơ ăn ma Y-Êsau, nâu păng.

II Samuel 17:11

Pôri, gâp nchră kơt aơ: Ăn lĕ rngôch phung Israel tâm rgum ndrel may, ntơm bơh Dan tât ta Bêr-Sêba, jêng âk nâm bu choih tâm dak mƀŭt, jêh nây may nơm mra leo phung tahan păng hăn ma nau tâm lơh.

I Phung Hađăch 4:20

Phung Yuđa jêh ri phung Israel âk nâm bu choih ta kơh dak mƀŭt; khân păng sông sa nhêt hâk răm ngăn.

I Phung Hađăch 9:26

Hađăch Salômôn ƀư tay đŏng âk bôk kumpăn ta ƀon Êsiôn-Gêber, dăch Êlôt, ta kơh Dak Mƀŭt Chăng, tâm n'gor Êđôm.

I Nau Rêh Jêng 27:23

Y-Đavit mâu kơp ôh phung Israel tâm dâng bar jât năm, yorlah Brah Yêhôva ton jêh, Păng mra ƀư ăn phung Israel jêng bĭk rơ̆ nâm bu mănh klơ trôk.

II Nau Rêh Jêng 1:9

Ơ Yêhôva Brah Ndu, dăn nau May ton jêh ma Y-Đavit, mbơ̆ gâp, tât di ngăn; yorlah Kôranh Brah hŏ njêng jêh gâp hao ƀư hađăch chiă uănh du phung ƀon lan âk nâm bu ndruyh neh.

Nêhêmi 9:23

Kôranh Brah hŏ ƀư jêh ma noi deh khân păng âk nâm bu mănh klơ trôk, Jêh ri njŭn khân păng tât ta n'gor Kôranh Brah hŏ ton ăn jêh ma phung chô yau khân păng ăn khân păng mra lăp pit sŏk n'gor bri nây.

Nau Ngluh Êjipt 32:13

Dăn Kôranh Brah kah gĭt tay ma Y-Abraham, Y-Isăk jêh ri Y-Israel, jêng phung oh mon May, May hŏ sŏk amoh May nơm jêh ri ton jêh đah khân păng pô aơ: ‘Gâp mra ƀư ma noi deh khân may âk tâm ban bu mănh tâm trôk. Gâp mra ăn ma noi deh khân may lĕ n'gor aơ, jêng n'gor Gâp hŏ ngơi jêh ma khân may, jêh ri khân păng mra ndơn n'gor nây n'ho ro.’”

Êsai 48:19

Noi deh may mra âk tâm ban ma choih, Kon sau may mra âk tâm ban ma ndruyh neh. Amoh khân păng mâu mra rai ôh, Mâu lĕ dơi roh tanăp Gâp.”

Yêrêmi 32:22

May ăn jêh ma khân păng bri aơ, du mlâm bri geh ndơ sông sa rmeh ler, May hŏ ton jêh ăn ma phung chô yau khân păng.

Yêrêmi 33:22

Bu mâu dơi kơp ôh lĕ mănh klơ trôk jêh ri mâu dơi nhueh lĕ ôh choih tâm dâng dak mƀŭt; Gâp mra ƀư tâm lĕ ăn ma phung kon sau Y-Đavit, oh mon Gâp, jêh ri phung kon sau Lêvi, phung pah kan ma Gâp, bĭk rơ̆ tâm ban pônây.’”

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Ndrom Samƀŭt bơh Ôsê 2:1

“Kuăl hom ma oh nâu khân may jêng Ammi jêh ri ma oh ruh khân may jêng Ruhama.”

Mika 1:9

Yorlah ntŭk têl rmanh păng mâu dơi bah ôh; Păng trêng tât n'gor Yuđa tâm ban lĕ, Tât ta mpông pêr mpôl băl gâp, Nây jêng tât ƀon Yêrusalem.

Samƀŭt Pôl Njuăl Ăn Ma Phung Nsing Ta Ƀon Rôm 4:13

Nau ton ma Y-Abraham jêh ri phung kon sau păng dơi dơn neh ntu jêng drăp ndơn, mâu di tât tă bơh nau vay ƀiălah tât tă bơh nau sŏng srăng ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 9:27

Bi Y-Êsai hao ngơi ma phung Israel pô aơ: “Nđâp tơlah phung kon Israel âk tâm ban ma choih dak mƀŭt, knŏng du kô̆ hôm e klen mra dơi tâm rklaih;

I Kôrintô 15:57

Ƀiălah lah ueh ma Brah Ndu ăn ma he nau dơi tă bơh Kôranh Brah he jêng Brah Yêsu Krist.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Nau Vay Nkah Tay 1:10

Yêhôva Brah Ndu khân may ƀư bĭk rơ̆ jêh rnoh bunuyh kŏ tât nar aơ âk tâm ban ma mănh klơ trôk.

Nau Vay Nkah Tay 1:11

Dăn ma Yêhôva Brah Ndu phung chô yau khân may ƀư bĭk rnoh bunuyh khân may jêng âk lơn rbăn tơ̆ jêh ri ăn nau ueh uĭn ma khân may tĭng nâm Păng hŏ ton jêh ma khân may.

Nau Vay Nkah Tay 10:22

Nôk phung chô yau khân may jŭr ta n'gor Êjipt gay dơi rêh geh knŏng pơh jât nuyh, jêh ri aƀaơ Yêhôva Brah Ndu khân may hŏ ƀư jêh ăn khân may bĭk âk nâm bu mănh tâm trôk.”

Nau Vay Nkah Tay 13:17

Lơi ăn geh du ntil ndơ bu prăp ƀư rai hôm krêp ta ti khân may. Nar aơ, ăn khân may djôt prăp lĕ rngôch nau vay Păng ntăm rĭ dĭng gâp hŏ ntĭnh ma khân may jêh ri ƀư nau di tanăp măt Yêhôva Brah Ndu. Pônây, Yêhôva Brah Ndu mra djoh nau ji nuih jêh ri tâm mpơl nau yô̆ nđach ma khân may. Tâm nau Păng yô̆, rnoh bunuyh khân may mra bĭk rơ̆ tĭng nâm nau Păng hŏ ton jêh ma phung chô yau khân may.”

Nau Vay Nkah Tay 21:19

pôri ăn mê̆ mbơ̆ nhŭp păng jêh ri njŭn tât ta mpông ƀon gay jao ma phung kôranh bu ranh ƀon.

ហេឞ្រើ 11:12

Yor nây, tă bơh du huê bunuyh uănh nâm bu khĭt jêh, ƀiălah dơi geh âk ngăn kon sau, âk nâm bu mănh klơ trôk, nâm bu choih rgŏ kơh dak mƀŭt, mâu blau kơp.

ហេឞ្រើ 6:14

“Nanê̆ Gâp mra ăn nau ueh uĭn ma may jêh ri ƀư ma noi deh may bĭk rơ̆ âk râk.”

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”