Nau Ntơm 21:23 - Nau Brah Ndu Ngơi 2023

²³ Yor nây aƀaơ aơ, tanăp măt Brah Ndu ăn may ton ma gâp pô aơ may mâu ôh mra ndơm gâp, kon sau mâu lah noi deh gâp, ƀiălah may mra ƀư ueh ma gâp jêh ri ma n'gor may gŭ njưh ăt ƀư ueh ngăn ngên, tâm ban ma gâp hŏ ƀư ueh ma may.”

Bunong Bible Latin Script Cambodian dialect

²³ Lah ndri ăn may ton ma gâp ta dja, ăn Kôranh Brah gĭt say, may lah mâu ndơm gâp, kon gâp, ndrel ma kon sau gâp. Yorlah gâp lĕ jan ueh jêh ma may, lah ndri ăn may jan ueh ma gâp, ndrel ma bri dak gâp i may gŭ dja ăn kơt nây đŏng”.

Bunong

²³ លាស​នទ្រី​អ៝ន់​មៃ​ត៝ន​មា​គ៝ប់​តា​អ្យា អ៝ន់​កោរាញ​ឞ្រាស​គឹត​ឆៃ មៃ​លាស​មោ​នទើម​គ៝ប់ ក៝ន​គ៝ប់ នទ្រែល​មា​ក៝ន​ឆៅ​គ៝ប់។ យ៝រ​លាស​គ៝ប់​លែៈ​ជាន​អ្វែស​ជេស​មា​មៃ លាស​នទ្រី​អ៝ន់​មៃ​ជាន​អ្វែស​មា​គ៝ប់ នទ្រែល​មា​ឞ្រី​ទាក​គ៝ប់​អី​មៃ​គុ​អ្យា​អ៝ន់​កើត​នៃ​ដ៝ង់”។

Nau Ntơm 21:23 ပူးပေါင်းရင်းမြစ်များ

Nau Ntơm 20:14

Hađăch Abimêlek djôt leo biăp, ndrôk, phung oh mon bu klâu, bu ur ăn ma Y-Abraham, jêh ri mplơ̆ sĭt H'Sara ur păng ma păng nơm.

Nau Ntơm 21:24

Y-Abraham ơh: “Gâp dăn ton.”

Nau Ntơm 24:3

Gâp ŭch may sŏk amoh Brah Yêhôva, jêng Brah Ndu ma trôk jêh ri ma neh ntu, ăn may ton pô aơ may mâu mra sŏk ôh ur ma kon bu klâu gâp bơh phung kon bu ur phung Kanaan, ntŭk gâp gŭ aƀaơ aơ,

Nau Ntơm 26:28

Khân păng lah: “Hên saơ rah vah jêh Brah Yêhôva hŏ kâp kơl may, pôri hên mĭn vah vang may đah hên ăn geh du nau ton gay ƀư tâm rnglăp ndrel ndrăng he.

Nau Ntơm 31:44

Aƀaơ aơ, văch hom, ăn he ƀư nau tâm rnglăp ndrăng he gay ƀư nau mbơh ta nklang may jêh ri gâp.”

Nau Ntơm 31:53

Dăn Brah Ndu Y-Abraham jêh ri Brah Ndu Y-Nahôr phat dôih ta nklang ndrăng he!” Y-Yakôb tâm amoh Nơm mbơ̆ păng jêng Y-Isăk klach yơk jêh ri păng ton,

Nau Ntơm 39:3

Kôranh păng saơ đŏng Brah Yêhôva kâp kơl păng jêh ri ƀư ăn lĕ kan ti păng ƀư dơi chăt jêng da dê.

Nau Ntơm 47:31

Y-Yakôb lah: “May ton hom ma gâp.” Y-Yôsep ton ro ma păng. Y-Israel chon mon ro ta bôk sưng bê̆ch păng.

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

II Kôrintô 1:23

Gâp mbơh sơm dăn Brah Ndu mbơh ma huêng gâp, yorlah chrê khân may rĭ dĭng gâp ê hŏ hăn tât ma ƀon Kôrintô.

Nau Vay Nkah Tay 6:13

May klach yơk hom ma Yêhôva Brah Ndu may, pah kan ma Păng jêh ri ton ma amoh Păng.

ហេឞ្រើ 6:16

N'hêl nanê̆ ngăn, phung bunuyh vay sŏk amoh du huê nơm toyh lơn ma khân păng nơm gay ma sân săk, jêh ri lĕ rngôch nau tâm rlăch nglĕ dŭt ma du nau ton gay ma nanê̆ lơn.

Yôsuê 2:12

Pônây aƀaơ, tâm amoh Brah Yêhôva ton hom ma gâp yorlah gâp ƀư ueh ma bar hê khân may, ăn bar hê khân may tâm ban đŏng ƀư ueh ma ngih mbơ̆ gâp jêh ri ăn ma gâp du nau mbên nanê̆

I Samuel 20:13

bi tơlah mbơ̆ gâp sŏl ko ƀư mhĭk ma may, gâp mra ăn may gĭt lor, ăn may du, jêh ri may mra hăn đăp mpăn. Tơlah mâu, dăn ma Brah Yêhôva rmal jâk jêr ma Y-Jônathan! Dăn ma Brah Yêhôva gŭ ndrel ma may, nâm bu Păng hŏ gŭ ndrel ma mbơ̆ gâp!

I Samuel 20:17

Yorlah rŏng ma Y-Đavit, Y-Jônathan ăn Y-Đavit sơm ton đŏng, yor nau Y-Jônathan rŏng ma Y-Đavit nâm bu păng nơm.

I Samuel 20:42

Y-Jônathan lah ma Y-Đavit: “Hăn hom đăp mpăn! He hŏ sŏk jêh amoh Brah Yêhôva gay njêng nau sơm ton ndrăng he pô aơ: ‘Brah Yêhôva mra ƀư nau mbơh vah vang may đah gâp, vah vang noi deh gâp đah noi deh may kŏ tât ƀaƀơ n'ho ro.’”

I Samuel 30:15

Y-Đavit ôp: “May dơi njŭn gâp trŭnh hăn ma phung nây lĕ?” Păng plơ̆ lah: “Ăn may sơm ton ma gâp ma amoh Brah Ndu may mâu mra nkhĭt gâp ôh, mâu lah jao gâp ma kôranh gâp, gâp mra leo may hăn trŭnh tât phung nây.”