Nau Ntơm 20:9 - Nau Brah Ndu Ngơi 2023

⁹ Jêh nây, Y-Abimêlek kuăl Y-Abraham, jêh ri lah: “Moh nau may hŏ ƀư ma hên kơt nây? Moh nau mâu di gâp lĕ ƀư đah may dĭng may ƀư đah gâp jêh ri lĕ bri dak gâp dơn nau tih toyh kơt nây? May hŏ ƀư ma gâp lĕ nau bu mâu vay ôh ƀư.”

Bunong Bible Latin Script Cambodian dialect

⁹ Jêh ri kađăch Abimalĭch đă bu hăn kuăl Abrahăm, kađăch lah păng: “Moh may jan ma hên kơt nđa mêh? Moh ƀă gâp jan tih ma may, dâng may jan ăn ma gâp, ndrel ma bri dak gâp geh nau tih dŭt kuŏng kơt nđa? Yorlah nau i may jan ma gâp dja, bu mâu geh ôh di ma jan!”

Bunong

⁹ ជេសរី​កាដាច់​អាបីមាលិច​ដាៈ​ឞូ​ហាន់​ក្វាល់​អាឞ្រាហាម់  កាដាច់​លាស​ពាង់៖ “ម៝ស​មៃ​ជាន​មា​ហេន​កើត​នអា​មេស? ម៝ស​បាៈ​គ៝ប់​ជាន​តីស​មា​មៃ ទឹង​មៃ​ជាន​អ៝ន់​មា​គ៝ប់ នទ្រែល​មា​ឞ្រី​ទាក​គ៝ប់​គែស​នាវ​តីស​ទុត​ក្វ៝ង់​កើត​នអា? យ៝រ​លាស​នាវ​អី​មៃ​ជាន​មា​គ៝ប់​អ្យា ឞូ​មោ​គែស​អោស​ទី​មា​ជាន!”

Nau Ntơm 20:9 ပူးပေါင်းရင်းမြစ်များ

Nau Ntơm 12:18

Pharaôn kuăl Y-Abram jêh ri ôp: “Moh nau may hŏ ƀư ma gâp? Mâm may mâu ăn gâp gĭt bu ur aơ jêng ur may?

Nau Ntơm 20:10

Y-Abimêlek ôp tay Y-Abraham: “Moh nau may mĭn kŏ tât may ƀư kơt nây mêh?”

Nau Ntơm 20:8

Y-Abimêlek dâk ơm ôi, kuăl rgum lĕ rngôch phung oh mon păng, jêh ri nkoch mbơh ma khân păng lĕ nau nây. Lĕ rngôch bunuyh klach hâu ngăn.

Nau Ntơm 26:10

Y-Abimêlek ôp: “Moh nau may ƀư ma hên pônây? Tơlah geh du huê bunuyh ƀon lan hên lĕ lăn bê̆ch ndrel ma ur may, may hŏ ƀư ma hên tŭp tâm nau tih jêh!”

Nau Ntơm 29:25

Ang ôi taơ rĭ mơ Y-Yakôb gĭt nây jêng H'Lêa. Păng ôp Y-Laban: “Moh nau may hŏ ƀư ma gâp kơt aơ? Mâu di hĕ gâp pah kan ma ngih may gay geh H'Rachel? Mâm ƀư may ndơm gâp?”

Nau Ntơm 34:7

Phung kon bu klâu Y-Yakôb hăn sĭt tă bơh mir. Lah tăng nau nây, khân păng ji nuih hâu ngăn yorlah Y-Sichem hŏ ƀư nau bêk prêng tâm phung Israel nôk păng bê̆ch ndrel ma kon bu ur Y-Yakôb, jêng nau bu mâu dơi vay ƀư.

Nau Ntơm 38:24

Klăp lah pe khay pakơi, bu mbơh ma Y-Yuđa: “H'Tamar ƀăn may hŏ ƀư bu ur văng tĭr, păng nkhơng ma ntreo êng đŏng.” Y-Yuđa lah: “Leo hom păng luh padih jêh ri ăn bu su păng.”

Nau Ntơm 39:9

Tâm ngih aơ, mâu hôm geh ôh bunuyh jêng toyh lơn ma gâp, jêh ri kôranh gâp mâu nhhuach ôh du ntil ndơ ma gâp, knŏng ay, yorlah ay jêng ur păng. Mâm gâp dơi nănh ƀư nau mhĭk toyh kơt nĕ jêh ri ƀư tih đah Brah Ndu?”

II Samuel 12:5

Y-Đavit hao ji nuih ngăn ma bunuyh ndrŏng nây, jêh ri lah ma Y-Nathan: “Nanê̆ tĭng nâm Brah Yêhôva gŭ rêh mro mrăng, bunuyh hŏ ƀư nau nây khư nau khĭt yơh!

II Samuel 13:12

Păng lah. “Mâu ôh, nâu ah! Lơi nchâp gâp ôh, yorlah bu mâu ƀư ôh nau kơt nĕ tâm n'gor Israel. Lơi ƀư lă lêng nau mhĭk aơ!

Nau Ngluh Êjipt 32:21

Y-Môis lah ma Y-Arôn: “Moh phung ƀon lan aơ hŏ ƀư jêh ma may kŏ may ăn tât nau tih toyh ma khân păng?”

Nau Ngluh Êjipt 32:35

Brah Yêhôva ăn tât nau mhĭk ma phung ƀon lan yorlah khân păng ƀư jêh rup ndrôk kon ma mah jêh ri Y-Arôn hŏ tŏ păng.

Nau Hôr 28:10

Mbu nơm ƀư ăn bunuyh sŏng vĭ tâm trong tih mhĭk, Păng nơm nây ro mra tŭp tâm ntu păng hŏ kuyh; Ƀiălah bunuyh mâu geh nau bu dơi nduyh ôh ma dơn nau ueh lăng.

Kan Lêvi 20:10

‘Tơlah du huê bu klâu ƀư tih văng tĭr đah du huê bu ur lĕ geh sai, mâu lah đah ur nơm chiau meng păng, lĕ bu ur jêh ri bu klâu nây mra nkhĭt da dê.

Samƀŭt Pôl Njuăl Ăn Ma Phung Nsing Ta Ƀon Rôm 2:11

Yorlah Brah Ndu mâu gŭ du ding ma bu ôh.

Titus 1:11

Yor ma drăp ndơ jê̆ jănh, khân păng hŏ ƀư lĕ nau mâu dơi nti, nau ƀư rai lĕ rnăk vâl bunuyh ƀa bă.

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.

Yôsuê 7:25

Y-Yôsuê lah: “Mâm ƀư may ăn nau uh ah ma phung he? Brah Yêhôva mra ăn tât nau uh ah ma may nar aơ.” Jêh nây lĕ rngôch phung Israel klŭp păng ma lŭ; khân păng su phung nây ma ŭnh jêh ri brôi lơi ma lŭ.