Nau Ntơm 20:7 - Nau Brah Ndu Ngơi 2023

⁷ Aƀaơ, mplơ̆ tay hom păng ma sai păng nơm, yorlah sai păng jêng du huê nơm mbơh lor, păng mra mbơh sơm an ma may jêh ri may mra dơi rêh. Ƀiălah tơlah may mâu mplơ̆ ôh păng sĭt, ăn may gĭt may mra khĭt ngăn ro, nđâp lĕ rngôch bunuyh tâm ngih may.”

Bunong Bible Latin Script Cambodian dialect

⁷ Lah ndri ăn may mplơ̆ bu ur nây a sai păng aƀaơ ri, tay păng mbơh sơm ăn ma may, gay ma may hôm gŭ rêh jât, yorlah păng jêng bunuyh ntơyh nau Gâp ngơi. Lah may mâu ôh mplơ̆ bu ur nây a păng, may tay, ndrel ma ƀon lan may khât ro”.

Bunong

⁷ លាស​នទ្រី​អ៝ន់​មៃ​មព្លឹ​ឞូ​អូរ​នៃ​អា​ឆាយ​ពាង់​អាបៃ​រី តៃ​ពាង់​មឞើស​ឆើម​អ៝ន់​មា​មៃ គៃ​មា​មៃ​ហោម​គុ​រេស​ជឹត យ៝រ​លាស​ពាង់​ជេង​ឞូនុយ្ស​នតើយ្ស​នាវ​គ៝ប់​ងើយ។ លាស​មៃ​មោ​អោស​មព្លឹ​ឞូ​អូរ​នៃ​អា​ពាង់ មៃ​តៃ នទ្រែល​មា​ប៝ន​លាន​មៃ​ខឹត​រ៝”។

Nau Ntơm 20:7 ပူးပေါင်းရင်းမြစ်များ

Nau Ntơm 12:15

Lĕ kôranh kan tâm Pharaôn saơ păng khân păng rnê nau ueh păng tanăp măt hađăch, jêh ri bu njŭn leo bu ur nây lăp ta ngih Pharaôn.

Nau Ntơm 12:17

Ƀiălah yor tă bơh H'Sarai, ur Y-Abram đŏng, Brah Yêhôva hŏ ntŭp nau mhĭk jâk jêr ma Pharaôn nđâp ma lĕ bunuyh ta ngih păng.

Nau Ntơm 2:17

ƀiălah play tơm si gĭt nau ueh jêh ri nau mhĭk, may mâu dơi ôh sa, yorlah moh nar may sa play tơm si nây, nanê̆ may mra khĭt.”

Nau Ntơm 20:18

Ƀiălah, yor nau H'Sara, ur Y-Abraham, rĭ dĭng Brah Yêhôva hŏ ƀư ma dĭng lĕ bu ur tâm ngih hađăch Abimêlek mâu geh deh kon.

Nau Ntơm 20:3

Ƀiălah tâm nôk măng, Brah Ndu tâm mpơl ma Y-Abimêlek tâm nau mbơi jêh ri lah ma păng: “May mra khĭt yor bu ur may hŏ nhŭp. Păng lĕ geh sai jêh.”

Nau Ntơm 20:8

Y-Abimêlek dâk ơm ôi, kuăl rgum lĕ rngôch phung oh mon păng, jêh ri nkoch mbơh ma khân păng lĕ nau nây. Lĕ rngôch bunuyh klach hâu ngăn.

Nau Ntơm 23:6

“Hơi kôranh, dăn iăt hên. May jêng kôranh toyh bơh Brah Ndu gŭ ta klang phung hên. Ăn may tâp hom bunuyh may hŏ khĭt tâm môch dŭt ueh bơh phung hên. Mâu geh du huê bunuyh tâm phung hên nhhuach môch păng mâu ăn ôh may tâp bunuyh may hŏ khĭt.”

II Samuel 24:17

Saơ tông mpăr rmal phung ƀon lan, Y-Đavit ngơi ma Brah Yêhôva: “Gâp nơm hŏ ƀư tih jêh, gâp nơm ƀư jêh ma nau ƀai. Ƀiălah phung biăp aơ, moh nau khân păng mâp ƀư jêh? Mbơh sơm ti Kôranh Brah rmal ma gâp jêh ri ma ngih mbơ̆ gâp!”

I Phung Hađăch 13:6

Rnôk nây, hađăch lah ma bunuyh Brah Ndu pô aơ: “Dăn ma may vơl dăn ma Yêhôva Brah Ndu may jêh ri mbơh sơm an ma gâp gay ăn ti gâp kôn tay nâm bu ơm.” Bunuyh Brah Ndu vơl dăn ma Brah Yêhôva jêh ri ti hađăch kôn dơi tay bah nâm bu saơm.

II Phung Hađăch 5:11

Ƀiălah Y-Naaman ji nuih, dâk sĭt jêh ri lah: “Gâp gŭ mĭn păng nơm mra hăn luh chuă vơt gâp jêh ri vơl dăn amoh Yêhôva Brah Ndu păng, yơr ti păng prot găn ta klơ ntŭk geh phŭng jêh ri ƀư bah ma gâp.

I Nau Rêh Jêng 16:22

“Lơi ta pah bi ôh phung Gâp lĕ tŏ jêh dak ƀâu kah, Lơi ƀư mhĭk ôh ma phung nơm mbơh lor Gâp.”

II Nau Rêh Jêng 30:18

Yorlah geh âk bunuyh, tâm phung ƀon lan phung Êphraim, Manasê, Isakar, jêh ri Sabulôn ê hŏ ƀư kloh khân păng nơm ôh, ƀiălah ăt khân păng sa rƀŭn Nau Găn, mâu tĭng kơt ôh nau vay bu hŏ nchih jêh. Yor nây Y-Hêsêkia mbơh sơm ma khân păng pô aơ:

Ndrom Samƀŭt bơh Yôp 34:19

N'hơn lah Nơm mâu gŭ nding mpeh ma phung kôranh, Mâu lĕ uănh khlay ma phung ndrŏng âk lơn ma đah phung o ach, Yorlah lĕ rngôch bơh ti Păng rhăk njêng da dê.

Ndrom Samƀŭt bơh Yôp 42:8

Pôri aƀaơ, khân may sŏk hom pơh mlâm ndrôk nkuăng jêh ri pơh mlâm biăp nkuăng jêh nây hăn mâp Y-Yôp, jêng oh mon Gâp. Yorlah khân may nơm yơh ăn khân may nhhơr mpa ƀư brah gŭch, jêh nây Y-Yôp, oh mon Gâp, mra mbơh sơm ma khân may. Gâp mra dơn nau Y-Yôp jêh ri mâu rmal ôh ma khân may tĭng nâm nau rluk khân may; yorlah khân may mâu ngơi nau di ma Gâp nâm bu Y-Yôp, oh mon Gâp, hŏ ngơi jêh.”

Nau Mprơ Ơm 25:14

Brah Yêhôva jan jiăng ndrel ma phung klach yơk ma Păng, Jêh ri mpơl ma nơm nây gĭt nau tâm rnglăp Păng.

Nau Ngluh Êjipt 18:17

Po Y-Môis lah: “Nau may ƀư nây mâu ueh ôh.

Nau Ngluh Êjipt 4:16

Nâu may mra jêng nơm sâm ngơi ma may tanăp phung ƀon lan, jêng trôm mbung ăn ma may, bi may mra jêng nâm Brah Ndu ăn ma păng.

Nau Ngluh Êjipt 7:1

Brah Yêhôva lah ma Y-Môis: “Aơ, Gâp ăn may jêng nâm bu Brah Ndu đah Pharaôn; bi ma Y-Arôn, nâu may, mra jêng bunuyh sâm ngơi ma may.

Yêrêmi 14:11

Brah Yêhôva lah ma gâp: “Lơi ta may mbơh sơm nau ueh ôh ăn ma phung ƀon lan aơ.

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 27:18

Tơlah n'hêl nanê̆ ngăn khân păng jêng phung mbơh lor jêh ri nau Brah Yêhôva ngơi gŭ ndrel ma khân păng, pôri ăn khân păng mbơh sơm ma Brah Yêhôva ma phung tahan gay ma lĕ ndơ dŏng hôm e klen tâm ngih Brah Yêhôva, tâm ngih hađăch Yuđa jêh ri tâm ƀon Yêrusalem bu mâu djôt leo ôh ma bri Babilôn.

Êsêkiêl 3:18

Lah Gâp lah ma bunuyh mhĭk: ‘Nanê̆ ngăn may mra khĭt!’ Tơlah may mâu mbơh ôh ma păng, mâu ngơi đah păng, jêh ri mâu buay ôh păng chalơi trong djơh mhĭk gay ma tâm rklaih nau rêh may, pôri nơm djơh mhĭk nây mra khĭt tâm nau tih păng, ƀiălah Gâp mra ăn krêp mham păng ta ti may.

Êsêkiêl 33:8

Tơlah Gâp lah ma bunuyh mhĭk pô aơ: ‘Hơi phung mhĭk, nanê̆ ngăn may mra khĭt!’ Tơlah may mâu mbơh ôh ma bunuyh mhĭk chalơi trong djơh mhĭk păng, pôri bunuyh mhĭk nây mra khĭt tâm nau djơh mhĭk păng, ƀiălah Gâp mra ăn krêp mham păng ta ti may.

Kan Lêvi 6:4

Mbu nơm hŏ ƀư tih jêh ri geh nau tih kơt nây ăn păng mplơ̆ hom ndơ păng hŏ ntŭng jêh, mâu lah ndơ păng hŏ sŏk jêh, mâu lah ndơ bu njuăl ma păng, mâu lah lĕ ndơ roh jêh ri păng dônh,

Kan Lêvi 6:7

Kôranh ƀư brah mra ƀư nau rƀŭn chuai nau ƀư tih ma păng tanăp Brah Yêhôva, jêh ri păng mra dơi yô̆ an ma lĕ nau mâu di păng hŏ ƀư jêh.”

Kôranh Oh Mon 8:24

Y-Simôn plơ̆ lah: “Mbơh sơm hom ma Kôranh Brah an gâp, gay gâp mâu khan nau khân may lah nây.”

I Kôrintô 14:4

Mbu nơm ngơi nau bu năch ndâk njêng êng păng nơm, ƀiălah bunuyh ngơi nau mbơh lor ndâk njêng Phung Ngih Brah Ndu.

ហេឞ្រើ 1:1

Rnôk rô̆ kăl e, Brah Ndu hŏ dŏng phung mbơh lor ntĭm nti ma phung chô yau he âk tơ̆, âk trong.

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.

I Yôhan 5:16

Tơlah mbu nơm saơ oh nâu păng nơm ƀư tih, ƀiălah nau tih nây mâu kŏ tât khĭt ôh, vơh vơl hom, jêh ri Brah Ndu mra ăn nau rêh ma bunuyh nây, jêng ma phung ƀư nau tih mâu kŏ tât khĭt. Geh đŏng nau tih njŭn leo tât nau khĭt; gâp mâu đă ma ăn khân may mbơh sơm dăn ma nau tih aơ.

I Samuel 12:19

Lĕ rngôch phung ƀon lan lah ma Y-Samuel: “Mbơh sơm hom ma Yêhôva Brah Ndu may yor phung oh mon may, gay ma hên mâu khĭt ôh, yorlah hên hŏ ntop nau tih dăn du huê hađăch nđâp ma lĕ rngôch nau tih êng đŏng tâm hên.”

I Samuel 12:23

Bi ma gâp mâu đŏng ƀư tih ma Brah Yêhôva jêh ri rlu mbơh sơm an ma khân may. Gâp mra nti ma khân may gĭt trong ueh jêh ri sŏng.

I Samuel 7:5

Jêh nau nây, Y-Samuel lah: “Tâm rgum hom lĕ rngôch phung Israel ta Mispa, gâp mra mbơh sơm ma Brah Yêhôva yor khân may.”

I Samuel 7:8

khân păng lah ma Y-Samuel: “Lơi ta rlu ôh mbơh sơm ma Yêhôva Brah Ndu yor hên, gay ma Păng tâm rklaih he bơh ti phung Philistin.”