Nau Ntơm 20:6 - Nau Brah Ndu Ngơi 2023

⁶ Brah Ndu lah ma hađăch tâm nau mbơi: “Gâp gĭt may ƀư nau nây ma nuih n'hâm sŏng. Yor nây, Gâp nơm yơh hŏ mâu ăn may ƀư tih đah Gâp, jêh ri mâu ăn ôh may pah păng.

Bunong Bible Latin Script Cambodian dialect

⁶ Kôranh Brah lah ma păng tâm nau mbơi nây: “Gâp gĭt nau may jan nây jêng di ma may, kơt ndri dâng Gâp buay may, mâu ăn may jan tih ma Gâp. Gâp mâu ƀŏng gor ăn may bêch đah bu ur nây đŏng.

Bunong

⁶ កោរាញ​ឞ្រាស​លាស​មា​ពាង់​តឹម​នាវ​មឞើយ​នៃ៖ “គ៝ប់​គឹត​នាវ​មៃ​ជាន​នៃ​ជេង​ទី​មា​មៃ កើត​នទ្រី​ទឹង​គ៝ប់​ឞ្វៃ​មៃ មោ​អ៝ន់​មៃ​ជាន​តីស​មា​គ៝ប់។ គ៝ប់​មោ​ប៝ង់​គ៝រ​អ៝ន់​មៃ​ឞិច​ដាស​ឞូ​អូរ​នៃ​ដ៝ង់។

Nau Ntơm 20:6 ပူးပေါင်းရင်းမြစ်များ

Nau Ntơm 20:18

Ƀiălah, yor nau H'Sara, ur Y-Abraham, rĭ dĭng Brah Yêhôva hŏ ƀư ma dĭng lĕ bu ur tâm ngih hađăch Abimêlek mâu geh deh kon.

Nau Ntơm 26:11

Yor ri, Y-Abimêlek ntăm ma lĕ rngôch bunuyh tâm ƀon lan pô aơ: “Mbu nơm pah bunuyh aơ mâu lah ur păng, bu mra nkhĭt ro.”

Nau Ntơm 3:3

ƀiălah play tơm si tăm ta nklang n'gar trao, Brah Ndu hŏ lah: ‘Khân may mâu dơi sa ôh, mâu đŏng dơi pah play tơm si nây, klach lah khân may mra khĭt’”.

Nau Ntơm 31:24

Ƀiălah nôk măng, tâm nau mbơi, Brah Ndu tâm mpơl tât ma Y-Laban, bunuyh Aram, jêh ri lah ma păng: “Nđâp tơlah nau ueh mâu lah nau mhĭk, njrăng hom, lơi ngơi janh ma Y-Yakôb.”

Nau Ntơm 31:7

ƀiălah mbơ̆ khân ay ndơm jêh gâp, jêh ri tâm rgâl jât tơ̆ prăk nkhôm ma gâp pah kan. Ƀiălah Brah Ndu mâu ăn ôh păng ƀư nau mhĭk ma gâp.

Nau Ntơm 35:5

Rnăk vâl Y-Yakôb hăn trong. Brah Ndu ăn nau klach ta lĕ rngôch ƀon jŭm nây, pôri mâu geh ôh du huê nuyh tâm phung nây nănh tĭng phung kon Y-Yakôb.

Nau Ntơm 39:9

Tâm ngih aơ, mâu hôm geh ôh bunuyh jêng toyh lơn ma gâp, jêh ri kôranh gâp mâu nhhuach ôh du ntil ndơ ma gâp, knŏng ay, yorlah ay jêng ur păng. Mâm gâp dơi nănh ƀư nau mhĭk toyh kơt nĕ jêh ri ƀư tih đah Brah Ndu?”

Nau Mprơ Ơm 51:4

Gâp hŏ ƀư tih jêh đah May, knŏng đah du huê May dơm Jêh ri ƀư nau mhĭk tâm dâng măt May. Gay ma May tâm mpơl nau sŏng srăng tơlah May ngơi Jêh ri nau kloh ueh tơlah May phat dôih.

Nau Mprơ Ơm 81:12

Yor nây, Gâp jao khân păng ma nau nuih n'hâm dăng khân păng, Gay ma khân păng hăn tĭng nâm khân păng nơm mĭn.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Ngluh Êjipt 34:24

Yorlah Gâp mra nsot phung băl mpôl bơh panăp may jêh ri ƀư dĭ n'har bri may; mâu lĕ bu mra kơnh ma n'gor may dôl may hăn nhhơ tanăp Yêhôva Brah Ndu may ăp năm pe tơ̆.

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Nau Hôr 6:29

Nơm gŭ ndrel ma ur phung chiau meng păng tâm ban pônây lĕ; Ma mbu nơm pah ta păng mâu mra klaih ôh bơh nau tâm rmal.

Kan Lêvi 6:2

“Tơlah du huê ƀư tih jêh ri mâu gŭ răp jăp ôh đah Brah Yêhôva yorlah păng hŏ ndơm mƀruh phung chiau meng păng nơm ma ndơ khân păng đă păng sâm mât mray mâu lah chiă uănh an, mâu lah ma nau ntŭng, mâu lah hŏ sŏk lĕ ndơ nơm chiau meng păng,

Mathay 27:19

Rlau ma nây, dôl păng gŭ ta ntŭk phat dôih, ur păng njuăl bu lah ma păng pô aơ: “Lơi ta pah bi ma bunuyh sŏng srăng nây, yor ma bunuyh nây măng aơ gâp geh nau ji ta nuih n'hâm hâu ngăn tâm nau mbơi.”

I Kôrintô 7:1

Ma lĕ nau khân may nchih jêh tâm samƀŭt nâm bu “bu klâu mâu sŏk ur jêng ueh lơn.”

II Kôrintô 6:17

“Yor nây, Kôranh Brah lah: Luh du hom tă bơh khân păng, Tâm nkhah hom tă bơh khân păng, Lơi pah tât ndơ ƀơ̆ ƀơch, Gâp mra rom dơn khân may.

II Têsalônik 2:11

Yor nây, Brah Ndu jao khân păng tâm nau vĭ ngăn, ƀư ăn khân păng chroh ma nau mƀruh ndơm,

II Têsalônik 2:7

Yorlah nau dăng ndâp bơh nau tih mhĭk ntơm pah kan jêh; ƀiălah Nơm nkân păng aƀaơ aơ ăt pah kan kŏ tât nar Bunuyh bu dơi sŏk.

I Samuel 25:26

Aƀaơ, hơi kôranh gâp, Brah Yêhôva nkân jêh ti kôranh mâu ƀư nau nkhŭt mham, jêh ri sŏk ti may nơm plơng har. Nanê̆ nâm bu Brah Yêhôva gŭ rêh mro mrăng jêh ri kôranh ăt hôm rêh, ăn phung rlăng jêh ri phung ŭch ƀư mhĭk ma kôranh gâp mra nâm bu Y-Nabal!

I Samuel 25:34

Ƀiălah nanê̆ nâm bu Yêhôva Brah Ndu phung Israel jêng Nơm gŭ rêh mro mrăng, Nơm hŏ nkân gâp ƀư nau mhĭk ma ay, tơlah ay mâu gơnh văch tâm mâp ôh đah gâp, nanê̆ gâp mâu mra ăn du huê bu klâu tâm phung Y-Nabal hôm e rêh tât ta ôi taơ.”