Nau Ntơm 2:1 - Nau Brah Ndu Ngơi 2023

¹ Pônây yơh, trôk neh jêh ri lĕ ntil mpô mpa hŏ njêng lôch jêh.

Bunong Bible Latin Script Cambodian dialect

¹ Ndri trôk, neh ntu, lĕ rngôch ăp ntil ndơ, lĕ rngôch ăp ntil mpômpa (siŭm), Kôranh Brah njêng jêh lĕ phiao dadê đŏng.

Bunong

¹ នទ្រី​ត្រោក នែស​នតូ លែៈ​រាងោច​អាប់​នតីល​នទើ លែៈ​រាងោច​អាប់​នតីល​មពោមពា​(ឆ្យុម) កោរាញ​ឞ្រាស​ញជេង​ជេស​លែៈ​ផ្យៅ​ទាទេ​ដ៝ង់។

Nau Ntơm 2:1 ပူးပေါင်းရင်းမြစ်များ

Nau Ntơm 1:1

Ntơm saơm, Brah Ndu rhăk njêng trôk jêh ri neh.

Nau Ntơm 1:10

Brah Ndu rnha ntŭk sơh jêng “neh,” bi ntŭk dak nsŭn jêng “dak mƀŭt.” Brah Ndu saơ nau nây jêng ueh.

Nau Ntơm 2:4

Nây jêng nau ntơm ma nau rhăk njêng trôk jêh ri neh ntu. Tơlah Yêhôva Brah Ndu rhăk njêng trôk jêh ri neh ntu,

II Phung Hađăch 19:15

Y-Hêsêkia mbơh sơm tanăp Brah Yêhôva: “Ơ Brah Yêhôva, Brah Ndu Israel! Nơm gŭ ta klơ phung chêrubim, knŏng êng du huê May jêng Brah Ndu ma lĕ rngôch ƀon bri hađăch ta neh ntu. May yơh hŏ rhăk njêng jêh trôk jêh ri neh ntu.

II Nau Rêh Jêng 2:12

Y-Hiram plơ̆ lah đŏng: “Mât ton ma Yêhôva Brah Ndu Israel jêng Nơm njêng trôk jêh ri neh ntu, yorlah Păng hŏ ăn jêh ma hađăch Đavit du huê kon geh nau blau mĭn, nau njrăng, jêh ri gĭt rbăng gay ndâk ngih brah ma Păng, jêh ri du mlâm ngih hađăch ma păng nơm.

Nêhêmi 9:6

Vư, knŏng du huê Kôranh Brah jêng Brah Yêhôva geh nguay mâu hôm geh bar ôh; Kôranh Brah hŏ rhăk njêng lĕ ndâr trôk jêh ri trôk ma lĕ ndâr trôk ndrel ma lĕ rngôch phung tahan khân păng, Neh nđâp ma lĕ rngôch mpa tâm ta klơ neh ntu, dak mƀŭt jêh ri ma lĕ rngôch mpa geh tâm dak mƀŭt. Kôranh Brah mât njrăng lĕ rngôch ndơ nây Jêh ri phung tahan tâm trôk yơk mbah May da dê.

Ndrom Samƀŭt bơh Yôp 12:9

Tâm lĕ ntil mpa aơ, moh ntil mpa mâu gĭt Ma ti Brah Yêhôva hŏ njêng jêh lĕ nau nây?

Nau Mprơ Ơm 104:2

Păng nkŭm păng nơm ma nau ang nâm bu du blah ao, Ling lĕ ndâr trôk nâm bu ngih bok.

Nau Mprơ Ơm 146:6

Păng jêng Nơm rhăk njêng trôk jêh ri neh ntu, Dak Mƀŭt jêh ri lĕ rngôch mpa tâm khân păng; Păng djôt prăp nau răp jăp n'ho ro.

Nau Mprơ Ơm 33:6

Lĕ ndâr trôk rhăk njêng bơh nau ngơi Brah Yêhôva, Lĕ rngôch khay mănh mbing luh tă n'hâm nsôr bơh bâr mbung Păng.

Nau Mprơ Ơm 33:9

Yorlah mâm nau Păng lah mra geh ro; Păng ntrŭnh nau ntăm lĕ rngôch ndơ mra nâp ngăn.

Nau Ngluh Êjipt 20:11

Yorlah tâm prao nar Brah Yêhôva hŏ rhăk njêng trôk, neh ntu, dak mƀŭt, jêh ri lĕ rngôch mpa gŭ tâm nây, ƀiălah Păng rlu tâm nar pơh. Yor ri, Brah Yêhôva ăn nau ueh uĭn ma nar rlu jêh ri ƀư kloh ueh nar nây.

Nau Ngluh Êjipt 31:17

Nau nây jêng du nau tâm mbên n'ho ro ta nklang Gâp jêh ri phung ƀon lan Israel, yorlah Brah Yêhôva hŏ rhăk njêng jêh trôk jêh ri neh ntu tâm prao nar, tât nar tal pơh Păng mâu hôm kan jêh ri gŭ rlu.’”

Êsai 34:4

Lĕ rngôch phung mănh mbing tâm trôk mra rai lơi, Lĕ ndâr trôk mra klôn tay tâm ban ma klôt ndrom samƀŭt; Lĕ rngôch phung mănh mbing mra rai lĕ Tâm ban ma n'ha krăk ƀâu kro tŭp rŭng, Tâm ban ma n'ha rvi kro tŭp rŭng bơh tơm rvi.

Êsai 42:5

Yêhôva Brah Ndu, Nơm hŏ rhăk njêng jêh ri pơk lĕ ndâr trôk, Nơm hŏ lăk huy neh ntu, ndrel lĕ rngôch mpa luh bơh păng, Nơm ăn n'hâm rêh ma phung ƀon lan tâm klơ neh, Jêh ri ăn nau brah ma phung bunuyh hăn ta nây; Păng lah:

Êsai 45:12

Gâp yơh hŏ njêng rplay neh, Jêh ri rhăk njêng jêh bunuyh ta klơ păng. Gâp nơm yơh ling jêh lĕ ndâr trôk, Jêh ri ntrŭnh nau ntăm ma lĕ rngôch phung mănh mbing.

Êsai 45:18

Yorlah Brah Yêhôva jêng Nơm hŏ rhăk njêng lĕ ndâr trôk, Jêng Brah Ndu, Nơm hŏ rhăk njêng rplay neh, Păng njêng jêh ri ƀư ăn nâp, Păng mâu rhăk ăn jêng ntŭk hŏng ôh, Ƀiălah njêng păng ăn ntŭk kon bunuyh gŭ. Nơm nây lah pô aơ: “Gâp jêng Brah Yêhôva, mâu hôm geh Nơm êng ôh!”

Êsai 48:13

Ti Gâp nơm dơm jêh mbon rplay neh, Ti ma Gâp ling jêh lĕ ndâr trôk; Lah Gâp kuăl, Trôk jêh ri neh ntu dâk da dê.

Êsai 55:9

Yorlah lĕ ndâr trôk prêh lơn ma neh ntu, Pônây lĕ trong Gâp jêng prêh lơn ma trong khân may, Nau gâp mĭn prêh lơn ma nau khân may mĭn.

Êsai 65:17

“Yorlah aơ, Gâp mra rhăk njêng trôk mhe jêh ri neh mhe; Bu mâu hôm kah gĭt ôh ma lĕ ndơ kăl e, Mâu lĕ bu hôm mĭn ma ndơ nây.

Yêrêmi 10:12

Brah Yêhôva yơh hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Lăk huy lĕ ndâr trôk bơh nau gĭt rbăng Păng.

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Sakari 12:1

Nau ngơi Brah Yêhôva mbơh lor ma phung Israel. Brah Yêhôva jêng Nơm pơk rvang lĕ ndâr trôk, ƀư mbon neh ntu, jêh ri njêng huêng tâm trôm săk bunuyh, Nơm nây lah pô aơ:

Luka 2:13

Ndrel nôk aơ, geh âk ngăn tahan klơ trôk ndrel ma tông mpăr nây mprơ rnê ma Brah Ndu jêh ri pô aơ:

Kôranh Oh Mon 4:24

Jêh tăng, khân păng du nuih n'hâm mbơh sơm nteh ma Brah Ndu pô aơ: “Ơ Kôranh Brah, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây,

Kôranh Oh Mon 7:42

Pôri, Brah Ndu mâu hôm n'gĭl măt ma khân păng jêh ri jao khân păng ăn yơk mbah ma phung tahan tâm trôk, tĭng nâm hŏ nchih jêh tâm lĕ ndrom samƀŭt phung nơm mbơh lor pô aơ: ‘Hơi phung Israel, di lĕ khân may hŏ nhhơr mpa ƀư brah jêh ri ndơ nhhơr ma Gâp Tâm puăn jât năm gŭ ta bri rdah?

Nau Vay Nkah Tay 17:3

hăn pah kan jêh ri yơk mbah ma phung brah êng, mâu lah mbah ma nar, ma khay mâu lah lĕ rngôch mănh mbing, jêng nau gâp mâu ntĭnh ôh,

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.

ហេឞ្រើ 4:3

Bi ma he jêng phung bunuyh chroh jêh, he hăn lăp tâm nau rlu, nâm bu Brah Ndu hŏ lah jêh: “Nâm bu nau Gâp sơm ton jêh tâm nau ji nuih: ‘Khân păng mâu mra hăn lăp tâm nau rlu Gâp ôh!’ ” Nđâp tơlah nau kan Păng hŏ lôch jêh ntơm bơh rhăk njêng neh ntu.